Б дыбысы мен әрпі

Пән:Сауат ашу

Мектеп:

Тақырыбы:Б  дыбысы мен әрпі

Мұғалімнің аты-жөні:Сұлтанова Г.Қ.

Күні:31.01.18

Сынып: 1

Қатысқандар

Қатыспағандар:

Осы сабақ арқылы жүзеге асатын оқу мақсаттары

1.9 Сөздерді, дыбыстарды орфоэпиялық нормаларға сәйкес дұрыс айту

Сабақтың мақсаттары
 

Барлық оқушылар орындай алады:

Дыбыстарды ажырата алады.Б әрпін жаза алады.Буындардан сөздер құрай алады.

Оқушылардың көпшілігі орындай алады:

Тақырыпты түсініп, тыңдап, жетекші сұрақтар арқылы талқылайды.Дыбыстық талдау жасай алады.

Кейбір оқушылар орындай алады:

Алған білімді өмірде қолдана алады.

Тілдік мақсат

Оқушылар орындай алады:

Тыңдалған материал бойынша өз ойын білдіре алады.Дыбыстық талдау жасай алады.

Түйінді сөздер мен сөз тіркестері:

Б дыбысы мен әрпі. Бор-мел- чок             Қар-снег     Қыс-зима

Сыныптағы диалог/жазылым үшін сай келетін тіл стилі:

Тыңдалым, оқылым.

Талқылауға арналған сұрақтар:

Б дыбысы қандай дыбыс?

Не себепті.деп ойлайсыз?

Не себепті Б дыбысы дауыссыз дыбыс?

Неліктен?:

Алдыңғы оқу:

П дыбысы дауыссыз дыбыс,сөздің басында, ортасында, соңында  кездесетінін,буын құрай алмайтынын біледі.

Жоспар

Жоспарланған уақыт есебі

Жоспарланған жаттығу түрлері

Ресурстар

Басы

-Көңіл-күйлерің  қалай?

(Қардың дыбысы естіледі)

-Балалар бұл ненің дыбысы?

-Бүгінгі сабағымызға кім келіп қалды екен? (мұзды ханшайымның суретін көрсету)

Бізге мұзды ханшайым қонаққа келген екен.

-Ал балалар бізге мұзды ханшайым жай келген жоқ екен.Қане не үшін келген екен, өзінен сұрап көрелік.

(Мұзды ханшайымның сөзін тыңдату)

-Сәлеметсіздер ме балалар!  Мен барлық 42 әріпті 4 жыл мезгіліне жасырдым.Бүгінгі сендердің танысатын әріптеріңді өзімнің жақсы көретін  қыс мезгіліме жасырып қойдым. Менің дайындаған тапсырмаларымды дұрыс орындасаңдар, сендерге сыйлығым бар.

-Ал балалар біз мұзды ханшайымның тапсырмаларын орындап көрейік.Ол үшін біз Қыс мезгіліне саяхаттаймыз. Бізге саяхаттау үшін қандай көлік керек? (Шана).

Қане  барлығымыз  бірге шанаға отырып саяхаттайық.

Смайликтер, мұзды ханшайымның суреті,дауысы.

Ортасы

-Балалар қыс мезгілінің келгенін қайдан білеміз.

-Қар жауады, аяз, боран болады, мұз қатады.Дұрыс айтасыңдар, алдымен қыс мезгілі келгенде қар жауады.

-Қане саусақтарымызбен қар жауғызайықшы.

Қардың тапсырмасы

«Сиқырлы сандықша».ұжымдық жұмыс

Сандықшаның ішіндегі жасырынып тұрған затты алдарыңдағы берілген сөздер арқылы тауып алуларың керек.

Иіссіз, дәмсіз, қатты, ақ түсті, ізі аппақ, төртбұрышты және дөңгелек болады. (Бор)

-Балалар бор сөзінде қай әріп таныс емес? Б әріпі.Дұрыс айтасыңдар. Бүгінгі сабағымыздың мақсаты: Б әрпімен дыбысымен танысу. Сөзде айтылуы  мен  қолданылуын үйрену.

Қане біріміз айна, біріміз адам болып б дыбысын 3 рет айтып көрейікші.(жұппен жұмыс).

-Б дыбысы қандай дыбыс? Неліктен дауыссыз дыбыс? Б дыбысына байланысты сөздер айтып көрейікші.

Бор сөзін үш тілде айту.Бор сөзіне  дыбыстық талдау жасап, сөйлем құрастыру.

Қар жауғаннан кейін қатты жел тұрса, ол қандай ауа райы құбылысына айналады?

-Қане балалар боран қалай соғады, көрсетейікші. (УУУ)

(ТЖ) Шашылған буындардан сөз құрау.

І топ: Б әрпінен басталған сөздерді табу.

ІІ топ: Б әрпі сөздің ортасында кездескен сөздерді табу.

ІІІ топ: Б дыбысынан басталған адам есімдерін табу.

Қар жауды, боран болды, енді қандай құбылыс болады деп ойлайсыңдар? (аяз)

Аяз болғанда адамдар, жануарлар, құстар қалай тоңады. Қане көрсетейікші.

Оқулықпен жұмыс.Хормен оқыту.

Жеке жұмыс.Сәйкестендіру

Бар              қорқақ

биік             жоғалту
батыл          жоқ

табу            аласа

Бүгінгі сабағымыздың мақсаты: Б әрпімен дыбысымен танысу. Сөзде айтылуы  мен  қолданылуын үйрену.

Балалар біз аяздан қатты тоңып қалдық, енді жылынып алайықшы.

Сергіту сәті

Енді қандай ауа райы құбылысы болады деп ойлайсыңдар? (Мұз)

Қане барлығымыз мұз болып қатып қалайықшы. Бәріміз мұз болып қатып қалсақ та, мен сендерді өзімнің жүрек жылуыммен ерітемін.

Балалар ата-аналарың, ата-әжелерің сендерді қандай жылы сөздермен еркелетеді.

Ботам, ботақаным, қошақаным, ақ қояным, балапаным, көжегім, құлыным,айым, жұлдызым, күнім.

Дәптермен жұмыс

Б әрпін партаға, көршілерінің арқасына жазу. Дәптерге  Б әрпінің бас әріпін жазу.

Сандықша,қима қағаздар, постер,қар, аяз, мұздың суреті,қима қағаздар

Соңы

-Жарайсыңдар, балалар! Сендер барлық кедергілерден өтіп, мұзды ханшайымның тапсырмаларын  қиындықсыз орындадыңдар. Енді сендерге  мұзды ханшайымның досы аққала келіпті. Оның да  тапсырмасы бар екен.

Жеке жұмыс. Венн диаграмма. Б-П дыбыстарын салыстыру.

Рефлексия

Біз шанамен қыс мезгілінде саяхаттап жүрміз. Қыста барлық бала қандай ойындарды ойнағанды ұнатады? (сырғанақ тебу)

-Ендеше тақырыпты түсінген оқушылар сырғанақтың жоғары жағына шаналарды орналастырамыз. Тапсырмаларда қиналсаңдар, әлі де сұрақтарым бар деген оқушылар ортасына орналастырамыз.

Балалар бүгінгі сабақ соңында көңіл-күйіміз қалай болды?

Мұзды ханшайымның сөзі.

-Жарайсыңдар, балалар! Сендер барлық кедергілерден өтіп, менің тапсырмаларымды қиындықсыз орындадыңдар.Менің сыйлығымды қабыл алыңдар.

Венн диаграмма, шана, сырғанақ, кәмпит.

Қосымша мәліметтер:

Саралау-оқушыға мейлінше қолдау көрсетуді қалай жоспарлайсыз? Қабілетті оқушыға тапсырманы қалай түсіндіресіз?

Бағалау- оқушы білімін тексеруді қалай жоспарлайсыз?
 

Пәнаралық байланыс – Денсаулық және қауіпсіздік, АКТ-мен байланыс. Құндылықтармен байланыс (тәрбие элементі)

Қолдау көрсету.

Қима қағаздар арқылы тапсырмалар беру.

Тапсырманы жақсы орындаған оқушыларды смайликтер арқылы бағалаймын.

Дүниетану.

АКТ-мен байланыс.

Оқушыларды бір-біріне деген құрмет көрсетуіне тәрбиелеу.