XXI – ғасыр көшбасшысы» интеллектуалдық сайысы

XXI – ғасыр көшбасшысы» интеллектуалдық сайысы

Мақсаты: Оқушыларды білімді, жан - жақты болуға баулу. Білуге, үйренуге деген қызығушылығын арттыру. Жарысуға, жарыста жеңімпаз болуға ұмтылуын дамыту. Көшбасшылық қабілеттерін ояту. Білімді, дарынды, озық болуға тәрбиелеу.

Әдісі: баяндау, ой қозғау, сұрақ - жауап

Түрі: Сайыс сабақ

Көрнекілігі: Тірек сызбалар, интерактивті тақта, балдық жүйе

Сабақтың барысы:

Ұйымдастыру кезеңі:

- Құрметті оқушылар, әріптестер бүгінгі «XXI – ғасыр көшбасшысы» атты білім сайысына қош келіпсіздер! Бұл білім сайысының мақсаты екінші сынып оқушыларының білім деңгейін жетілдіру, дамыту. Оқулықтан тыс ақпараттармен оқушыларды қаруландыру. Жарысуға, жарыста жеңімпаз болуға ұмтылуын дамыту. Білімді, дарынды, озық болуға тәрбиелеу.

Бүгінгі сайысымыз төрт кезеңнен тұрады. Әр кезеңнен кейін ұпайы аз екі оқушы шығып отырады.

1 - кезең: «Бәйге»

2 - кезең: «Жеті жұрттың тілін біл»

3 - кезең: «Ғажайып төрттік»

4 - кезең: «Жорға»

Негізгі бөлім:

- Мықты болсаң - алдағыны басып оз,

Мықты болсаң - арттағыны жеткізбе!

Мықты болсаң - тайғанама көк мұзда!

Мықты болсаң - бөгеттерді бұзып өт – деп сайысымыз бәйге сайысына кезек береміз.

1 - кезең: «Бәйге».

Бұл кезеңде сендер берілген сұраққа бірінші жауап беруге тырысасыңдар. Жауаптарың дұрыс болмаса, келесі оқушы жауап бере алады. Әр дұрыс жауап үшін 10 ұпай алуға мүмкіншілік бар. Сонымен, балалар бір-бірлеріңе сәттілік тілейік!

- Ал, бастайық!

1. 16 желтоқсан қандай мереке? (Тәуелсіздік алған күн)

2. Қазақ тарихында тұңғыш ғарышқа ұшқан кім? (Тоқтар Әубәкіров)

3. Қ. Р. рәміздерін атаңдар? (Ту, елтаңба, әнұран)

4. Тудың авторы кім? (Шәкен Ниязбеков)

5. «Оян қазақ» кітабын жазған жазушы?(М. Дулатов)

6. Екі тәулікте неше сағат бар?(48 сағат)

7. Қазақтың ұлы ақыны?(Абай)

8. Азиада ойындарының бойтұмары не? (Барыс күшігі Ирби)

9. Өсімдік мүшелерін ата? (Тамыр, сабақ, жапырақ, гүл)

10. Қ. Р. мемлекеттік тілі?(қазақ тілі)

1. Теңдеу құр және оны шеш: х пен 50 - дің қосындысы 60 - қа тең.(х+50=60 х=10)

2. 28 сағатта неше тәулік, неше сағат бар?(1 тәулік 4 сағат)

3. Аңыз дегеніміз не? (Өмірде болған, адам басына құрылған әңгімені аңыз дейміз)

4. Топырақтың құрамы? (Су, ауа, шірінді, құм, саз)

5. Түбірге жалғанатын бөлік не деп аталады?((Қосымша)

6. 2 минут 30 секундта неше секунд бар?(150 секунд)

7. Мақалды жалғастыр: Оқусыз білім жоқ,....................(Білімсіз күнің жоқ)

8. Тіктөртбұрыштың периметрін қалай табамыз?

9. Тамырлар сөзін сөз құрамына талда

10. а+35қай түріне жатады? (санды өрнек)

2 - кезең: «Жеті жұрттың тілін біл»

Айыра біл, жақсы менен жаманды,

Айыра біл, қарындаш пен қаламды.

Айыра біл, соқпағында өмірдің,

Айыра біл, үш тіліңді – дей келе кезекті сайысымыз

«Жеті жұрттың тілін біл».

Кезеңіміздің атауын «Жеті жұрттың тілін біл» деп атадық. Мұнда сендер жұмбақтар жасырылады, ал сендер сол жұмбақтардың шешуін үш тілде, яғни, қазақ орыс, ағылшын тілдерінде айтуларың қажет. Бұл кезеңде де әр дұрыс жауап үшін 10 ұпайдан беріледі. Барлықтарыңа табыс тілеймін!

1. Қабат – қабат қаттама

Ақылың боллса аттама. (кітап – книга - book)

1. Футболшының алаңдағы ойын заты? (доп – мяч - ball)

2. Жүз теңгең болғанша,

Жүз....... болсын. (дос – друг - friend)

3. Әй, керемет бір ит бар

Үй бағады үрмейді.

Аяғы жоқ жүрмейді.

Рұқсатсыз ол иттен

Ешкім үйге кірмейді. (құлып – замок - lock)

4. Жеті қазынаның бірі –

Адамды қорып жүретін досы.

(ит – собака - dog)

3 - кезең: «Ғажайып төрттік»

-Бұл ғажайып төрттік дегеніміз өзіміздің төрт пәнімізден берілетін сұрақтар.

- Бұл кезеңде сендер өздерің таңдап алған сұраққа жауап бересіңдер. Мына сызбаға назар аударайық

Сұрақтары:

Әдебиеттік оқу пәнінен.

1..Алты айғы қыс тартқаны – аштықтың азабы.Бар сенетіні – күйеуі Мақтым. Ол ел қыдырып, тілек тілейді. Ерте кетіп, кеш келеді. Бірақ оның да табатыны жоқ... («Күлпаш». Б.Майлин)

2. Өнер, білім бар жұрттар,

Тастан сарай салғызды.

Айшылық алыс жерлерден,

Көзіңді ашып-жұмғанша

Жылдам хабар алғызды.

(«Өнер, білім бар жұрттар». Ы.Алтынсарин)

3. «Бүгіннен бастап, сен де менің шәкіртімсің!-дейді.Сөйтіп төрт жасар бала мектеп есігін ашады.» Мәтіннің аты, кім туралы?

( «Ауылға келген мұғалім», М.Жұмабаев туралы)

4. Ұлытау өңірінде Қоңырбай батырдың отбасында дүниеге келген.Он екі жасында әкесіз қалған.Шешесі Қойсана-Абылай ханның сенімді серігі, атақты қазақ батыры Байқозының қызы.Әңгіме кім туралы?

(Ақжолтай Ағыбай батыр).

Қазақ тілі

1. Сөздің әрі қарай бөлінбейтін, мағыналы бөлігі? (Түбір)

2. Сын есімнің сұрақтары...(Қай? Қандай?)

3. Әдемі сөзіне жуық мәндес сөзді ата. (сұлу)

4. Заттың қимылын, іс- әрекетін білдіретін сөздер...(Етістік)

МАТЕМАТИКА

1.Ең кіші үш таңбалы сан. 100

2.4 жүздік, 7 ондық, 0 бірлік қандай сан? 470

3.5пен 8 санының көбейтіндісі 40

4.3*5+40 мәні қанша? 55

ДҮНИЕТАНУ

1.Адам денесінің тірегі Қаңқа

2.Жүрек қайда орналасқан? Сол жақ кеудеде

3.Біздің Отанымыз қалай аталады? Қазақстан Республикасы

4.Сезім мүшелерін ата. Тіл, көз, құлақ, мұрын, сипап сезу

4 - кезең: «Жорға»:

- Сендер бұл кезеңде дайындалған 20 сұрақтың қаншасына жауап берулеріңе қарай ұпай жинауға болады. 1 сұраққа 1 минут уақыт беріледі. 1 сұрақ 1 ұпай болып есептеледі. Барлықтарыңа сәттілік тілеймін!

1-топқа

1.ҚР Тәуелсіздігін қай жылы алды? (1991 жыл)

2.16 желтоқсан-қандай мереке? (Тәуелсіздік күні)

3.Қазақстанның солтүстік көршісін ата. (Ресей)

4. Тұңғыш қазақ ғарышкері кім? (Т.Әубәкіров)

5.Абайдың шын аты. (Ибраһим)

6.Атақты қазақ күйшісі кім? (Құрманғазы Сағырбайұлы)

7.ҚР Конституциясы қай жылы қабылданды? (1995ж.)

8. Сәулелі жұлдыз іздеген адам. (Ы.Алтынсарин)

9.Парталас көршің?

10. Қазақтың үш биін ата. (Әйтеке би, Төле би, Қазыбек би)

11. Қазақ тілінде неше әріп бар?

12. Дауыссыз дыбыстар нешеге бөлінеді?

13. Сөйлем неден құралады?

14. «Қасқыр мен түлкі» ертегінің қай түріне жатады?

15. 1 сағатта неше минут бар?

16. Өсімдік тіршілігіне не қажет?

17. 1 дм неше см?

18. Әкеңнің әкесі саған кім болады?

19.Ұя салмайтын құс?

20. Абайдың әжесі?

2-топқа

1.ҚР Елбасы Н.Назарбаев президент болып қай жылы сайланды?(1991ж)

2.Білім күні қашан тойланады? (1-қыркүйек)

3.Үш жүздің басын біріктірген хан. (Абылай хан)

4.Ертең аптаның қай күні? (жұма)

5.Азаттық жолында күрескен кім? (Тоқаш Бокин)

6. Балаларға тұңғыш Әліппе жазған кім? (А.Байтұрсынов)

7.Құрманғазының шәкірті. ( Дина)

8.4 жасынан бастап білім алған ақын ( Мағжан)

9.Нешінші сыныпта оқисың? (үшінші)

10.Кімнің баласысың?

11. Орман дәрігері?

12. 12 мен 5 - тің қосындысы неге тең?

13. Дауыссыз дыбыстар нешеу?

14. Балықшы сөзінің түбірін тап?

15.Түйенің төлі қалай аталады?

16. Абайдың анасы?

17. . Шаршы қандай фигура?

18. Түбір сөз дегеніміз не?

19. «Сұлба» деген не?

20. 1 метрде неше см?

ҚОРЫТЫНДЫ.

Ақыл керек білім таңдап аларға,

Білім керек іске жақсы қарарға.

Ақыл-шырақ, қара түнді ашатын,

Білім-жарық, нұрын саған шашатын.

Әділ қазы мүшелері қорытынды жасап, командаларды марапаттайды. Сайысымыз аяқталды. Қатысқандарыңызға көп рахмет