Мениң елим Қазақстан

Яркәнт шәһири Жамбыл намидики оттура мәктивиниң башланғуч синип муәллими

Хайруллаева Гулмира Асметолла қизи

Тәрбийә саат мавзуси:Гүллән, яшна-Вәтиним Қазақстан

Тәрбийә саат мәхсити:1986-ж 16-декабрь Алмута шәһиридә йүз бәргән вақиәләр тоғрисида чүшүнүк бериш.

ә) Қазақстан шәһәрлири, пайдилиқ қезилмилири, пайтәхтиси һәққидә ейтиш.

Б ) Оқуғучиларда вәтәнпәрвәрлик, достлуқ һис туйғусини тәрәққий әттүрүш. Уларни Вәтәнни қоғдашни, һимайә қилишқа патриотлуқ тәрбийә бериш.

Дәрисниң берилиши:

Тәрбийә саат гимн билән ечилиду.

Елип барғучи- 1986-ж 16- декабрь Декабрь вақиәсидә Қазақстанлиқлар тарихида алаһидә диққәткә сазавәр десәк орунлуқ десәк орунлуқ болса керәк. Узақ жиллар мабайнида Қазақстанни башқуруп, хәлиқниң қәлбидин чоңқур орун алған һәм вәтәнпәрвәрлиги билән Д.Қонаев иштин бошитилип, Колбин әвәтилди. Коммунистик партиягә чәксиз ишинип яшашқа үгитилгән хәлиқ Кремльниң бу қетимки сәяситигә чидалмиди. Хәлиқләр өз тәғдирини, һоқуқини өзи һәл қилиш мәсилидә бәйрақ қилип көтәргән яшлар мәйданға чиқти.

Миңлиған яшларни зорлуқ, зомбулуқ билән уруп, дәпсәндә қилип хорлиди.Қаттиқ соғда кийимлирини йәштүрүп, ялаңашландурған.

Нурғун яшларни әшъәдий түрдә қийнап, соал-сораққа алған, түрмиләргә ташлиған. Сәясий тәләп билән намаишқа чиққан. Яшларға һәр хил қалпақлар кийгүзүлиду. Декабрь вақиәси бүгүнки күндә һәр бир Қазақстанлиқниң қәлбидә.

1-оқуғучи-1986-ж 16-декабрь күни яшлар, студентлар чоң мәйданға жиғилип, Қазақстанниң мустәқил дөләт болушини тәләп қилди. Арида

тоқунуш башланди.Көплигән яшлар яридар болди, қан төкүлди.Айримлири түрмиләргә ташланди.Ахири уларниң тәливи ижавәт болди. 1991-ж Қазақстан Жумһурийити мустәқиллик алди. Барлиқ Қазақстанда яшаватқан барлиқ милләтләр үчүн ана тилида оқушқа, мәдәнийитини, тарихини урпи-адитини сақлап қилиш вә риважландурушқа мүмкүнчиликләр яритилған.

Мана мошу декабрь декабрь вақиәсигә сәвәпчи болған, өзиниң женини қурван қилған қәһриманлиримизниң бири – Л.Асанова, Е.Сыпатаев

1-оқуғучи Л.Асанова тәржимә һали.

2-оқуғучи Е.Сыпатаев тәржимә һали.

3-оқуғучи шеир- «Мустәқиллик»,»Ана вәтән»

4 -оқуғучи Бир нәччә балилар «Декабрь вақиәсидин көрүнүш «

Вәтән,вәтән!-дегән сөзни миң тәкрарлап язсамму мән, ажиз келәр тилим аңа .

Чүнки Вәтән, сән әмәсму мәңгү панам !

Пүтмәс бәхит, түгимәс һаят бәргән маңа.

-Биз Қазақстанлиқлар үчүн 20-әсир ахири тарихи муһим вақиә билән нишанланди.

Дуния хәритисидә көп милләтлик мустәқил дөләт Қазақстан Жумһурийити пәйда болди.

1991-ж Қазақстан өз мустәқиллигини алғандин кейин дөләт рәмзлири пәйда болди.

1992-ж 4- майда Президент Қазақстан Жумһурийитиниң дөләт байриғи, дөләт герби, дөләт Гимниниң музыкилиқ редакцияси тоғрилиқ «Қазақстан Жумһурийитиниң қанунлири имзалиди.

1.оқуғучи- Герб тоғрилиқ чүшүнүк.

2-оқуғучи- Гимн тоғрилиқ чүшүнүк.

3-оқуғучи- Туғ тоғрилиқ чүшүнүк.

4-оқуғучи-шеир « Көк байрақ»

Хор ейтилиду. «Отаным Қазақстан»

5-оқуғучи Қазақстан – мустәқил дөләт у өзиниң мустәқиллигини алғандин кейин техиму тәрәққий етишкә башлиди. Қазақстанниң йәр асти байлиғи мол.

6-оқуғучи Қазақстан ашлиққиму малғиму бай. Униң кәң далалирида алтун ашлиқ өстүрүлиду. Миңлиған баш мал беқилиду.

7- оқуғучи Қазақстан, Қирғистан,Росия, Өзбәкстан Хитай билән чегаридаш. Улар билән алақимиз яхши. Йериниң кәң таша болушиға бағлиқ Қазақстанниң тәбийитиму һәр түрлүк.

Жәнуптики мәйданни чөлләр, тағлар егиләйду.Өлкимизниң йери 2,7 миң квадрат километр

8- оқуғучи – Қазақстан-Шималдин Жәнупқа қарап 1600 км- ға созулған. Шималдики Қызылжар әтрапида йәр ақ йотқанға пүркүнүп , қар борини узун турғанда Жәнупта Алмутида өрүк гүлләп, йәр йешиллиққа бөлиниду.

9- оқуғучи Қазақстанниң йери пайдилиқ қезилмиларға бай. Метал канлири, көмүр, нефть, газ, йәр оғутлири.Жәнубида – гүрүч, көмүқонақ, қәнт қизилчи, үзүм, буғдай, арпа, сулу өстирилиду.

Бир нәччә бала шеир ейтилиду. «Қазақстан»,» Қазақ ели»,» Диярим»,»Отаным»

Нахша «Кәң дала»

Алмута һәққидә чүшүнүк:

10-оқуғучи- Алмута достлуқ шәһәр. Бу шәһәрдә 1 млн.-дин ошуқ хәлиқ йүздин ошуқ милләт вәкиллири яшайду.Алмута қедимийда верный дәп атилатти.Униң өйлири пака, кочилири топа чаң,, тар болидиған.

Һазирқи Алмута гүлләнгән, егиз имарәтләр қәд көтәргән , кочилири түз вә кәң. Кочилири бүк-барақсан бағ, гүлханлар. Егиз Алитағниң етигигә селинған бу шәһәрдә көплигән мәдәний мирасгаһлар , театрлар, институтлар, мәктәпләр, дохтурханилар бар.

11-оқуғучи- Астана тоғрисида чүшүнүк.

Астана- елимизниң баш шәһири. У 1998-ж 6-майда Астана дәп нам берилди. У дәсләп Ақмолла кейин Целинаград 1992-ж қайтидин Ақмолла, 1998-ж 6- майдин тартип Астана дәп аталди.Бу гөзәл шәһәр Есил дәриясиниң оң тәрипигә жайлашқан. Астана елимизниң мәркизидә магистраль йоллириниң қийлишидиған йеридә орунлашқан.

12- оқуғучи- Бу йәрдә 80-дин ошуқ милләт вәкиллири яшайду. Улар қазақ, рус, украин, немис, корей, таджик, өзбәк,хитай,уйғурлар бар.Шәһәрдә санаәт карханилири тәрәққий әткән. Көплигән умумий мәхсус билим беридиған оқуш орунлири бар. Йеңи пайтәхт елимизниң әң гөзәл шәһәрлириниң бири.

Шеир-Вәтән һәққидә :

Ейтқин қол сән немә үчүн яралдиң ?

-Вәтинимни қоғдаш үчүн яралдим.

Ейт қизил тил хизмитиңни ейт қени?

-Вәтимниң қиммтини ейтқили.

Сәнчу көзләр сән немигә ярайсән?

-Вәтинимниң гөзәллигин қараймән.

Сән немигә яралғансән сән жүрәк?

-Шу вәтәнни сөйүш үчүн мән керәк.

Нахша-«Вәтән дегән немә у»

Мақал ейтиш.

Әлгә кирсәң елиңчә, йәргә кирсәң белиңчә.

Жут қоғдисаң өсәрсән, қоғдимисаң өчәрсән.

Ана вәтиниңгә муһәббәт бағла.

Ана жутуңдин өлсән айрилма. Булбул чимәнни сөйәр, адәм вәтәнни.

Ана жутуң аман болса, рәңги ройуң саман болмас.

Әлгә қошулсаң, әр болисән, әлдин айрилсаңйәр болисән.

Башқа жутқа бармиғичә өз жутуңниң қәдрини билмәс.

Әлдә аброюң болса, чөлдә жүкүң қалмас.

Әнди концертлиқ программимизни һавалә қилимиз.

Уссул -«Қарғаләй»

Нахша-« Гүлдәстә»

Уссул –Қизлар топи

Нахша-Биз бәхитлик балилар

Әнди мошуниң билән «Гүллән, яшна Вәтиним Қазақстан тәрбийә саатитмиз тамам болди.Һәммиңларни мустәқиллик мәйрими билән тәбрикләймиз.