? дыбысы мен ?рпі

Сабақтың мақсаты:

Білімділік: Оқушыларды Ә ә дыбысымен таныстыру, ә дыбысының орнын анықтату, сауатты оқуға және жазуға дағдыландыру, сөздерге дыбыстық және буындық талдау жасай білуге үйрету.

Дамытушылық: Балалардың шығармашылық қабілетін, ой-өрісін, сөйлеу тілін, сөздік қорын дамыту.

Тәрбиелік: Әдемі, көркем, таза жазуға үйрету, бауырмалдылыққа, еңбекшілдікке, ұйымшылдыққа тәрбиелеу.

Сабақтың түрі: Дәстүрлі сабақ

Сабақтың типі: Аралас сабақ

Сабақтың әдісі: Түсіндіру, талдау – жинақтау, сұрақ-жауап, топтастыру, салыстыру.

Сабақтың көрнекілігі: Алфавит, Ә дыбысының таңбасы, суреттер, кеспе әріптер, текшелер, буындар.

Сабақтың барысы

Ұйымдастыру бөлімі

- Назарларын сабаққа аудару.

Өткен сабақты тексеру

1. І дыбысына байланысты тұтас оқуға берілген сөздерді оқыту.

2. І дыбысы қандай дыбыс?

3. Неліктен дауысты дыбыс дейміз?

4. Қай буындарда кездеседі? Мысалдар келтір.

«Келесі буынды тап?»

Жаңа сабақ

1. Оқулықтағы сурет қарап; Әже деген кім? Сен әжеңе кім боласың? Әкеңнің анасы, анаңның анасы саған қандай әже болады? деген сұрақтар қою арқылы әңгіме құрастыру.

2. Кеспе әріптерден әже сөзін құрастыру, оны буындап оқу, дыбыстық талдау жасау, ә дыбысы дауысты екенін, өздігінен буын жасай алатынын, көбінесе сөздің бірінші буынында қолданылатынын түсіндіру.

3. Оқулықпен жұмыс

Бағандағы берілген сөздерді буындап, хормен оқыту. Түсініксіз сөздердің мағынасын түсіндіру.

«Әже» мәтінін оқып беру.

Хормен оқыту.

Оқушыларға тізбектей оқыту.

Сурет бойынша жүргізілген әңгімемен салыстыру.

Дәптермен жұмыс.

Ә дыбысының бас және кіші әрпін көрсетіп таныстыру, баспа және жазба түрлерін салыстыру.

Әріпті ауада, тақтада, дәптерде жазу.

«Әжім – әженің әрі,

Әженің батасы – дәрі» деген сөйлемді әдемі, қатесіз көшіріп жазу, дауыстап оқыту.

«Әже, әжім, әрі, дәрі» сөздерінің бірыңғай жіңішке айтылып тұрғанын түсіндіру.

«Қай әріпті жоғалттым?» ойыны

... ке,... демі, с... нді,... н, д... рі

Сабақты қорытындылау

Венн диаграммасы

А Ә

Бағалау: Сабаққа жақсы қатысып отырған балаларды мадақтау.

Күні:

Пәні: Дене шынықтыру

Сабақтың тақырыбы: Жалпы дамыту жаттығулары

Сабақтың мақсаты:

а) Әр түрлі тәсілмен жасалатын жаттығуларды жетілдіру.

Ә) Акробатикалық тепе - теңдік жаттығуларын дамыта үйрету.

Б) Күштілік ептілік икемділік қасиеттерін дамыту.

Сабаққа керекті құралдар – жабдықтар: гимнастикалық қабырға, ысқырық, жалауша

Сабақтың әдісі: Жаппай, топпен.

Сабақтың мазмұны :

І Дайындық бөлім 15 мин

1. Сапқа тұрғызу, сәлемдесу. Сабаққа қатысқан оқушыларды түгендеу. Қауіпсіздік ережелерін еске түсіру. Сабақтың мақсатын таныстыру. Саптағы «Оңға!», «Солға!», «Кері айнал!» «Алаңды айналып алға бас!» жаттығулары 2 мин

Арнайы киімдеріне сабаққа даярлығына және берілген бұйрықтың орындалуына назар аудару. Ара қашықтықты сақтау.

2. Жүру бағытында орындалатын жаттығулар

Алға жүру:

1. Екі қолды жоғары көтеріп, аяқтың ұшымен жүру

2. Қол белде өкшемен жүру.

3. Қол желкеде жартылай отыр жүру.

4. Қол тізеде, отырып жүру, секіру. 2 мин

Қолды бүкпеу, денені тік ұстау.

Кеудені тік ұстау.

Кеуде тік, басты көтеріп ұстау.

Жоғары секіру.

3. Жүгіру бағытында орындалатын жаттығулары:

1. Жеңіл жүгіріс

2. Тізені алға көтеріп жүгіру.

3. Қолды артқа қойып, аяқты артқа сермей жүгіру.

4. Аяқтың басын алға сілтей жүгіру.

5. Оң қапталмен қолды алға айналдыру.

6. Сол қапталмен қолды артқа айналдыру. 3 мин

Ара - қашықтық сақтау.

Тізені алақанға тигізу.

Аяқты алақанға жеткізу.

Барынша жоғары секіріп, қолды толық айналдыру.

4. Тыныс алу жаттығулары, сапқа 2 қатарға тұрғызу.

ІІ. Негізгі бөлім.

Жалпы дамыту жаттығулары (26 мин)

1. Қол ұстасып, бір - біріне қарама - қарсы тұру. Бір қолды екі жаны арқылы жоғары көтеру, сол аяқты артта ұстау.

2. Екінші аяқпенен де осылай жасау. 4 - 6 рет Барлық оқушылардың бірдей жасауын қадағалау.

3. қолдарын төмен ұстап, бір - біріне арқаларын беріп тұрады.

4. Сол аяғын ұшымен жанға қояды, оң қолды жоғары көтеріп, солға еңкейеді.

5. Екінші жаққа да осылай жасау. 6 - 8 рет Аяқты бүкпей түзу жасауын қадағалау.

6. Бір - бірінің иықтарынан ұстап, алға еңкейіп, қарама - қарсы тұрады. Аяқтардың арасы алшақ ұсталады.

7. Алға қарай серіппелі түрде еңкею

8 Солға бұрылу. Екінші жаққа бұрылыс жасай, осылай істеу. 6 - 8 рет Аяқты бүкпеу керек.

9. қолдарын жоғары көтеріп ұстап, бір - біріне арқаларын беріп тұрады.

10. Сол аяқпен ілгері аттау, артқа шалқаю.

Қолдарын жібермеуін қадағалау.

1. Жартылай отыру.

3. Қайталау. 6 - 8 рет Бір жаққа құламай қолдарын басынан ұстауын қадағалау.

ІІІ Қорытынды бөлім -4 мин

7 Оқушыларды сапқа тұрғызып.,сабақты қорытындылау. Мадақтау. Бағалау. Қателік жіберген оқушыларға ескертіп түзеу. Үйге тапсырма беру.