"Тапқыр достар" интеллектуалды ойын

Тақырыбы: «Тапқыр достар»
Мақсаты: Оқушылардың ойлау қабілетін, ой ұшқырлығын, оқуға ынтасын арттыру. Көрнекі іс - әрекеттік, сөздік - логикалық, ойлау әрекеттерін дамыту, ұйымдастырушылық қабілеттерін қалыптастыру.

Оқушыларды шапшаңдыққа, икемділікке, ұжыммен жұмыста ұйымшылдыққа, жауапкершілікке, белсенділікке тәрбиелеу.
Түрі: интеллектуалды ойын
Әдісі: топтық, көрнекілік, сұрақ - жауап, сөздік
Ұйымдастыру кезеңі: Құрметті ұстаздар және оқушылар! Бүгінгі 4 сыныппен өткелі отырған «Тапқыр достар» атты сайысқа қош келдіңіздер.

Ал келіңдер, келіңдер,

Біріңе-бірің еріңдер.

Біліміңді тексеріп,

Ойынға қатысып көріңдер,-дей отырып, «Тапқыр достар!» атты интеллектуалды ойынымызды бастаймыз.

Ортаға «Алғырлар» және «Тапқырлар» тобын шақырайық.
Шын жүйріктер сыналады жарыста
Жарыстың ба орта жолда қалыспа.
Әділқазы бағалайды сіздерді
Жеңіс мәре жақын ба, әлде алыс па?- деп бүгінгі сайысымыздың әділ қазылар алқасымен таныс болайық:
Оқу ісінің меңгерушісі: Р.О.Бектұрғанова
Бастауыш сынып мұғалімдері: К.Ж.Турганбаева, А.М.Нурмағанбетова
Сайысқа қатысушылар: 4 «А» сынып оқушылары

Ал енді сайысымыздың жоспарымен таныс болыңыздар:

1- айналым. «Таныстыру»
2 - айналым. «Білімді болсаң, байқап көр»
3 - айналым. «Ойлы болсаң, ойлап көр»
4 - айналым. «Кім жылдам?»
5 - айналым. «Ғажайып төрттік»

Ғылымның сырын ұғына,
Шығыңдар білім шыңына!
Ұқыптылық пен зеректік.
Жеткізер сіздей өренді
Әр пәннің сырына!
Қадамдарың оң болсын,
Сәт - сапар енді тілейін!

1 – айналым бойынша өздерін таныстыру үшін сөзді топтарға береміз.

1топ «Алғырлар».
Ұраны: Жарыс десе жанамыз
Бүгінгі күн жарыста алғырлықпен аламыз.
Сәлемдесуі: Қиындықтан сірәда біз қашпаймыз,
Алғырлық пен тапқырлықты ұштаймыз.
Қияларға самғап ұшқан құстаймыз,
Шегінбейміз жеңістерге бастаймыз.
2 топ. «Тапқырлар».
Ұраны: Білікті бірді жығады,
Білімді мыңды жығады.
Сәлемдесу: Біз дайынбыз бұл сайысқа достарым,
Көрсетеміз бізде қандай күш барын.
Алға қойған мақсатымыз бір екен,
Сәтті болсын сапарымыз әрдайым.

- Білім деген биік шың
Бақытқа сені жеткізер
Білім деген ақылшың
Қиындықтан өткізер - деп білім сайысымыздың екінші айналымына кезек береміз.
2 - айналым. «Білімді болсаң, байқап көр» Әр топқа зымыран сұрақтар беріледі. Әр дұрыс жауап 1 ұпаймен есептеледі. Уақыты – 30 секунд
«Алғырлар « тобы:
1. «Адам болам десеңіз» кімнің өлеңі?                   

2.«Бақ, Дәулет, Аман әңгімесінің авторы кім?  

 3. 1 км= ? м

 4. Жарық пен жылудың қайнар көзі не? 

5. Қазақ тілінде неше септік бар, атап бер

«Тапқырлар» тобы:

1. «Абылай ханның шын есімі кім?                              

2. Сөйлем мүшелері нешеге бөлінеді және қандай?

3.  100 =? онд.

4. Кен нешеге бөлінеді және қандай?

5. Дауыссыз дыбыстың түрлерін ата.

3 - айналым. «Ойлы болсаң, ойлап көр» Мақалды жалғастыру керек, әр топқа 3 мақал - мәтел беріледі. Әр дұрыс жауап 1 ұпаймен есептеледі.

«Алғырлар « тобы:
1. Оқу инемен ... құдық қазғандай

2. Жеті жұрттың тілін біл,....... Жеті түрлі білім біл.

3. Еңбек етсең ерінбей, ........ Тояды қарның тіленбей

«Тапқырлар» тобы:

1. Мектеп – кеме,..........Білім – теңіз.

2. Білекті бірді жығар,.......... білімді мыңды жығар.

3. Оқусыз білім жоқ, ............Білімсіз күнің жоқ.

Білім, ой мен арымыз,
Рухани нәріміз.
Сайыскерлер сіздерге
Қол соғайық бәріміз, - деп сайысқа қатысушыларды қолпаштап отырыңыздар.
4 - айналым. «Кім жылдам?»

Сөзжасам бұл әркімге ой салады,
Сөз тізбегін құрамын деп толғанады.
Сөзден - сөз шығаруға жетік болсаң,
Сөзжасам кезегі енді басталады.– деп ойынның 4 - айналымына да келіп жеттік. Осы айналымның басты шарты: екі топқада бір сөз беріледі. 3 минуттың ішінде берілген сөзден бірнеше сөз құрап жазу керек. Балдырған деген сөз беріледі. Сол сөзден бірнеше сөз жазу керек. Қай команда көп жазса, сол команда көп ұпай алады.

5 - айналым. «Ғажайып төрттік». Әр пәнге төрт түрлі ұяшықтар берілген. Сол ұяшықты таңдап, оның артында жасырылған сұраққа жауап беру керек. Қандай сан жазылған ұяшықты таңдаса, сонша ұпай алады.

Біреу озса сайыста, біреу артта қалады.
Ренжімей тарасса, озбағандар жарады.
Жарыс заңы ежелден - жеңімпазды анықтау,
Озат болу шарты сол – еңбектену, жалықпау - деп ойынымыздың соңғы бөлімін аяқтадық, оқушылардың ұпай санын есептеп, жеңімпазды анықтайтын кезге де жеттік.
Әділ – қазылар алқасына сөз кезегін беру.
Қорытынды:
Жарайсыңдар барлығың да өренім,
Асып - тасып төгілді ғой кемелің.
Риза болды қатынасқан көрермен,
Сайыстағы бар қызықты көргендер.

- Шәкірттерім менің! Алдағы уақытта да ерінбей, жалықпай оқуды оқып, ойымызға тоқып жүрелік. Білімді болыңыздар! Осыменен сайыс аяқталды. Назарларыңызға рахмет!.

№ 5 Алға орта мектебі

Тақырыбы: «Тапқыр достар»

4 «А» сынып

Өткізген: К.Т.Байхадамова

2016-2017 оқу жылы