Просмотр содержимого документа
««Наурызым- мерекем, Наурызым – берекем»»
Мақсаты: Оқушылардың Наурыз мерекесі жөніндегі білген-түйгендерін толықтыру,мерекедегі айтылған ұлағатты салт-дәстүрді дәріптеуге,
құрметтеуге тәрбиелеу.
Көрнекілігі: «Ұлыс оң болсын, ақ мол болсын!», «Наурызым- мерекем, Наурызым – берекем» сөздері жазылған плакат.
1-жүргізуші: Ұлыстың ұлы күніне арналған «Наурызым- мерекем,
Наурызым – берекем» атты мерекелік кешімізді бастауға рұқсат етіңіздер!
Балалар, бүгінгі Наурыз мерекесіне арнайы алыстан ат терлетіп батасын, тілегін айту үшін қызыр атамыз келіпті. Қане, қарсы алайық!
Қызыр баба сөзі: Ақыл-ойды асырып,
Ата салтын сақтаңдар,
Дұрыс сөзге тоқтаңдар.
Ұлыс күні ұрысты,
Өкпе назды тастаңдар.
Мынау тұрған халықты
Ынтымақ пен достыққа,
Жақсылыққа бастаңдар.
Айналайын ел-жұртым,
Орындалсын арманың,
Жайқала берсін орманың.
Әумин!
Балапандарым, ата-салтын ұмытпай Ұлыс тойын өткізіп жатқандарың өте жақсы. Ал мені жалпақ ел күтіп отыр, асығыспын. Мен тілегімді айтып аттанайын.
Жарқыра, жайна, Наурызым,
Қабағы жаудың түйілсін.
Береке-байлық, дәм-тұзың,
Халқыма мәңгі бұйырсын!
Сау болыңдар. Келесі кездескенше.
1-жүргізуші: Армысыздар, жамағат!
Ару көктем, әз Наурызым, ақ күнім,
Ала келген бар әлемнің шаттығын.
Қазан-қазан көже жасап,
Азан-қазан көңілменен күй кешу-
Біздер үшін бақ бүгін.
2-жүргізуші: Наурыз келді нұрландырып дүниені,
Жерге басын алтын тәжді күн иді.
Бүкіл әлем жаңарып түрленеді,
Кәрі дала жасарып гүлденеді.
Жан дүниемде ғажап сезім оянды,
Ой да, қыр да алуан түске боянды.
1-оқушы: Наурыз мейрам жүректерге нұр сепкен,
Маңдайымнан сүйіп жатыр күн көктем.
Жарығыңмен, шуағыңмен, Жер Ана,
Алып келдің жер бетіне гүл көктем.
2-оқушы: Жыр сыйлаған, нұр сыйлаған тірлікке,
Қастерледік қадіріңді білдік те.
Құтты болсын Ұлы күн жұмылдырған
Бәрімізді ынтымақ пен бірлікке!
3-оқушы: Адам өміріндегі барлық жақсылық атаулыға сәлемдесу арқау болып жатады. Бір-бірін көріп білмеген адамдар арасында да игіліктер алғашқы сәлемдесуден өрбиді. Имандылық шариғатында сәлемдесуді тілмен айту – парыз.
4-оқушы: Ұлы күнде сәлемдесудің де қалыптасқан дәстүрі бар екен, ендеше тамашалайық.
5- оқушы: Ассалаумағалейкүм!
«Мен адаммен.
Адамдығымды білдіремін.
Алланың нұры жаусын!»
Ұлыс оң болсын, ақ мол болсын!
6-оқушы: Уағалейкүмассалам!
«Мен де адаммын».
Адамдығымды білдіремін.
Сізге де Алланың нұры жаусын!»
Ұлыс береке берсін, пәле жала жерге енсін.
Балалар, Наурыз мерекесіне арнайы бізді құттықтап, тілегін айту үшін, көрші әже келіпті, төрлетіңіз әже!
Әженің сөзі: Амансыңдарма, балаларым! Наурыз тойларың құтты болсын! Ұлыстың Ұлы күні аталған Наурызда еңбектеріңіз өнімді, тілектеріңіз қабыл боп, аман-есен тойдан тойға жетіп, ескі ауыртпалықтарыңыз ескі жылда кетіп, жаңа жылда жаңа үміт, жаңа тіршілікпен, осы Ұлыстың ұлы күнінде елімізге, жерімізге Наурызымыз есігін қуанышпен ашсын. Барлық жақсы ниет-тілектеріңіз қабыл болсын!
Балалар бүгін біз қазақтың салт дәстүрінің бірі тұсау кесер. Осы рәсімді Биғайша әжеміз кішкентай бөпемізбен өткізбекші.
Ойын : Ата-аналар арасында да ойын өткізгіміз келіп отыр. Ортаға үш ата-ана келсін. Сіздер қазір мына қобдишаның ішінен парақша аласыздар, парақтың ішіндегі сандар арқылы сұрақтарға жауап бересіздер. Әділдігін жасау үшін әділ-қазылар ретінде әжелерімізді ортаға шақырамыз. Қобдиша ұсынылады. Көп ұпай алған ата-ана жеңіске жетеді.
1- жүргізуші: Хор: «Құтты болсын, әз Наурыз»
2-жүргізуші: Камиланың орындауында ән : «Армансыз күнің болмайды»
1-жүргізуші: Мың бұралып билейді қыздарымыз,
Қолдары майысқанда таңғалмаңыз.
Қазақтың «Қазақ биін» билейтұғын
«Айгөлек» би тобын қарсы алыңыздар!
2-жүргізуші: Наргиздің орындауында ән : «Қош келдің, төрлет Наурызым»
1- жүргізуші:Келесі, Әділ сиқыр өнерін ортаға көрсетпекші , қарсы алайық!
7- оқушы: Хош келдің, Наурызым ардақты,
Халқым саған бар үмітін арнапты.
Жылда осылай келе берсін жасарып,
Гүлге болеп, нұрға бөлеп аймақты.
8-оқушы: Келді Наурыз жар салып,
Би билейік ән салып.
Жылда келсін Ұлыс күн,
Тұрайық есен қарсы алып.
2-жүргізуші: Келесі тыңдайтын әндеріңіз «Ана жаным». Қарсы алыңыздар!
1- жүргізуші:«Айгөлек» би тобының орындауында «Өзбек биі»
2-жүргізуші:Сағындықтың орындауында ән : «Ассалаумағалейкүм!»
9-оқушы: Наурыз келді, Наурыз келді, ағайын,
Құшырлана құшағымды жазайын.
Көктем шыға күлімсіреп көк аспан,
Әнге толы, күйге толы маңайым.
10-оқушы: Наурыз тойың, Наурыз тойың,
Құтты болсын, халайық!
Күй төгілсін, күй төгілсін,
Шырқап әнге салайық.
жүргізуші: Қазақтың төл өнерінің бірі – айтыс. Кезекті ақындар айтысына берейік.
1-ақын: Оу, халайық, халайық,
Әсем әнге салайық.
Наурыз тойын көңілді,
Бірге қарсы алайық.
ақын: Меніменен айтысар,
Қыз құрбылар, қайсың бар?
Қолдан келсе әзілдеп,
Маған сынды айтыңдар.
ақын: Айтысуға өзіңмен
Шығып тұрмын алдыңа.
Күн аттарын білмеуші ең,
Жаттап оны алдың ба?
ақын: Құрбым, кімге күлесің,
Өзің нені білесің?
Онға дейін қиналып
Санай алмай жүресің.
ақын: Бәтеңкеңнің бауын да,
Байлай алмай жүруші ең.
Үйрендің бе, жейдеңді
Теріс қарай киюші ең?
ақын: Олпы- солпы кигенің,
Ойың не түйгенің?
Намысыма, құрбыжан,
Наурыз күні тимегін.
ақын: Ұлы Наурыз бәріңді
Татулыққа шақырған.
Тоқтатайық айтысты,
Сөз қалған ба ақыннан.
2-жүргізуші: Келесі тыңдайтын әндеріңіз «Менің әжем осындай».
жүргізуші: «Айгөлек» би тобының орындауында «Үнді биі»
Хор: «Наурыз-думан».
1-жүргізуші: Береке күннен күнге таса берсін,
Ырыс- құт басымыздан аса берсін.
Ынтымақ боп, бірлік боп елімізде,
Қайратымыз ілгері аяқ баса берсін.
2-жүргізуші: Мешін жылы, ұрпаққа шуағыңды бер,
Үмітті, шаттығы мол шығады үндер.
Мерейі үстем боп мектебімнің,
Мереке құтты болсын, көрермендер!
1-жүргізуші: Осымен Ұлыстың ұлы күніне арналған «Наурызым- мерекем, Наурызым – берекем» атты кешіміз аяқталды.
2-жүргізуші: Жылдан жылға аман-есен жете берейік! Келіп тамашалағандарыңызға көп рахмет! Сау болыңыздар!
