"Көңілді алфавит"

№5мектеп-лицей

Көңілді алфавит

(шығармашылық конкурс)

Өткізген: Ә.Қитаманова

2019-2020

Тақырыбы: Көңілді алфавит

Мақсаты:

Әріп таңбасының әсерлі мүмкіндіктерімен таныстыру, жұмыс тәсілін білуді, әдемілік заңдылығы туралы білімдерін арттыру. Өз бетінше ұқыпты жұмыс істеу дағдыларын қалыптастыру. Оқушылардың қызығушылықтарын артыру, оларды еңбекке, ептілікке, талғампаздыққа, әдемілікке тәрбиелеу.

Көрнекілігі: анайы суреттер, түрлі-түсті қағаздар, клей, бояу қарындаштар және сурет дәптер.

Мұғалім:

Жарқырап күн де ашылды,

Айналаға нұр шашылды.

Қайырлы күн! Біз көңілді баламыз,

Қайырлы күн! Сәлемдесіп аламыз.

Шығармашылық конкурсқа қатысушы оқушыларды шақырамыз.

(Конкурсқа 2, 3, 4-класс оқушылары қатысады.)

Конкурс шарттары

1. «Ұшқыр ой» (2класс оқушылары әріптерден сөз құрайды, 3 класс сол сөздерден сөйлем құрайды, 4 класс сол сөйлемдерден мәтін құрайды)

2. «Өнер алды – қызыл тіл» (әр топқа тіл туралы үш мақал – мәтел жазу тапсырылады)

3. «Ойлан да, тап!» аралас әріптерден сөздер құрау.

4. «Әріптер әлемінде» (оқушылар бір әріпті өз фантазияларымен, қалдық заттардан құрастырып шығару керек)

5. «Ішінде саны бар сөздер»

Мұғалім:

Көп тіл білсең көкжиегің кең болар,

Құрметтейді кісі екен деп төрге озар

Қай елде жүрсең де бұл дұрысы,

Мемлекеттік тілде үйренген жөн болар.

Оқушылар Қазақстан республикасының мемлекеттік тілі қандай тіл?

(қазақ тілі)

Қазақ тілі – Абай, Мұхтар, Мағжандар,

Қазақ тілі – Баян, Жібек, Тоғжандар.

Қазақ тілі – Тоныкөк пен Күлтегін,

Қазақ тілі – елін сүйген көкжалдар.

Туған тілде – сыры терең жаны бар.

Туған тілде – мың-мың ыстық қаным бар.

Туған тілде - әнім менен сәнім бар.

Туған тілде – жүрек үнім нанындар. – дей келе бүгінгі «Көңілді әріптер» шығармашылық конкурсын бастаймыз.

Олай болатын болса 1 кезең «Ұшқыр ой» деп аталады. Бұл кезеңде қиылған әріптер жиынтығынан 2сынып оқушылары сөздер құрайды ал 3 сынып оқушылары сол сөздерден сөйлем құраса 4сынып оқушылары сол сөйлемдерден шағын мәтін құрастырады.

1. Кезең «Өнер алды – қызыл тіл» (әр топқа тіл туралы 3 мақал – мәтел жазу тапсырылады)

Алдымен мақал-мәтел дегеніміз не? Қысқаша тоқталып өтсек: Мақал-мәтел – ата бабамыздан қалған өшпес мұра. Көлемі жағынан шағын болғанмен, уақыт өткен сайын мағынасы тереңдеп, құны артып, қымбат қазынаға айналып келеді. Мақал-мәтел – тәрбиелік мәні зор, рухани байлық. Осы тұста мен осы мақал мен мәтел айырмашылығын түсіндіріп өткім келіп отыр.
Мысалы: Мақалда қорытынды, тұжырымды түйін айтылады. Айтылар ой нақты толық жеткізіледі. Мысалы: «Ер жігіт елі үшін туады, елі үшін өледі» деген мақалда елді қорғау, жерді қорғау нағыз жігіттің ісі екендігі айтылып тұр.
Ал, мәтелде ой тікелей білдірілмей тұспалдап, жанамалап айтылады.
Мысалы: «Көппен көрген ұлы той». Мұнда не көрсең де халықпен бірге көр, өз басыңның ғана қамын ойлама деген сөз тұспалдап айтылып тұр.

Сонымен мақал-мәтелдерге кезек берейік

1. Өнер алды қызыл тіл.

2. Өзге тілдің бәрін біл,өз тіліңді құрметте.

3. Ана тілің алпыс тілге татиды.

3кезең «Ойлан да, тап!» аралас әріптерден сөздер құрау.

әрдіегр (дәрігер) стұаз (ұстаз)

азңерг (заңгер) ларбала (балалар)

ғмұліам (мұғалім) садолж (жолдас)

ысша (асшы)

Келесі кезең «Әріптер әлемінде» (оқушылар бір әріпті өз фантазияларымен, қалдық заттардан құрастырып шығару керек)

V кезең: «Ішінде саны бар сөздер»

тү + 1 (түбір) с + 10 + ымен (сонымен)

к + 2 + л (кекіл) жел + 90 (желтоқсан)

к + 3 + ік (күшік) 40 + ты (қырықты)

дер + 5 (дербес) 6 + бақан (алтыбақан)

9 + құмалақ (тоғызқұмалақ)

Х кезең: «Сен білесің бе?»

(сандардың артына сұрақтар жазылған, әр оқушы бір санды таңдап алады, жауабы дұрыс болса, сонша ұпай жинайды)

1 – сен нешінші сыныпта оқисың?

3 – қазақ тілі қандай тілдер тобына жатады?

6 - Қазақстан Республикасы қандай мемлекет?

7 – авторы белгілі ертегінің түрі?

10 – қай жылы қазақ тілі мемлекеттік мәртебесін алды?

12 + (ұпай сыйлыққа беріледі)

24 – «Қыз Жібек» фильміндегі басты кейіпкерлерді ата.

30 – «Дүниеде не өлмейді?» шешендік жауап

15 – БҰҰ сөзін түсіндір

Мұғалім:

Сөз кезегі эксперт тобына беріледі. Оқушылар марапатталады.

Ойын қорытындыланады.

1-жүргізуші

Ерлік, елдік, бірлік, қайрат, бақ, ардың,

Жауыз тағдыр жойды бәрін не бардың …

Алтын Күннен бағасыз бір белгі боп,

Нұрлы жұлдыз, бабам тілі, сен қалдың!

2-жүргізуші

Жарық көрмей жатсаң да ұзақ, кен – тілім,

Таза, терең, өткір, күшті, кең тілім.

Тарап кеткен балаларыңды бауырыңа

Ақ қолыңмен тарта аларсың сен, тілім!

Осымен шығармашылық конкурсымыз аяқталды. Жеңімпаз оқушыларды марапаттау.

Мектепішілік «Абай және Пушкин – қос жүректің үндесуі» атты қазақ тілі апталығында өткен «Көңілді алфавит» шығармашылық конкурсының өткізілуі туралы

АНЫҚТАМА

Мектепішілік «Абай және Пушкин – қос жүректің үндесуі» атты қазақ тілі апталығы өтті. Апталық аясында «Көңілді алфавит» шығармашылық конкурсы өткізілді

Мақсаты:

Әріп таңбасының әсерлі мүмкіндіктерімен таныстыру, жұмыс тәсілін білуді, әдемілік заңдылығы туралы білімдерін арттыру. Өз бетінше ұқыпты жұмыс істеу дағдыларын қалыптастыру. Оқушылардың қызығушылықтарын артыру, оларды еңбекке, ептілікке, талғампаздыққа, әдемілікке тәрбиелеу.

Шарты

1. «Ұшқыр ой» (2класс оқушылары әріптерден сөз құрайды, 3 класс сол сөздерден сөйлем құрайды, 4 класс сол сөйлемдерден мәтін құрайды)

2. «Өнер алды – қызыл тіл» (әр топқа тіл туралы үш мақал – мәтел жазу тапсырылады)

3. «Ойлан да, тап!» аралас әріптерден сөздер құрау.

4. «Әріптер әлемінде» (оқушылар бір әріпті өз фантазияларымен, қалдық заттардан құрастырып шығару керек)

5. «Ішінде саны бар сөздер»

Конкурсқа 2в,г,д 3г, в 4в, г сыныптарынан төмендегідей оқушылар қатысты.

2в сыныбы – Жомарт Ж. Мейрамбек А.

2г сыныбы – Ахметова А, Талгатов Т.

2д сыныбы – Омаров Х, Хабит С.

3в сыныбы – Зейнулина А. Хасенов А.

3г сыныбы – Бабаева А. Мирамбаев З.

4в сыныбы – Кунтуарова А, Жангозина Т.

4г сыныбы – Бактыбергенова Ж. Толемисов Н.

Конкурсқа оқушылар белсене қатысты.

І-орын 4в сынып оқушылары,

ІІ-орын 2в сынып оқушылары

ІІІ-орын 3в сынып оқушылары марапатталды.