?ожанасыр туралы ??гімелер. 2-сынып.

Батыс Қазақстан облысы Бөрлі ауданы Ақсай қаласының

№4 жалпы орта білім беретін мектебінің бастауыш сынып мұғалімі

Баймағамбетова Динара Еркімбайқызы

Тақырыбы: Қожанасыр туралы әңгімелер
Мақсаты: 1) Аты халқымыздың аузынан түспейтін, ерте заманнан әйгілі болған, сөз тапқыш кейіпкерге айналған Қожанасыр туралы хикаяларды оқып, танысу;
2) тіл байлығы мен ақыл - ой өрісін дамыту;
3) ауызекі тілге қызығушылығын тәрбиелеу.
Көрнекілігі: Қожанасырдың суретін интертақтадан слайдынан көрсету, «Балдырған» журналы.
Әдісі: топпен жұмыс, СТО стратегиясы, сахналау.
Түрі: аралас сабақ.
Сабақтың барысы:
1. Ұйымдастыру кезеңі.

-Амандасу

-Психологиялық дайындық

Біз бақытты баламыз, 
Ойнап, күліп аламыз. 
Жетілсін деп санамыз, 
Оқып білім аламыз. 

2. Үй тапсырмасын сұрау

- үйде құрастырып келген өтірік өлеңдерін ортаға шығып, оқып беру, сәтті шыққандарына мақұлдайтын 3 рет шапалақтау.

3. Ой шақыру:

Жұмбақ

Арман қуып жасынан,

Көктен көзін алмаған.

Байды алдап, мақтанған,

Кедейлерге жақ болған.

Сараң да емес, бай да емес,

Ақшақұмар жан да емес.

Табыңдаршы жанды осы,

Сыйлығым бар тапқанға.

-Өлең жолдары кім туралы деп ойлайсыңдар? Неліктен?

-Аты аңызға айналған кімдерді білесің?

- Алдаркөсе, Қожанасыр, Тазшабала, Жиренше

4.Жаңа сабақ

-Бүгінгі жаңа сабағымыз «Қожанасыр туралы аңыздар»

- Осы күнге дейін Қожанасыр туралы аңыз әңгімелер оқып білдік, енді соған сүйене отырып ол қандай екенін 2-3 сөз тіркесін жазамыз.

(Әр басылымдағы суреттерін көрсету)
- Ал, сендер атақты Қожанасыр туралы қандай қызық хикая білесіңдер?
(Әр топтан үш оқушы өздері білетіндерін айтып береді)

5. Топпен жұмыс

І - топ: «Бастаушылар» -Қожанасыр кім екенін оқушыларға таныстыру.

Қожанасыр – қазақтың күлдіргі әңгімелерінің кейіпкері. Әңгімелерде ол өте аңқау жан болып көрінеді.Бірақ оның аңқаулығының ар жағында ащы мысқыл, қулық жатады. Ол сонысымен өмірдегі, адам бойындағы жат қылықтарға қарсы күреседі. Көп әңгімеде Қожаның қасында көбіне есегі жүреді. Есек Қожанасырдың көлігі, серігі және әзіл құралы да.

Интертертақтадан слайд көрсету

ІІ - топ: « Баяндаушылар» «Қожанасыр мектепте» мәтінің оқып, өзара келісіп рөльге бөліп оқып береміз. Басқа топтарға таныстыруға дайындаламыз және қойылған сұрақтарға жауап береміз.

- Қожанасырдың мұғалімге берген жауаптарына қарап, оны қандай оқушы деп ойлайсың?
- «Күн бір сағатқа ұзарды» деген мұғалім сөзін Қожанасыр қалай түсінген?

ІІІ- топ: «Сахналаушылар» «Төрттен төртті алса не қалады?» хикаясын оқиды, дәл басқа топтардай дайындалады, мазмұнын ортаға шығып 2 - 3 оқушы болып сахналайды.

- Екінші мәтіндегі Қожанасырдың жауабын дұрыс не бұрыс екенін дәлелде..
- Қожанасыр шынымен төрттен төртті азайта алмауы мүмкін бе?

IV-топ: «Зерттеушілер» Қожанасырдың заманымен қазіргі заманды салыстыру. Қазіргі кезде Қожанасыр сияқты адамды кездестірдіңдер ме?
(Дайындалуға 5 мин.)

6. Сергіту сәті.
-«Қожанасыр» сөзіндегі әріптерді пайдаланып сөздер жаса. 2 минутта қай топ көп жазады екен.

7. Бекіту жұмысы.
- Қожанасыр туралы әңгімелерді оқығанда, қандай сезімде болдың?
ә) Шығармашылық жұмыс:
1. - Қожанасырға не айтар едің? Оған хат жаз.
2. – Ортаға шығып оқып беріңдер. (2 - 3 оқушыға оқыту)
8. Сабақты қорыту

11. Үйге: 36 - 38 беттер. мазмұнын айту. Қожанасыр туралы басқа әңгімелер оқып келу.

10. Бағалау