"Мерекеңмен, анашым!" ертеңгілігі

                            «Мерекеңмен  анашым»

Мақсаты: Балаларға көктемнің алғашқы мейрамы 8-наурыз туралы түсінік беру. Балалардың бойындағы өнерлерін қысылмай көрсетіп,өздерін еркін ұстауға дағдыландыру,тілдерін дамыту. Аналарды сыйлауға,құрметтеуге тәрбиелеу.

Жүргізуші:

Армысыздар,әжелер,ардақты да аяулы аналар,ұстаздар,сүйкімді қыздар! Сіздерді 8-наурыз  аналар  мерекесімен құттықтаймыз.

«Ақбота» тобының «Мерекеңмен анашым» атты ертеңгілігіне  қош келдіңіздер.

Балалар бүгін бізде аналардың,әжелердің,сүйкімді қыздарымыздың мерекесі.

Балалар бүгін барлықтарың сондай әдемісіңдер.

Жүргізуші:

                Құрметті аналар балалардың сіздерге арнаған әсем әнің қабыл алыңыздар.

Ән: «Мамамның мерекесі»

Жүргізуші: Құрметті аналар балалардың сіздерге арнаған жылы лебіздерін қабыл алыңыздар.

Әділ: Әлпештеген аялаған,

            Ақ сүт берген апатайым

            Сәлем жазып бүгін саған

            Мейрамыңмен құттықтаймын

Аяжан: Анам менің «айым» дейді

             Мен мұнайсам «уайым»жейді

             Анам менің «күнім» дейді

            Мен қуансам күлімдейді

Әлем: Мен ұйықтағанда айтады,

             Ертегісін,әндерін

           Біздің үйде осындай,

           Әжетайым бар менің

Тамара: Мені жақсы көреді,

               Күндей күліп келеді

              Көп ертегі біледі,

             Маған айтып береді

Ерасыл: Менің мамам әдемі

                Бәріненде жақсы адам

Жүргізуші: Балалар бүгінгі біздің аналар мерекесіне әр қашан көңілді жүретін сайқымазақ досымды қонаққа шақырдым.

Онда шапалақ соғып қонағымызды қарсы алайық.

Музыка ойнап ортаға сайқымазақ келеді.

Сайқымазақ: Сәлеметсіңдер ме балалар?Бүгін сендер қандай әдемісіңдер.Сендерге қарап қызығып тұрмын.

Жүргізуші: Сәлеметсің бе сайқымазақ,бүгінгі біздің аналарға арнаған мерекемізге қош келдің.

Жүргізуші: Сайқымазақ сен білесің бе? Бүгінгі біздің аналарға арнаған мерекемізге әдемі қуыршақтар  қонаққа келіп қалыпты.Біздің топтың қыздары қуыршақтармен би билеиді.Сайқымазақ сен би билеу білесің бе?

Сайқымазақ: Әрине,білемің  қалай билейтінімді билеп көрсетейін бе?

Жүргізуші: Тоқтай тұр сайқымазақ,сен біздің қыздармен,қуыршақтармен би билеп өзіңнің қалай билейтініңді көрсет. Құрметті аналар сүйкімдіде,өнерлі қыздарымыздың  сіздерге  арнаған биін қабыл алыңыздар.

Би: «Қуыршақтар»

Жүргізуші: Сайқымазақ біздің қыздар биді қалай билейді екен.

Сайқымазақ:Қыздар биді тамаша билейді екен

Жүргізуші: Сайқымазақ білесің бе ?

Біздің алаңқайға гүлдер өсіпті.Өсы гүлдерді балалармен бірге жинап,аналарымызға сыйлайық.

Сайқымазақ :Әрине,мен гүл жинағанды жақсы көрем.

Ойын: «Гүл жинау»

Жүргізуші: Сайқымазақ біздің балалар аналарға арнаған жылы ілебіздерін арнаймыз дейді.

Сайқымазақ: Мен де арнайыншы?

Жүргізуші:Сайқымазақ балалардың жылы лебізіңе сенде қосылып бірге сыйла. Құрметті аналар балаларыңыздың сіздерге арнаған жылы лебіздерің қабыл алыңыздар.

Тоғжан: Ана біздің күніміз

                 Ананың біз гүліміз

               Балаларды қуантып

               Ұзақ өмір сүріңіз.

Бекарыс: Еркелесем күлімдейтін,

                Ұрысқаны білінбейтін

                Маңдайымнан иіскеп менің

               Құлыншағым күнім дейтін

Қарақат: Мен анамды сүйемін

                 Құшағына енемін.

                 Мәпелеген анамды,

                Тек қуантсам деп келемін.

Санжар: Анашым анам

          Ризамын саған

          Тіліңді алам

          Ақылды болам

София: Маму я обниму,

            Крепко поцелую.

Жүргізуші: Сайқымазақ ал сен ән айта аласың ба?

Сайқымазақ: Мен әншімін ғой,мен сияқты еш кім ән айта алмайды.

Жүргізуші:Ой,сайқымазақ мақтаншақсың ғой.

 Балалардың  мерекеге арнаған әнін қабыл алыңыздар.

Ән: «Кел,балақан»

Жүргізуші: Сайқымазақ сен сәндену білесің бе?

Сайқымазақ: Мен күшті сәндене аламын ғой.

Жүргізуші: Сайқымазақ сенің сәнденгенің жақсы бірақ біздің қыздар сияқты сәндене алмайсың.Кәзір біздің қыздар қалай сәндеу керек екенің көрсетеді.

Сайқымазақ біздің қыздармен ойын ойнаймыз.

Ойын: «Қуыршақты   сәндейміз»

Жүргізуші: Сайқымазақ аналарға жылы лебіздерін сыйлауға ортаға балаларды шақырайық.Балалардың сіздерге арнаған жылы лебізің қабыл алыңыздар.

Алихан: Анамызды жайнатқан,

              Өзіңіз ғой аналар

             Зор денсаулық,мол бақыт

              Тілейміз біз балалар.

Егор: Мама,мамочка моя,

            Я тебя люблю.

Айя:  Ақтаймын анашым,

          Ақылы мол данасың.

          Қамқорысың сәбидің

         Гүлі сен әр үйдің.

Азиза:Қуанамыз сыйлаймыз.

           Қуаныштың мың гүлін.

           Аналарды құттықтап,

          Жырдан шашу арнаймыз.

Жүргізуші: Сайқымазақ сен қай мезгіл келгенің білесің бе?

Сайқымазақ: Әрине білем көктем.

Жүргізуші: Сайқымазақ көктемде аюлар қонжығымен ұйқыдан оянады ғой.Бүгін бізге қонаққа қонжықтар келіпті.Аналар балалардың мерекеге арнаған биін қабыл алыңыздар.

Би: «Аюлар»

Жүргізуші: Біздің топтың қыздары сендерді бүгінгі мерекелеріңмен құттықтаймыз. Ұлдар бүгінгі мерекеге сендерге өздері жасаған әдемі гүлдерін сыйлайды,қабыл алыңдар.(ұлдар қыздарға сыйлықтарын сыйлайды)

Жүргізуші:Сегізінші наурызға

Құттықтаймыз ананы

Теңеп оны жұлдызға

Сый тартамыз бағалы-қымбатты әжелер мен аналар балаларыңыздың сыйлығын қабыл алыңыздар.

Жүргізуші: О, аналар осындайсың бәрің де,

                  Осындайсың жасындағы кәрің де

                 Сыйынатын болса өмірге құдірет

                Сыйынар ем ана деген тәңірге- дей отырып бүгінгі «Мерекеңмен анашым» ертеңгілігімізді аяқтаймыз. Құрметті аналар! Сіздерді мерекелеріңізбен құттықтаймыз. Келіп тамашалағандарыңызға  көп рахмет!