| Педагогтің Т.А.Ә. | Қаналина Г.Н | |
| Күні: | 08.09.2023ж. | |
| Сынып: 2 «б» | Қатысушылар саны:17 | Қатыспағандар саны:0 |
| Тәрбие тақырыбы | «Сәлем, жаңа оқу жылы» | |
| Құндылық | Талап: Білуге, жаңаны тануға құштар болу | |
| Мақсаттары | Білімнің қайнар көзі, бастау бұлағы –бастауыштан, басталатындығын ұғындыру. Білімге, өнерге деген қызығушылықтарын арттыра отырып, білім ордасын, ұстаздарды құрметтей білуге тәрбиелеу. Білімді, ақылды, жан-жақты болуға тәрбиелеу. |
| Іс-шараның кезеңі/ уақыт | Педагогтің әрекеті |
| Басы Ұйымдастыру кезеңі | Амандасу Сәлемдесу. Оқушыларды сабаққа ынталандыру, сәттілік тілеу (оқушылар шеңбер құрайды) — Балалар, мен сендерді бүгінгі сабақта көргеніме қуаныштымын. Сондықтан сабағымыз сәтті өтсін деп, қолымыздан ұстап бір — бірімізге жақсы лебіз білдірейік. (Жақсы баға алайық, көңіл күйлеріміз жақсы болсын, деңсаулығымыз мықты болсын, өмірде бақытты болайық,…) — Бір — бірімізге не тілейміз? — Сәттілік тілейміз. Кіріспе сөз. Қайырлы күн, менің сүйікті оқушыларым. Сіздерді осы сыныпта көргеніме қатты қуаныштымын. Міне, жазғы демалыс аяқталып, жаңа оқу жылы басталуда. Барлығыңызды білім күнімен құттықтап, үлкен жетістіктер тілеймін. Егер, барлық пәндерден тек жоғары баға алғыларын келсе, басыңызды қажет емес ойлардан тазарту керек. Ол үшін, басымызды екі қолымызбен ұстап, 10 секунд бойы уқалаймыз. Содаң соң, саусақтарымызға жабысып қалған нәрсенің барлығын жерге тастаймыз! (Балалар мұғалімнің соңынан қайталайды). Керемет, енді біздің миымыз жаңа ақпарат қабылдауға дайын! |
| Ортасы | I. Негізгі бөлім Мақалдар-мәтелдер және жұмбақтар «Білекті – бірді жығады, білімді – мыңды жығады» деген керемет мақалды барлығы біледі. Келесі ойында, мына мақал-мәтелдерді жалғастырып көрейік Оқусыз білім жоқ, Білімсіз (күнің жоқ). Тіліңмен жүгірме, (біліммен жүгір). Киіміне қарап қарсы алады, Біліміне қарап (шығарып салады). Екпей егін шықпас, Үйренбей (білім жұқпас). Ендігі кезек жұмбақтарға келді. Сыныптағы ең тапқыр оқушы кім екен? Соны анықтайық. Бiлiмнiң жол басшысы, Шәкiрттiң қолбасшысы. (Мұғалiм) Жұқа тақтай бөлшегi, Ұзындықтың өлшемi. (Сызғыш) Бар ойынды жиямын, Ақ қағазға құямын. (Сия) Сағат сайын қағылады, Тек мектептен табылады. (Қоңырау) Ойындар Сиқырлы доп. Балалар, «Біздің сыныбымыз қандай?» деген сұраққа жауап беріп көрейікші. Өз көзқарасымызды сиқырлы доптың көмегімен білдірейік. Допты бір-бірімізге лақтыру арқылы, әр оқушы сыныбымызды сипаттайтын бір сөз айтуы керек. Сөздер: тәртіпті, білімді, ұйымшыл, белсенді, мәдениетті, өнертапқыш. Төрт маймыл. Шаршаған шығарсыздар, онда тамақ жейтін уақыт келді. Қазір мен 4 оқушыны таңдап, олардың әрқайсысының алдына банан қоямын. Қатысушылар бананды қолдың көмегінсіз тазалап, жеп қоюы керек. Бұл сайыста, бананды алғашқы болып жұтып қойған оқушы жеңіске жетеді. Оқу құралдары. Мектепке қандай заттар әкелуге болады? Мен қазір сөздер айтамын, егер, бұл зат оқу барсысында қолданылатын болса, алақандарымызбен шапалақтаймыз. Сөздер: қалам, қасық, сөмке, қарындаш, шелек, ойыншық, кітап, дәптер. |
