Просмотр содержимого документа
«Ашық сабақ Құстар»
Ашық сабақ
«Айналадағы әлем» пәні
Сынып:2
Мерзімі:23.04.2018
Тақырыбы: Құстар
Мақсаты: Оқушының құстар туралы түсінігін кеңейту.
Міндеттері:
Білімділік: Құстар туралы түсінік беру. Олардың түрлерін таныстыру, пайдасын түсіндіру.
Түзете-дамытушылық: Сөйлеу дағдысын жетілдіру, ой өрісін дамытып, сөздік қорын кеңейту, байланыстырып сөйлеу дағдысын дамыту.
Тәрбиелік: Экологиялық тәрбие беру, құстарды қорғауға, қамқорлық жасауға, табиғатты сүюге үйрету.
Жабдықтау:слайд,бейнематериал.
I. Кіріспе бөлім.
1.Ұйымдастыру кезеңі. Амандасу
2. Өткен тақырып бойынша қайталау.
- Өткен сабақта қандай тақыппен таныстық?
Психологиялық бағыт беру
Шаттық шеңбері.
Құстар,құстар келеді ,
Жерді шуға бөледі ,
Көктем келді деп бізге,
Жақсы хабар береді.
Ән құрадым әніммен ,
Сән құрадым гүліммен,
Қуантамын бәріңді ,
Құт-береке күнімен!
II. Негізгі бөлім
1. Мұғалімнің кіріспе сөзі
Сүйейік табиғатты, аялайық,
Бізде одан жақсылықты аямайық.
Табиғаттан нәр алған ғой жанымыз.
Ұсынайық жүрек нұрын бәріміз.
Жұмбақ шешу. 1. Алшаң - алшаң басады, Бірін - бірі көрсе қаңқылдасады. (қаз.) 2. Қық - қық етеді, Кезіп жүріп көшені. Жата қалса орнына, Ақ доп тастап кетеді. (тауық.) 3. Бұрап қойған сағаттай, Айқайлайды таң атпай. (әтеш.) 4. Барқыттай жүні құлпырған, Жем тілеп ылғи ұмтылған. Тауық емес, тегі ұқсас, Сақалы бар салпиған. (күркетауық.) 5. Судан шықса баладай, Тәй - тәй басып қаладай. (үйрек.)
-Өте жақсы, бүгінгі сабақта құстар жайлы болмақ.
Білімді актуалдандыру:
-Құстар-екі аяқты, екі қанатты, үсті қаурсынмен жабылған жануарлардың бір түрі.Құстардың тісі жоқ, тұмсығы бар.Құстар- үй құстары, жыл құстары, отырықшы құстар, жыртқыш құстар болып бөлінеді.
-Құстар табиғатты зиянкестерден қорғайды.Сондықтан оларды табиғат емшілерілері дейміз.Олар тіршілік иелері. Олар ұрпақ өрбітеді.Балапандарын қанаттандырып,жауларынан қорғайды. Құстар табиғатқа сән береді.Олардың әуені табиғатты құлпыртып, адамдардың көңіл-күйін көтереді. Құстардың түрлері өте көп.
-Оның ішінде жыл құстары туралы әңгімелесек. Жыл құстары дегеніміз-Салқын түсе жылы жаққа ұшып кетіп, көктемде қайта ұшып келетін құстар.Ол құстарға көкек, қарлығаш, аққу, қараторғай, бұлбұл,тоқылдақ,үйрек,қаз ,тырна. Құстар туған жерге топ-тобымен ұшып келіп жатыр.Олар жолда талай қиындықтарды бастан кешіреді.Биік асулардан асады.Өздерінің таныс жолдарынан адаспаған. Жыл құстарының кейбірінің тіршілік қамы туралы әңгімелейік.
-Мысалы:Қарлығаш-адамға дос.Ол өзінің ұясын үйдің, ауланың айналасына салады.Оның өз әні бар.әні құлаққа жағымды. (слайд арқылы қарлығаштың суретін көрсету, тақпақ арқылы таныстыру)
Қарылғашпын мен
Адамның тұрағымын
Мекен етіп тұрамын
Тазалаймын үй-ішін
Ел аузында мақтаулы
Тазалықшымын төселген
Қараторғай-өзі кішкентай,өте пайдалы құс. Орман қорғаушысы.Ауылға қараторғай келісімен күннің көзі ашылып, күн жылынады. Қараторғайды әнге қосып,шырқаған.
Мен қараторғаймын
Шегірткедей жұртыңды
Қырғи болып қиямын
Егістікке жайылымға
Қорғаушы боп тұрамын
Жәндіктерді зиянды
Құртатұғын батырмын
Дайындайтын ұямды
Достарға келе жатырмын Аққу- көрсе көз тоймайтын сұлу құс.Халық аңызына сүйенсек жылан да аққу жұмыртқасына тиіспеген,адамдар да аққуды атпаған.Ол киелі құс.Қазақ сұлу қыздарын аққуға теңеген. Құс сұлуы аққумын
Табиғат көркін сыйлаған
Мылтығын кезеп еш мерген
Атуға көзі қимаған.
Сұлулықты паш етіп
Жырлаған талай ақындар
Нәзік үнді,көл көркі
Құс патшасы мен болам
-Халық көктем келсе көкек келді дейді.Осы бір құстың аты неге ең тамаша ай атына теңеу келеді екен.Не деген ғажап ,көкек деген.Өйткені көкек көктем келе салысымен көкек, көкек деп ән салады.Сондықтан сәуір айы көкек айы деп аталған.
- Тоқылдақты халық орман емшісі деп атайды. Ол ағашты зиянды құрт-құмырсқадан тазартады.
Құртты іздеп ініне
Қарағайды үңгіген
Тоқылдақ құс дәрігер
Қашан да ол әбігер
- Қазақ халқы құстарды ерекше бағалаған. Шебер әншісін-бұлбұлға теңеген.Азаматын-сұңқарға,сұлуын-аққуға,ез жігітін-жапалаққа теңеген.
III.Бекіту
-Ал енді мен жұмбақ жасырамын, ал сен қандай құс екенін айтасың.
Туысы дейді құстардың
Інісі дейді тышқанның
Тышқан да емес,құс та емес
Екеуінен де тыс қалдым
(Жапалақ)
Қызығып әр адам
Ұстап ап даладан
Жүнімен жұлып ап
Бесікке қадаған
Бұл қай құс? (үкі)
Қашаудай мықты тұмсығым
Бәсеке тігем бұл шыным
Құрт,қоңыз,аулап жарысам
Орман дәрігері боп табылам
(Тоқылдақ)
Түсі қара мақпалдай
Төсі ақ сыр жаққандай
Ұшса оқтай зулайды
Көктен жұлдыз аққандай
(Қарылғаш)
Биікке салған ағаш үй
Сол ғой оның мекені
Жаздай сайран салып ап
Қыста алысқа кетеді
(Қараторғай)
Он екі айдың біреуі
Сірә оның атында
Өзге ұяға із тастап
Мен деп жар сап жүреді
(Көкек)
Қорытынды бөлім:
Құстардың келуіне,кетуіне қарап болжамдар жасаған.Енді солардың біразына тоқтала кетейік.
Қарлығаш жоғары ұшса,күн жылы болады,ал төмен ұшса жаңбыр жауады.
Көктемде қаздар қайтқанда жоғары ұшса,су тасқыны болады.
