Оқушыларға 8-наурыз мерекесі туралы түсінік беру және жанұядағы ана мен бала арасындағы қарым-қатынасты нығайту. Анаға деген бала махаббатын ояту.
Балаларды анаға деген сүйіспеншілікке баулу, ана еңбегін ардақтап мейірімділікке, сый-құрметке, адамгершілікке тәрбиелеу.
Оқушыларға ұлтқа тән жақсы қасиеттерді білуге, үйренуге және олардың логикалық ой өрісін, тіл байлығын, сөздік қорын, ойлау қабілеттерін, бала бойындағы өнері мен дарындылығын дамыту.
Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Просмотр содержимого документа
«Күннің шуағы жылы, Ананың құшағы жылы.»
«Аналар – асыл жандар»
Мақсаты:
Оқушыларға 8-наурыз мерекесі туралы түсінік беру және жанұядағы ана мен бала арасындағы қарым-қатынасты нығайту. Анаға деген бала махаббатын ояту.
Балаларды анаға деген сүйіспеншілікке баулу, ана еңбегін ардақтап мейірімділікке, сый-құрметке, адамгершілікке тәрбиелеу.
Оқушыларға ұлтқа тән жақсы қасиеттерді білуге, үйренуге және олардың логикалық ой өрісін, тіл байлығын, сөздік қорын, ойлау қабілеттерін, бала бойындағы өнері мен дарындылығын дамыту.
Көрнекілігі: шарлармен, гүлдермен безендіріледі, үнтаспа пайдаланылады.
Жүргізуші: Адам бойындағы барлық жақсы қасиет күннің нұрынан, ананың сүтінен таралған. Сондықтан құрметті асыл аналар, қадірлі апайлар, қыздар бүгінгі көктемгі күндей жарқырап, гүлдей құлпырған гүл мерекелеріңіз, күн мерекелеріңіз құтты болсын! «Аналар – асыл жандар» атты мерекелік іс-шараны сіздердің құрметтеріңізге арнаймыз.
Той пердесін ашайық,
Тойға шашу шашайық.
Аналарды құрметтеп,
Ән маржанын шашайық.
Ән: «Ақ мамам» Орындайтын: Мурзабаева Дильназ
1 «Ә» сынып оқушыларының орындауында монтаж.
Жүргізуші: Ана десем сезім билер тым ыстық,
Жарасымды адамдарға туыстық.
Бар адамға берсе ананың мейірін,
Орнар еді бұл әлемде тыныштық.
Би флешмоб. Орындайтын ұлдар
Тақпақтар.
Жүргізуші: Ана дегеніміз – әлемнің жан дүниесі. Ол тіршілік, үлкен тағдыр.
«Ана» сөзі бізді елең еткізбей, жылылық пен шуақты сездірмей қоймайды.
Ән: «Анашым» Орындайтын: Қыздар
Жүргізуші: Ана баласының ғана қамқоршысы емес, ол адамзат атаулының амандығын тілеп, сол үшін қажырлы күреске шығады. Сондықтан да дүниежүзінің ойшыл жандары аналар мерекесі күні етіп белгіледі. Ол күн жыл сайын үлкен мереке ретінде аталып өтіледі.
Монолог «Ана сен бақыттысың» Орындайтын: Ермағамбетов Серікжан
Жүргізуші: Баласы үшін анашым Күндері аз ғой көз ілген Ардақты ана қарызбын өзіңе Жүрегіңнен күн мейірімі төгілген- дей отырып аналарды ойынға шақырғым келеді. Ойын: «Кім көп сөз біледі?». Ортаға 2 ана шығады. Оларға қарама - қарсы балалары тұрады. Анасына жету үшін баласы әр қадам басқан сайын жылылық сөздер айтуы керек. Мысалы, айым, күнім, жұлдызым, алтыным, күмісім,…,…, Көп сөз айтқан бала жеңіске жетеді.
Жүргізуші: Ананың әрбір сөзі жылылыққа толы. Ананың көз нұры, мейірімі тастай мұзды да жібітеді. Сүйікті аналар, сіздерге деген балаларымыздың жылы лебіздерін қабыл алыңыздар. Зонтик биі. Орындайтын қыздар.
Жүргізуші
Әр сөзіңді жаттаған, Жүрегіңде сақтаған. Анашым деп мақтанам. Айналайын ақ мамам - дей отырып «аяулы анашым» әнін қабыл алыңыздар.
Жүргізуші: Теңіздей тербетіліп көл бетінде, Бишілер билеп кетті тербетіле. Аққудай қалықтаған теңіздегі, Бишілер өнерлерін көрсетуде, - дей отырып келесі кезекті Мурзабаева Дильназдың «Қуыршақ» биіне береміз. Мұғалім: Біздің аналарымыз бәрін өз қамқорлығына алады, олар барлық шаруаны бітіреді, сонымен қатар олар біздің әр ойымызды айтқызбай табады, бар сырымыз оларға әрқашан да белгілі. Олай болса, аяулы аналарымызды бір сынап көрелік. Ойын: «Аялы алақан» Аналардың көзін байлап, оқушылардың ішінен өз балаларының тапқызу.
Жүргізуші: Сіздерден өскен балалар Батырлар мен даналар. Құттықтаймыз мейраммен, Құрметті абзал аналар – дей отырып «Қайда, қайда» әнін қабыл алыңыздар.
Жүргізуші: Аяулысың, аналарым,асылдарым, Жайнасын көңілдердің жасыл бағы. Сіздер үшін ән менен күй, өлең мен би, Сіздер үшін мереке шашулары,- дей келе алдарыңызда «үнді биін» қарсы алыңыздар.
Жүргізуші: Көңілің Алатаудың ақ қарындай, Мейірімің күннің шуақ шақтарындай. Қалайша аяулы ана тына алармын, Ән болып сағыныштан ақтарылмай,- деп абзал аналарымыздың құрметіне «Құттықтаймын мама, туған күніңмен» әні.
Барлық оқушылар залда отырған аналарына өздері даярлаған сыйлықтарын ұсынады.
Қорытынды: Құрметті Әжелер мен аналар! Сіздерді көктемнің шуақты күнімен бірге келген төл мерекелеріңізбен шын жүректен құттықтаймыз! Дүниеде ананың ыстық алақанынан артық еш нәрсе жоқ. Өмірге бізді келтіріп, Жарық дүние сыйлаған. Жамандыққа баласын. Ешқашан да қимаған. Көрмесін қайғы балалар, Аман болсын аналар!- дей келе бүгінгі «Аналар-асыл жандар» атты мерекелік іс-шарамыз аяқталды. Келгендеріңізге көп рахмет.
