Мақсаты:
1. Жас ұрпаққа қоршаған ортадағы түрлі құбылыстарды және күз кереметтілігін нақты айқындап ашуға, табиғатты сүюге,сақтауға үйрету.
2. Оқушылардың әртістік қабілетін, өзгешеліктерін дамыту, инабатты, иманды, мәдениетті, жеке тұлғаны қалыптастыру.
3. Ұқыптылыққа, шымыр да шапшаң ой жүйріктілігіне, талғампаздыққа, таза әдемі болуға тәрбиелеу.
Көрнекіліктер: Сахнада күз көріністері, күздік дастархан мәзірі, нақыл сөздер, шарлар.
Барысы:
Конец формы
Начало формы
Конец формы
Мұғалім: Құрметті қонақтар! Бүгінгі 1 «А» класс балалары дайындаған «Алтын күз» атты ертеңгілігіне қош келдіңіздер!
Армысыздар халайық,
Бармысыздар халайық
Күзгі тойды жұп жазбай,
Келіңдер қарсы алайық.
Ақбаян: Ән салыңдар күліңдер
Жайнап гүлдей жүріңдер.
Күздің тойын тойлайық
Би билейік, ойнайық
Тұржан: Кун суытып
Жапырақтар түседі.
Астық - жеміс жиылды.
Қамбамызға құйылды.
Жанар: Қуандырып біздерді
Кел жемісті алтын күз,
Өлкемізге күз келді
Кемелденсін халқымыз.
Ән: хор «Алтын күз»
Інжу: Жемісі мол теретін
Күз дос екен бізбенен
Бәрін тауып беретін
Жомарт екен күз деген.
Оразғали: Ақтарады мырза күз
Уылжыған жемісті
Күзге бізде ризамыз
Аянбаған ел үшін.
Би: Қолшатыр биі:
Мұғалім: Біздің балалардың жемістер туралы тақпақтар бар екен.
Ерасыл: Апорт деген алма бар
Жер жаратын атағы,
Ондай алма қайда бар.
Алматы оның Отаны.
Назым: Мен өріктен ірімін,
Алма, алмұртқа інімін
Тәттілердің бірімін,
Дастарханның гүлімін,
Сусыныңды қандырар
Салқын саумал шырынмын.
Кәусар: Мен моншақты шиемін
Құмарсыңдар білемін,
Кетіп қалып жүрмесін
Тамағыңа сүйегім.
Бексұлтан: Тіл үйірген алмұртпын
Таңсығымын бар жұрттың
Жақсы өсіре алмайды.
Қараса егер салғырт кім.
Музыка әуенімен класқа «Алтын күз» кіреді.
Алтын түске боялды,
Тау мен қырқа дала, түз.
Келдім міне ортаңа,
Менің атым Алтын күз.
Мұғалім: Қош келдің Алтын күз! Төрлет
Алтын күз: Сәлеметсіздер ме балалар, иә, мен Алтын күзбін. Қараңдаршы, айналаның бәрін алтын түске бояп та қойдым.
Менің жемістерім, көкөністерім, дән - дақылдарым мұнда жүр ғой.
Хор: Сары алтындай - алтын күз.
Мұғалім: Алтын күз сізді неге жомарт күз деп атайды.
Алтын күз: Иә мен жомартпын.
Мереке басы ән болар,
Береке басы дән болар.
Көктемде еккен мол астықты жинап қамбаға толтырдым.
Мұғалім: Ендігі кезекте балалар дақылдар туралы тақпақтарын айтады.
Жаннұр: Қамба толды астыққа
Алғыс саған алтын күз.
Бір уыс дән шаштық та,
Қап - қап қауын алдық біз.
Айнұр: Нан анасы - бидаймын,
Нанды елге сыйлаймыз.
Піскенімде мен қырда
Қауызыма сыймаймын.
Майра : Қызыл мұратты арпамын,
Ырыс құтты арпамын.
Машинаға мініп ап,
Малды ауылға тартамын.
Ойын: «Жапырақтар жинау» сұрақ-жауап
Мұғалім: Күз мезгілінде құстар туған жерін қимай, жылы жаққа қайта бастайды.
Балалар құстар туралы тақпақтарын айтады.
Ерболат: Қатерлі қыс өткенде,
Қайтып келіп көктемде.
Күнде думан құрармыз.
Күн шуағын төккенде.
Бегали: Мен торғаймын, торғаймын
Суықтан да тоңбаймын,
Құрт - құмырсқа жәндіктен.
Бау - бақшаны қорғаймын.
Әділжан: Туған жерден кетерде,
Қоңыр әнге салармыз.
Қош болыңдар бәріңде,
Қимай кетіп барамыз.
Ералы: Құстар қайтты ән салып,
Бұлт шарлады аспанды,
Қыс келеді жар салып
Күзгі суық басталды.
Ән: хор «Күзгі вальс»
Мұғалім: Құрметті қонақтар, бүгінгі 1 «А» класс балаларының күз мерекесіне арналған ертеңгілігі аяқталды.
Хош сау болыңыздар!
