Буква Q q. Открытый урок

JIZZAX VILOYATI

XALQ TA’LIMI BOSHQARMASI

PAXTAKOR TUMANI XALQ

TA’LIMI BO’LIMI TASARRUFIDAGI

9 – SONLI MAKTABNING

Boshlang’ich sinf o’qituvchisi

Oslanova Kamolaning

1-SINF Alifbe FANIDAn

1 SOATLIK

DARS ISHLANMASI

Sinf: 1-sinf

Fan: Alifbe

Sana: 22.11.2018

Mavzu:  Q q tovushi va harfi.

Maqsadlar: Ta’limiy: O’quvchilarni Qq tovushiva Qq harflari bilan tanishtirish . O’quvchilarni Qq tovushini so’z tarkibida to’g’ri talaffuz qilishga , Qq harfli bo’g’in , so’zlarni o’qishga o’rgatish.

Tarbiyaviy: Kitobga nisbatan ehtiyot bo’lish , ularga zarar yetkazmaslikka da’vat etish , mehnatsevarlik fazilatini tarbiyalash .

Rivojlantiruvchi: O’quvchilarning o’qish ko’nikmasini o’stirish. Lug’atni aql, qatlama , iqbol so’zlari bilan boyitish, bog’lanishli nutqini o’stirish.

Tayanch kompetensiyalar:

Axborot bilan ishlash kompetensiya elementi:mavzu doirasida ko’rsatilgan multimedia ilovalariga ongli munosabat bildirish.

Fanga oid kompetensiyalar: Adabiy – nutqiy kompetensiya elementlari(tinglab tushunish, fikrni og’zaki bayon qilish, o’qish, fikrni yozma bayon qilish.) hikmatli gap, hikoya, she’r va ixcham audio matnlarni tinglab tushuna oladi; ularni ongli, ifodali to’g’ri o’qiy oladi.

Darsning turi:  Yangi bilim beruvchi, noan’anaviy

Darsning jihozi: darslik,tarqatma va ko’rgazmalar,multimediya ilovalari

O’quv jarayonini amalga oshirish texnologiyasi:

Metod: suhbat, tushuntirish,”Savol-javob” metodi,”Rasmli boshqotirma”, “topishmoqlar yomg’iri” “ Sirli soat “ o’yinlari, “Zanjir”

Shakl: jamoa,guruhda ishlash,hamma o’zi uchun.

Nazorat:O’quvchilarning darsda faolligi kuzatilib,hisobga olib boriladi.

Guruhlarni  rag`batlantirish: ko’k,oq,yashil rangli stikkerlar va yulduzchalar.

Darsning tashkiliy qismi: 

I Bosqich: Salomlashish , Davomatni aniqlash.

  O’qituvchi:

Bugun oddiy dars emas,

 Balki sinov darsidir.

  O’tib olsak sinovdan,

  Bu hammaga yaxshidir.

  Qani ayting, bolalar,

  Kim navbatchi bo’ladi?

  Ushbu kunning hisobin,

Menga aytib beradi.

1-bola:  Bugun haftaning _____ kuni bo’ladi.

Hamma: 

Bizlar yaxshi bo’lamiz,

            O’chilgan gul –bo’lamiz.

            Ota-ona izmidan,

            Ustozlarning so’zidan,

            Bizlar also chiqmaymiz.

            Sinfdagi bolalar,

            Darsga shay barchamiz.

O;quvchilar bilan savol-javob o’tkaziladi.

1. Guruhlarni nomlash. Guruhlar ga boshqotirma usulidan foydalanib “ Bosh harfi bilan o’qing” deb nomlangan rasmli topshirig’i beriladi.

2.  1-guruh “Bayroq”,

3. 2-guruh “Humo”

4. 3-guruh “Gerb”   deb yozilgan nomlarni topadilar.

Shartlarning bajarilishni o’qituvchilarni bayroqning 3 xil rangli rag’bat kartochkalari bilan baholab boradi. Har bir guruh bayroqdagi 1 tadan rangni to’ldirishi kerak bo’ladi.

Darsning borishi: II Bosqich:

1. shart.   Uyga berilgan topshiriq bo‘yicha mavzuni “Zanjir “ usulida o’qib berish.

2-shart:  “Rasmli diktant” usulidan foydalanilib o’tilgan mavzu mustahkamlanadi.. Bunda har bir guruh a’zolari xattaxta oldiga chiqib, “A’lochiga asal bor” o’yini orqali rasmlarni so’zlar orqali ifodalab yozadilar.

III Bosqich:. Yangi mavzu ni tanishtirish.

   3-shart: QUVNOQ DAQIQA.

O‘qituvchi “Topishmoqlar yomg’iri “ usulidan foydalanib o‘quvchilarga topishmoqli savollar beradi.

O‘quvchilar quyidagicha javob beradilar.

1.Savol: Ichi bo’yoq , sirti tayoq?

Javob: Qalam .

2.O‘qituvchi: O'zi bitta, qulog'i to'rtta?

Javob: Qozon .

3.O‘qituvchi: Uzun terak, ichi kavak.?

Javob: Qamish.

4.O‘qituvchi : .Joni yo'g'u, uy poylar.    

Javob: Qulf.

5.Savol: Uzoq tog’da o’t yonar.

Javob: Quyosh.

6.Savol: Oq tovuq katagi sovuq.

Javob : Qor.

7.Savol:Uy ustida sari yoy.

Javob: Qosh.

8.Savol: Qo’sh g’ildirak , hammaga kerak.

Javob: quloq.

O‘qituvchi: qalam, qozon, qamish, qulf, quyosh,qor, qosh, quloq rasmlarini ham xuddi shunday ko‘rsatib o‘tadi. Shundan so‘ng umumiy savol beradi : Ushbu topishmoq javoblari qaysi harf bilan boshlanadi?

O’quvchilar: Q harfi bilan.

O’qituvchi slaydlar orqali yangi mavzuni tushuntiradi. Qq ni talaffuz qiladilar. Qq harfi ko‘rsatiladi. Darslikning 48-beti ochilib, undagi  Qq harfini bosma va yozma shakli o‘rganiladi. 48-betdagi bo‘g‘in va so‘zlar o‘qiladi.

4-shart: “So’z toping va unga gap tuzing” didaktik topshirig’i bajariladi.O’quvchilar Q q tovushidan boshlanuvchi so’zlar topadi yonidagi partadoshi esa shu so’z ishtirok etgan gap tuzadi.

Quyon – Mening oppoq quyonim bor.

Quyosh- Quyosh xira nur sochmoqda.

Qurbaqa-Suvda yashaydigan jonivor.

Kitob haqida suhbat o’tkaziladi.Uning inson hayotidagi muhim o’rni o’quvchilarg tushuntiriladi.

IV Bosqich.  Mustahkamlash .

 5-  shart    “Sirli soat “ usulidan foydalanib, mavzu mustahkamlanadi. Soatdagi raqamlar yulduzchalar bilan yashiringan. Yulduzchalarda esa soat raqamlariga bo’g’inlari mos keluvchi Qq harfiga oid so’zlar va javoblari mos keluvchi misollar yozilgan . So’zlarni hamda misollarni tez va to’g’ri o’qib, yecha olgan o’quvchilar rag’batlantiriladi.

V Bosqich : Darsning yakuniy qismida ballarni hisoblab,bayroqqa qaysi guruh birinchi rang bergan g‘olib guruhni rag‘batlantirish.

VI. Bosqich :Uyga vazifa. Qq harfli so‘zlardan topib aytish. 48-betdagi bo‘g‘in va so‘zlarni o‘qish.