"Ұрпаққа берген ұлағатты тәрбие- Мәңгілік елдің кепілі" атты ашық тәрбие сағаты

№5 мектеп-лицей

«Ұрпаққа берген ұлағатты тәрбие – Мәңгілік елдің кепілі» атты ашық тәрбие сағаты

Өткізген: Кужаниязова А.Ж.

3 «Б» сынып

Шалқар қаласы

2018-2019 оқу жылы

Тақырыбы: «Ұрпаққа берген ұлағатты тәрбие – Мәңгілік елдің кепілі»

Класы: 3 Б

Тәрбие сағатының мақсаты:

• Оқушылардың туған жеріне, еліне деген, оның бүгіні мен болашағы туралы танымдық көзқарасы артады.

• Болашаққа деген сенімі, ой-өрісі дамиды.

• Оқушылар елінің мұрасын қастерлеп, оны жалғастырушы азамат болуға тәрбиеленеді.

Көрнекілік: проектор,слайдтар, видеофильмдер, сөзжұмбақ, флипчарт, түрлі-түсті фломастерлер,жапсырма қағаз.

Барысы:

І.Ұйымдастыру кезеңі:
Психологиялық дайындық:
Табиғаттан нәр алған ғой жанымыз,
Жер бетінің ажары ол – сәніміз.
Туған өлке табиғатын аялап,
Ұсынайық жүрек нәрін бәріміз.
II.Қызығушылықты ояту: Сөзжұмбақ шешу арқылы тақырыпты ашу.
1. Біздің еліміз қалай аталады?
2. Рәміздеріміздің бірі
3. Орман неден құралады?
4. Бал жинайтын жәндік?
5. Пайдалы қазба

6. Қамбар ата төлі
7. Рәміздердің бірі.
8. Астанадағы Қазақстан символы?

Ендеше бүгінгі ашық тәрбие сағатымыздың тақырыбы: «Рухани жаңғыру - Еңселі Елорда белестері » деп аталады. Мемлекет басшысы Нұрсұлтан Назарбаев өзінің «Болашаққа бағдар: Рухани жаңғыру» атты мақаласында өлкетану бағытындағы «Туған жер» бағдарламасын қолға алуды ұсынды. .Осы бағыттың жүзеге асырылуына сендер де туған жерді дәріптеу, құрметтеу арқылы үлес қосаса аласыңдар.

Мұғалімнің кіріспе сөзі:
(Астана туралы слайдтар көрсетіледі)

Қазақстан кеше,бүгін,ертең …

Кеше (өткен  тарихқа шолу)

Қазақстан – тәуелсіз, азат ел. Сол тәуелсіздік жолында қазақ бабам не көрмеді десеңізші?! Еліміздің басынан азап та, аштық та, сұм соғыс та өтті. Қазақ халқы ауыр, қайғыға толы кезеңдерді бастан кешірді.  Шолу жасап өтейін.

• Жоңғар  шапқыншылығы ;

• 1916 жылғы ұлт-азаттық көтеріліс;

• 1928-1932 жылдардағы аштық;

• 1941-1945 жылдардағы Ұлы Отан   соғысы;

• 1986 жылғы жерді дүрсілкендірген желтоқсан оқиғасы.

Бұның барлығы да туған жерімізге ауыр жара салды. Қаншалықты биіктеп, өркендесек те біз кешегі тарихымызды ешқашан ұмытпаймыз.

Бүгін   (бүгінгі  күннің  тарихына   шолу) Біздің туып -өскен жеріміз– Қазақстан.  Еліміз тәуелсіз, дербес ел атанды. Ел өз қалауымен президентті сайлап, Ата Заңымыз бен мемлекеттік рәміздерді қабылдадық. Ана тіл-қазақ тілі мемлекеттік тіл болып жарияланды. Қазақстанның астанасы – Астана қаласы. Ол күннен күнге жаңарып, жаңа белестерге көтерілуде.

Бүгінгі Қазақстан 2017 жылы Алматы қаласында өткен қысқы Универсиада жане Астана қаласында өткен ЭКСПО көрмесі арқылы, спортшыларымыздың жеткен жетістіктерімен әлем назарына ілігуде.

Еліміз мұнайға, пайдалы қазбаларға өте бай. Қазір ынтымағы жарасқан көптеген ұлттың өкілдері тұрады. Ол бүгінде дүние жүзінің көптеген елдерімен достық байланыс орнатқан, бүкіл әлем таныған елге айналды.

 Қазір еліміз алдыңғы қатарлы дамыған елдер қатарына қосылу үшін, «Болашаққа бағдар: рухани жаңғыру» бағдарламасы аясында қарқынды жұмыстар атқаруда. Мемлекетіміз заман талабына сай заманауи техникалар мен машиналар, өнеркәсіптер күн санап дамып келеді.Біз осы тәуелсіз Қазақстан Республикасының азаматы болғанымызға мақтанамыз.

Ертең   ( «Сұхбат алу» әдісі арқылы ертеңгі   күнге   болжау  жасау )

• Үш тілділік;

• Латын әрпіне көшу үлкен жетістіктер әкеледі.

• Мектептер,балалбақшалар, мәдени орындар жаңа заман талабына сай салынып, жабдықталады.

• Халық саны саны көбейіп, жаңа қалалар көбейеді.

• «Рухани жаңғыру» бағдарламасы толығымен жүзеге асып, дамыған мемлекеттердің ең алдыңғы қатарынан табыламыз.

Мұғалім: Рақмет, балалар! Сендердің ертеңгі күнге деген болжамдарың міндетті түрде жүзеге асырылады. Осы мақсатта елбасымыз «Болашаққа бағдар: рухани жаңғыру» бағдарламасын жариялағанын жақсы білесіңдер. - Осы бағдарлама жайлы не айта аласыңдар?

Мемлекет Басшысының «Рухани жаңғыру» жөніндегі бастамасына сәйкес бүгінде еліміздегі тарихи ескерткіштер мен киелі жерлердің мән-маңызы жан-жақты зерделеніп жатыр.

Бағдарлама аясында ҚР Ұлттық кітапханасының мамандары 2005-2007 жылдары Батыс Европа кітапханаларында құнды жазба деректерді іздестіріп, олардың көшірмелерін алу мақсатымен ғылыми ізденіс жұмыстарын жүргізді. 

2004 жылы мәдениет ескерткіштерін қалпына келтіру, және мұражайландыру болып табылатын «Мәдени мұра» мемлекеттік бағдарлама жасалып, қабылданды.

«Мәдени мұра» Мемлекеттік бағдарлама қабылданғалы бері Айша-Бибі кесенесі, Арыстан баб, Абат-Байтақ, Есімхан, Қара Сопы, Ысқақ Ата, қорымдарында сияқты көптеген тарих пен мәдениет ескерткіштерінде реставрациялық жұмыстар аяқталды.

Бағдарламасын жүзеге асыру аясында Қазақстанда ғана емес шет елдердегі ескерткіштерді қалпына келтіру жұмыстарын жүргізуде. Дамаск қаласындағы Сұлтан Бейбарыс кесенесі, Каир қаласындағы Сұлтан Бейбарыс мешіті , Дамаскідегі әл-Фараби тарихи-мәдени орталық-кесенесінің құрылысы сәтті аяқталды.

Бұл жұмыстардың атқарылу себебі, болашақ ұрпаққа туған жеріміздің тарихын ұмыттырмау, оларға мұра етіп қалдыру. Бұл Отанға, туған жерге, туған елге деген сүйіспеншілік.

Туған жер туалы мақал-мәтел айту.

Шығармашылық жұмыс:

1,2-топ «Ассосация» әдісін қолдану.

3-топ: «Еңселі Елорда» тақырыбына (сурет салу).

4-топ: «Синквейн» әдісін қолданып «Астана» тақырыбына өлең құрастыру.

Мұғалім: Енді сендердің Туған жерге деген сүйіспеншіліктеріңді тексеріп көргім келіп тұр. Әр топтан бір оқушы шығып жауап береді («Ыстық орындық» әдісін қолдану).

1-топ:
1.Еліміздің Ордасы қай қала?
2. Астанамен байланысты үш сөзді ата
3.Ұлттық валюта.

2-топ:

1. Тәуелсіздігімізді қай жылы алдық? ( 16 желтоқсан 1991 жыл.)
2.Мемлекеттік рәміздерді ата.

3.Астанадағы ғимараттарды ата?

3-топ:

1. Астананың бұрынғы атауы?

2. ЭКСПО көрмесі қашан болды?

3. ЭКСПО көрмесі не жайлы болды?

4-топ:

1. Елордамызды қақ жарып өтетін өзен?

2. Тұңғыш Президент күні қашан?

3. Қазақстанның көршілес елдерін ата.

Қорытынды Хор: «Атамекен»

Рефлексия

Оқушылар сабақтан алған әсерлерін түрлі-түсті стикерге жазып, «Білім ағашына» іледі.