Ән мен Әнші

Тақырыбы: «Ән мен әнші» ән сайысы
Мақсаты: Оқушылардың әнге деген қызығушылығын арттыру, әншілік қабілетін, актерлік өнерін, талантын сынау. Өнерге біртабан жақындату.

1 - жүргізуші: Қайырлы күн, құрметті ән сүйер қауым!
2 - жүргізуші: Қадірменді «көкірегінің көзі ашық, көңілі ояу» ұстаздар және оқушылар! Баршаңызға бүгінгі «Ән мен әнші» сайысына қош келдіңіздер демекпіз.
1 - жүргізуші: Табиғаттың тебіренген, қуанған шағының перзенті - әнші десек, сол перзенттің иесі де, іздеушісі де халқы.
2 - жүргізуші: «Ән көңілдің ажары десек» кәусар сезім мен тояттамас көңіл, шалқыған шаттық пен мұңға тұнған махаббат, буырқанған шабыт пен сабырға көнбес сағынышты да осы әннен табасыз.
1 - жүргізуші: Құрметті жиналған қауым бүгінгі «Саз әлемі» жобасының қатысушыларымен таныстырып өтсем.
------------------------------------
2 - жүргізуші: Алдымен сайыскерлердің ретті санын анықтап алайық. Мына нотаны таңдау арқылы өз реттік сандарыңызды анықтап алайық.

Қатысушыларымызды сахна сыртына шығарып салайық!
1 - жүргізуші: Бүгінгі сайысымызға төрелік ететін, әділ - қазылар алқасымен таныстырып өтсем:
1.Мектеп директоры: Ерзат Бияхметұлы

2. Тәрбие ісінің меңгерушісі: Назымгүл Алиханқызы

4.Музыка пәнінің мұғалімі: Бейсенгелді Құрманғожаұлы

-Сайысымыз 2 кезеңнен тұрады.

1. Қатысушылар кез-келген тақырыпта ән шырқайды

2-ші кезең слайтта сурет беріледі сол бойынша ән айтасыздар.

2 - жүргізуші:
Талаптының айтқанын мен қостайын,
Бәріңізге жақсы бір ой тастайын.
"Ән көңілдің ажары" деген бар ғой.
Бұрынғының жолымен ән бастайын,- дей келе сахнаға номері 1 - ші сайысқа қатысушыны шақырамыз.

1 - жүргізуші: Қол соғып қошеметпен қарсы алыңыздар.
2 - жүргізуші: Өнерпаздар жарысып сан - саналы,
Жиын десе, той десе жан салады.
Бүгінгі «Ән мен әнші» сайысында,
Әуелеген әсем ән жолданады - сахнада 2 - ші номерлі талапкеріміз-------------------------- ортаға шақырамыз.
1 - жүргізуші: Ажары атқан таңдай ару жастың,
Қасы бар қанатындай қарлығаштың.
Жанары жан біткенді елтіп өскен,
Шапалақ өнеріне әнші жастың - дей келе 3 - ші номерлі әнші қызымыз------------------------------ қарсы алайық.
2 - жүргізуші: Сахнада 4 - ші номерлі әншіміз --------------------------- қарсы алайық.
1 - жүргізуші: Қыз сұлу көрінеді өрнегімен,
Тізілтіп сөз маржанын тергенімен.
Жезтаңдай, бұлбұл даусын әнге қосса,
Әнші сұлу көрінер әніменен - деп ақын ағаларымыз жырлағандай келесі талапкеріміз 5 - ші номерлі ---------------------------------------- ортаға шақырамыз.
2 - жүргізуші: Құлпырған еліміздің ұл – қызымыз,
Әзірге үлпілдеген құндызымыз.
Арасын жер мен көктің бағындырар,
Ертеңгі жарқыраған жұлдызымыз – дей отырып, келесі 6 - шы номерлі талапкерімізді -------------------------------------- ортаға шақырамыз. Қошемет.

1- жүргізуші: 7-ші номерлі әншілерді ортаға шақырамыз.
2 - жүргізуші: Музыка - ырғақ, нәзік әуен, асқақ үн.
Музыка - өзен, дала, аспан үн.
Ғұмыры жоқ ырғақтардан басқаның!
Кәне, әншілер, бас әуенге, қос әнге,
Шырқат биік тіршіліктің дастанын.- деп жеткізеді ақын апамыз Фариза Оңғарсынова музыка өнеріне деген махаббатын. Сонымен 8 - ші номерлі әншіміз ------------------------- қарсы алыңыздар.

1 - жүргізуші:: Біздерде ән кешіміз жалғасады,
Тамаша күй тартылып, ән салады.
Қошеметтеп, қол соғып отыралық,
Ұмытарсыз күні бойғы шаршағанды - дей келе ортаға келесі 9 - номерлі әншіміз ----------------------------------------------------- ортаға шақырамыз.
Қарсы алыңыздар.
2 - жүргізуші: Сөз кезегі қазыларда.
1 - жүргізуші: Шық аруым жарысқа,
Бір - бірінен қалыспа.
Өнеріңді байқасын,
Мына отырған халықта - демекші бүгінгі сайысымыздың 10 - номерлі әншісі ---------------------------- қарсы алайық. Қошемет.
2 - жүргізуші: Қазылар алқасы қорытындысын шығарғанша сахнаға Толқын мен Біржанды «Ана туралы жыр» әнімен қарсы алыңыздыр.
1 - жүргізуші: Кешімізді қорытындылау үшін сөз кезегін қазылар алқасына берсек.