Тақырыбы«Көктем аруы»
Мақсаты:1)Аналарға деген сүйіспеншілікке баулы,ана еңбігін құрметтей,ардақтай білуге тәрбиелеу.
2)Ата бабамыздың ұрпақтан-ұрпаққа беріліп келе жатқан ұлттық тәрбие,салт-дәстүрі мен әдеп-ғұрыптарын сақтауға,құрметтеуге баулу.
3)Сезімін ояту.Өмір танымын кеңейту, имандылыққа, ұлтжандылыққа тәрбиелеу дарындылығын дамыта түсу.
Ән «Қыз сыны» М.Омаровтың
. Ұйымдастырушы:Мұғалім құттықтайды (сөз)
. Әділ қазылар сайлау.
Әділ қазы береді,
Өздеріңе сыйлықты.
Өнерде кім жеңеді,
Сол алады сыйлықты,
-деп ең алдымен сіздерді әділ қазылар алқасымен таныстырып өтейін (әділ қазылармен таныстыру)
1.Жүргізуші:Уа халайық,халайық..
Мұнда назар салайық.
Мерекесі аналардың,
Наурыз тойға арналған,
Сайысты біз бастайық.
2.Жүргізуші:Мың бұралған арулар аңдап басып,
Келеді міне ортаға толқып-тасып,
Аруларын сыйлаған халқым менің,
Көңілді қошеметпен қарсалайық.
1.Жүргізуші:Уа арулар,арулар,
Ешкімің жоқ алалар
«Көктем аруы» атты лайықты
Қайсысың кәне жене алар?
2.жүргізуші:Той пердесін ашайық,
Тойға шашу шашайық.
Аналарды құрметтеп,
Ән маржанын шашайық.
1.Жүргізуші:Ал енді аруларымызбен танысыңыздар!Алдарыңызда кішкентай арулар!
Музыка әуенімен ортға шығады.
Сайысты бастамас бұрын,сайыстың атқарылар міндеттерімен таныстырып өтейік.
1.Өзін-өзі таныстыру.
2.Ана туралы өлең мәнерлеп оқу.
3.Мақалдар жарысы.Ана,бала туралы.
4.Қазақтың салт-дәстүріне байланысты сұрақтарға жауап беру.
5.Шебер қолдар.Өздерінің жасаған қол-өнерлерін көрсету.
6.Аспазшы апасына қол-қанат.Салат дайындау.
7.Өнер сайысы.Өз өнерін көрсету.
8.Сән үлгісі.Кешкі киім үлгісін көрсету.
2.Жүргізуші:Білім,ғылым өнерге,
Қанат қағар кездерің.
Ата салтын ертеңге
Жеткізетін өздерің,
-деп,сайысымыздың бірінші бөлімін бастаймыз.
Бірінші кезең:Өзін-өзі таныстыру
1.Жүргізуші:Әділ қазылар сөз кезегі өздеріңізде,сайыстың 1-ші бөліміне баға беріңіздер.(Қазылар алқасы бағаларын көрсетеді.)
Ән «Кешіре көрші бәрін анашым»
2.Жүргізуші:Бидің майын тамызып,
Сөздің балын ағызып.
Қос арулар сөз айтар,
Өлең оқып жарысып.
Екінші кезең:Ана туралы өлең мәнерлеп жатқа айту.
(Әділ қазылардың бағасы)
Көрініс «Қайда жүрсің»
1.Жүргізуші:Білімді мыңды жығар,
Білекті бірді жығар.
Үшінші кезең: Мақалдар жарысы.Ана,бала қыз туралы.
Ананың сүті-бал,
Баланың тілі-бал.
Анаңа ауыр сөз айтпа,
Атыңа ауыр жүк артпа.
Ана сүтін ақтамағанды,
Ешкім мақтамайды.
Әкеден безген-ұл болмас,
Анадан безген-қыз болмас.
Ананың көңілі балада, Баланың көңілі далада.
Жақсы қыз-жағадағы құндыз,
Жақсы жігіт-көктегі жұлдыз.
Қыз өссе елдің көркі,
Гүл өссе жердің көркі.
Баланың ұяты әкеге,
Қыздың ұяты шешеге.
(Әділ қазылардың бағасы)
Ән «Ойпырмай»
Төртінші кезең: Қазақтың салт-дәстүріне байланысты сұрақтарға жауап беру.
2.Жүргізуші:Ал,арулар сұраққа қалайсыздар
Сендер өтер әлі де талай сын бар
Тапсырма ал,сан қилы,сан-сауалдан
Дұрыс жауап берсеңдер жарайсындар,
-деп,кезекті сұрақ-жауап бөліміне береміз7
1.Ұлттық тағамдарға не жатады?
2.Ұлттық ойындарды ата?
3.Жеті байлыққа не жатады?
4.Жеті қазына деген нелер?
5.Бес парызға не жатады?
6.Үш мақсатты ата?
7.Жеті атаңды ата?
8.Қонақ түрлерін білесіз бе?
9.Үш арсызға не жатады?
(Әділ қазылар бағасы)
Бесінші кезең:Қол өнер сайысы
1.Жүргізуші:Қазақта өнерлінің қолы алтын,өлеңшінің сөзі алтын,-деген қанатты сөз бар.Олай болса сайысымыздың 5-ші бөліміне кезек берейік.
Қыздарымыздың қол өнері дайын болғанша кезекті көрініске берейік.
Көрініс «Әнші»
(Әділ қазылар бағасы)
Алтыншы кезең:Салат түрлерін дайындау
2.Жүргізуші: Аспазшы апасына қол-қанат. Салат түрлерін дайындау
Қыздарымыздың салаттары дайын болғанша кезекті әнге берейік.
Ән «Бүгін сенің туған күнің»
(Әділ қазылар бағасы)
Жетінші кезең:Өнер сайысы.Өз өнерін көрсету.
1.Жүргізуші: «Өнерлі өрге жүзер» демекші келесі 7-ші сайысымызды өнер сайысы.Қыздарымыздың өз өнерін тамашалаңыздар.
(Әділ қазылар бағасы)
Сегізінші кезең: « Кешкі киім сән үлгісі »
2.Жүргізуші:Жүзден жүйрек,
Мыңнан тұлпар
демекші сайысымыздың соңғы бөліміне де келіп жеттік.«Кешкі киім сән үлгісін » тамашалаңыздар. (арулар вальс билеп,ортаға шығады).
(Әділ қазылар бағасы)
1.Жүргізуші:Қос етекті қыздар қандай,сырғалы?
Бешпет киген жігіттерім тұлғалы.
Жібек пенен Баяндайын көрікті,
Сұлтандары-ай шекпен киген сырмалы. 2.Жүргізуші:Толған айдай толып тұрған кемелі,
«Қыз жібектей» арта берсін беделі.
Барша жұртқа үлгі болсын демекпіз
Қазағымның салт-дәстүрі,өнері.
