Ашы? саба? "С?з таптарын ?айталау"

Тақырыбы

Сөз таптарын қайталау

Сабақтың мақсаты

а) білімділік: Сөз таптары туралы алған білім, білік, дағдыларын іс жүзінде сауатты қолдана білуге дағдыландыру.Өз ойларын айтып, оны талқылауға үйрету.

ә) дамытушылық: Сын тұрғысынан ойлауын, шығармашылық қабілетін, тіл байлығын дамыту.

б) тәрбиелік: Оқушыларды өз бетімен жұмыс істеуге, бірінің сөзін бірі зер салып тыңдай білуге, құрметтеуге үйрете отырып, адамгершілікке тәрбиелеу.

Сабақтың нәтижесі:

• Сөз таптары туралы білімді меңгереді

• Сөз таптарының сұрақтарын меңгерді

• Өздігінен ойларын жеткізе алады,сөз таптарына талдайды,өз-өздерін бағалай алады

• Оқушылар өз ойын жүйелі жеткізуге, сыни тұрғыдан ойлауға, ынтымақтастыққа жұмыс жасауға үйренеді

Сабақтың әдісі

Сыни тұрғыдан ойлауын дамыту, сұрақ-жауап, шығармашылық

Сабақтың түрі

саяхат сабағы

Сабақтың типі

Білімді тиянақтау

Сабақ ресурстары

АКТ, суреттер, тарапта қағаздар

Ұйымдастыру кезеңі

Топқа бөлу:

Психологиялық дайындық:

Үй тапсырмасын тексеру

IV Дәптермен жұмыс "Сөз таптарын қайталау"

Топқа бөлу: I топ – зат есім, II топ – етістік , IIIтоп – сын есім, IV топ – сан есім.

Зат есім – заттың атын білдіретін сөздер.Мысалы:Аққу, емен, оқулық, ауа.

Сын есім – заттың сынын, түсін, түрін, сапасын білдіретін сөздер. Мысалы:Әдепті, қызық, қоңыр, қышқыл

Сан есім – Заттың санын, ретін білдіретін сөздер. Мысалы:Жеті, тоғыз, жиырма, елу, мың

Етістік – заттың қимылын, іс – әрекетін білдіретін сөздер. Мысалы:Биледі, өсті, тазалады, ұшты.

"5" деген баға өте жақсы баға,

Алады оны өте жақсы бала.

"4" деген баға жақсы баға,

Алады оны жақсы бала.

"3" деген баға орта баға,

Алады оны орта бала.

"2" деген баға жаман баға,

Алады оны жаман бала.

Біз баламыз өте жақсы,

Аламыз тек бестік қана.

"Ой шақыру" (Шымкент теміржол вокзалында)

1. Зат есім қандай сұрақтарға жауап береді?, Жалқы есім, жалпы есім дегеніміз не?, Негізгі және туынды зат есім дегеніміз не?,Зат есімнің тәуелденуі

2. Етісітік қандай сұрақтарға жауап береді? Негізгі және туынды етістік. Болымды және болымсыз етістік

3. Сын есім қандай сұрақтарға жауап береді?Негізгі және туынды сын есім

4. Сан есім қандай сұрақтарға жауап береді? Есептік және реттік сын есім

(Ақорда ғимаратында)

I топ II топ III топ IV топ

АҚҚУ, АЛМА ҚАЙЫҚ, ТАҒА, САҒАТ,ЛАҚ, АТА, ТУ

V Топпен жұмыс

Деңгейлік тапсырма

Бейбітшілік пен келісім сарайы (Пирамида)

I топ

29-жаттығу. Өлеңді мәнерлеп оқу.

Не? Нелер? Сұрақтарына жауап болатын зат есімдерді ата.Гүлдер, өңірді деген зат есімдердің түбірін , қосымшаларын тап.

II топ

30-жаттығу.Өлеңнен туынды зат есімдерді теріп жаз.

Өлеңдегі туынды зат есімдердің қалай жасалғанын айт.

III топ

31-жаттығу. Көп нүктенің орнына негізгі зат есімді қойып жаз.

Негізгі және туынды зат есім дегеніміз не? Олардың бір-бірнен айырмасы қандай?

VI топ

32-жаттығу.Төмендегі сын есімдерге қандай жұрнақ жалғап, туынды зат есім жасауға болады?

Туынды зат есімдерді қатыстырып сөйлем құра.

(Хан шатырда)

I топ

1. Сын есімнің сұрақтарын тап:

А) Қандай? Қай? Ә) не істеді? Қайтты? Б) кім? Не?

2. Биік сөзіне қарсы мағыналы сын есімді тап:

А) ыстық Ә) жуас Б) аласа

II топ

1. Түбір мен қосымшаға жазылған реттік сан есімді тап:

А) сексен ә) оныншы б) он екі

2) Нешінші? Деген сұраққа жауап беретін сөзді тап:

А) жеті ә) жетінші б) жетеу

III топ

1) –ыншы жұрнағы қай сөзге лайықты?

А) алты ә) елу б) тоғыз

2) Күрделі етістікті тап:

А) зулады ә) барғым келді б) сөйле

VI топ

1. Негізгі етістікті тап:

А) баста ә) жөнде б) бар

2) Негізгі зат есімді тап:

А) қант ә) сусын б) аспаз

Сергіту сәті

Тақ,тақ,тақ.

Айтамыз біз тақпақ.

Рақ, рақ, рақ.

Көктемде шығар жапырақ.

Көл,көл,көл.

Көктемде су мол.

Тоқ,тоқ,тоқ.

Жылы-жылы жел соқ.

Зерттеу жұмысы

Сәйкестендіру

(Үкімет үйі)

I топ II топ

Күнбағыс 216-бет Құмырсқа 217-бет

Сабағы ұзын Еңбекқор

Жапырақтары жасыл Қамқоршы

Гүлі сары Ынташыл

Гүл ортасында дәні болады Қыс азығын – жаз жинайды

Дәнінен май алынады

III топ VI топ

Қоян 210-бет Түйе 190-бет

Бағалы түбіт береді Өркешті

Жылдам Ботасы әдемі, сүйкімді

Өсімтал Шұбат, қымыран береді

Жылына 4-5 рет көжектейді Мінсең көлік, кисең жүн аламыз

Әр жолы 8- 10 көжек туады

(Океанариумде)

I топ: Зат есім әдепті, қызық, қоңыр, қышқыл

Етістік: жеті, тоғыз, жиырмасыншы, алтау

Сын есім: Аққу, емен, оқулық, ауа

Сан есім: биледі, өсті, тазалады, ұшты

II топ: Түсі: Ащы, тәтті, қышқыл,

Дәмі: Сүйір, сопақ, домалақ

Пішіні: Кіші, үлкен, ұзын

Көлемі: Қызыл, қара, сары

III топ: Зат есім сұрақтары Қанша? Неше? Нешінші? Нешеу?

Сын есім сұрақтары Кім? Кімдер? Не? Нелер?

Етістіктің сұрақтары Қандай? Қай?

Сан есім сұрақтары Не істеді? Неғылды? Қайтты?

VI топ: Төрт түлік қаз, үйрек, тауық

Аңдар ата, апа, ана, аға

Құстар жолбарыс , арыстан, піл

Отбасы мүшелері түйе,жылқы, қой, сиыр

IХ Ой толғаныс

Венн диаграммасы (Бәйтерек монументінде)

Зат есім Сын есім Сан есім Етістік

Х (шығармашылық

жұмыс)

"Ойна да, ойлан":

"Кім тапқыр?" ойыны:

1. ... теңгең болғанша, ... досың болсын.

2. ... бала – арлы бала, ... бала – сорлы бала.

3. Білекті бірді ... , білімді мыңды ... .

4. ... жерін мақтайды, ... көлін мақтайды.

Сабақты қорытындылау:

Қазақстан - 2050 стратегиясы – Мәңгілік ел: бір мүдде, бір мақсат, бір болашақ аясында бірлесіп осылай 4 топ болып жұмыс жасасақ мәңгілік ел болуымыз әбден мүмкін.

ЕХРО-2017 көрмесіне өз үлесімізді қосамыз.

Мен білемін Мен білдім Менің білгім келеді

Смайликтер, стикерлер жапсыру

Үйге тапсырма:

33-жаттығу

Бағалау:

1. Бағалау парағы 2) Бағалау тақтасы

2. Формативті бағалау 4) Жиынтық бағалау 5) Сыныптық бағалау

Қорытынды:

4 топқа орын беру – I орын (алтын медель) , II орын (күміс медаль) , III орын (қола медаль), VI топ – Мақтау қағазын беріп марапатталады.