Ана – ?мір тірегі

Сабақтың тақырыбы: Ана – өмір тірегі.

Мақсаты: Балалардың аналарына, бар адамзат анасына

сүйіспеншілігін ояту. Ананың еңбегін ақтауға,

ардақтауға, құрметтей білуге тәрбиелеу.

Көрнекіліктер: Ертеңгіліктің тақырыбы жазылған плакат, суреттер, гүл суреттері.

Сабақтың барысы:

1. (музыка ойналып тұрады).

Мұғалім: - Құрметті аналар, әжелер сіздерді әйел жанымен байланысты тамаша көктем мерекесі – 8 наурызбен шын жүректен құттықтаймын! Алғашқы көктем мерекесі Жер бетіне өмір сыйлаушы нәзік ақылды, сымбатты, мейірімді жандарға арналғаны қандай тамаша мереке! Әлемдегі ең асыл жан –ол – Ана десек, жүрегімізде сүйікті жанға деген махаббат сезімі оянады. Ана бұл аяулы да мейірімді жан. Бала тілі шыққаннан –ақ бірінші сөзін ана деп айтады. Өмірдің есігін ашқаннан соң осы өмірдегі өзіңнің жан анаңды көресің. Осы бір «Ана» деген үш әріптің аясында адамзат баласын қуаныш сыйлар қаншалықты қасиет бар десеңші! Ару – ана, Ару – асыл жар, Ару –көңілдің гүлі, Ана- өмірдің тірегі деп айта берсең сөз жетпейді. Олай болса 2 «Д» класының дайындаған «Ана – өмір тірегі» атты тәрбие сағатымызға қош келдіңіздер!

1-оқушы: Күннің қарды ерітіп, анамызға, әжемізге тіпті бүкіл адамзатқа күлімдейді. Міне сол кезде аналар күні тойланады. Мейрамдарыңызбен қымбатты аналар, 8наурыз мейрамы құтты болсын.

2-оқушы: Бала, бала, бала деп

Түнде шошып оянған,

Түн ұйқысын төрт бөліп,

Түнде бесік таянған

Қолын қатты тигізбей

Кір көйлек кигізбей,

Иісін жұпар аңқытқан,

Бұл кім?

Хормен: Ана!

3-оқушы: Ана, ана, ана! (деп) Не деген мейірлі, не деген шапағатты сөз еді. Осынау үш әріптен құралған қасиетті сөздің түп төркінінде қаншама ұлы сезім жатыр. Олай болса бүгінгі тәрбие сағатымыздың тақырыбы да «Ана – өмір тірегі» деп аталмақ.

4-оқушы: Бүгін наурыздың сегізі,

Сұлулықтың негізі.

Әдемі сөз – адамның,

Анаға айтар лебізі.

5-оқушы: 8- наурыз келді

Шаттық сезім ап келді

Қуанышпен күнде енді

Құттықтаймыз сіздерді.

6-оқушы: Анасыз бір күнің жоқ

Әжесіз бір күнің жоқ

Ұсынамыз бүгін біз

Сөздің сұлу шоқ гүлін.

7-оқушы: Баланың да тірегі

Дананың да тірегі

Шаншымасын ешқашан

Аналардың жүрегі.

8-оқушы:

9-оқушы: бірге: Сізден өскен балалар,

Батырлар мен даналар

Құттықтаймыз мейрамыңмен,

Құрметті біздің аналар.

(сыйлық беріледі)

Ән: Құттықтаймын ана, туған күніңмен!

10-оқушы: Айналайын анашым

Жұмысыңа барасың

Қайтып мені көргенше

Шын сағынып қаласың.

11- оқушы: Ерлік еткен біз үшін

Еңбек еткен біз үшін

Еркелеткен біздерді

Еркіндеткен біздерді

Анамызға мың алғыс!

12-оқушы: Әже туралы

Мұғалім: - Барша әжелерге арналған көрініс:

«Әже мен немере»

Немере: Әже, әже айтшы, не іздеп жүрсіз? Бір нәрсе жоғалтып соны іздеп жүрсізбе?

Әже: - Иә, балам жастық шағымды жоғалтып, соны іздеп жүрмін.

Немере: Жоғалтқаныңыз алдыңызда тұр ғой, әже.

Әже: О, жаным...... менің жастық шағым сен екенсің ғой!

13-оқушы: Достықты біз ойлаймыз

Бірге күліп ойнаймыз

Қыздардыда құттықтап

Мерекесін тойлаймыз.

14-оқушы: Әлемге тыныштық тілеген

Жан ана жанына гүл егем

Балалық жүректен айтылған

Махаббат белгісі бұл өлең.

Ән: Орындайтын Өмірзақ Асыл. «Бақытты балалық шақ».

15-оқушы: Болар күнде алаң,

Жанашыр кім саған?

Бәрі: Анам.

Болсаң егер жаман

Кейитін кім саған? (бәрі: Анам.)

Таң қалғандай ғалам,

Кім ең сұлу адам? (бәрі: Анам.)

Боташым дер саған?

Кім сүйікті адам? (Бәрі: Анам.)

Қыздардың орындауында қазақ биі:

16-оқушы: Ана дейміз бәріміз де аңқылдап,

Ана дейді жас сәби де жарқылдап.

Ана дейді бәйтерегі өмірдің,

Ана деген алтын қазық, алтын бақ.

17-оқушы: Ана деген асыл жандар болаттай

Ана деген мөлдір жандар бұлақтай

О, адамдар қадірлей біл ананы

Жат қылыққа ақыл ойды жаттатпай.

Ойын : «Жалғасын тап»

Мақал- мәтел айтылады:

1. Анасы: Ананың сүті – бал,

Баланың тілі – бал.

1. Ана: Қыз өссе – елдің көркі,

Гүл өссе – жердің көркі.

1. Ана: Күннің шуағы – жылы,

Ананың құшағы – жылы.

1. Ана: Ағайынның алтын сарайынан,

Анамның жыртық лашығы артық.

1. Ана: Ананың көңілі балада.....

Баланың көңілі далада.

18-оқушы: Ана десем шешек атып жанары,

Өмірімнің бастау алар жақсы әні.

Ана деген тіршілікте пана боп,

Әрбір үйде жұлдыз болып жанады.

19-оқушы: Дүниенің ең қымбаты ана екен,

Ананың ең тәттісі бала екен.

Түн ұйқысын төрт бөліп тәрбиелеген,

Ананың орны бөлек дара екен.

20- оқушы: Мамаларды сүйеміз

Сөзін ойға түйеміз.

Әжені де ардақтап

Әдеппен бас иеміз.

Көрініс: Не тәтті?

Мұғалім: Біздің аналарымыз өз қамқорлығына алады, Олар барлық шаруаны бітіреді, сонымен қатар барлық біздің ойымызды айтқызбай табады, бар сырымыз оларға әрқашан белгілі. Олай болса аяулы анамызды сынап көрейік.

Ойын: «Аялы алақан».

Аналардың көзін байлап, оқушылар ішінен өз балаларын тапқызу.

21-оқушы: Бізді өсіріп баптаған,

Жақсы болсаң, шаттанған.

Алтыным деп мақтанған,

Айналайын ақ мамам.

22-оқушы: Класс қыздары сүйкімді,

Өздері нәзік әдемі.

Құрметіне кешінің,

Айтамыз біз өлеңді. (сыйлықтарын беру керек).

Ән: Біз жас өмірдің түлегіміз.

Үнді биі: Орындайтын: Аманғалиева Ақбота

23-оқушы: Әлпештеген аялаған,

Ақ сүт берген апатайым.

Сәлем жазып бүгін саған

Мейрамыңмен құттықтаймын.

24- оқушы: Бәрі жақсы баланың,

Бәрі де оның керек ау.

Бірақ әрбір баланың

Өз анасы бөлек ау.

25-оқушы: Ана біздің күніміз

Ананың біз гүліміз.

Ұландарды қуантып

Ұзақ өмір сүріңіз.

Би: Флэш-моб . Ұлдар.

Мұғалім: Аналар, қалқып бақыт аралында,

Лайым мұң қонбасын жанарыңа.

Осымен ертеңгілігімізді аяқтайық,

Гүл бітсін бәріңіздің қадамыңа - дей отырып бүгінгі

«Ана – өмір тірегі» атты тәрбие сағатымызды жабық деп жариялаймыз. Мейрамдарыңыз құтты болсын. Сау саламатта болыңыздар.