Кім мықты? тәрбие сағаты

№ 5 мектеп-лицей

Кім мықт?

Орындаған: Нұрымбетова Н.О

2022-2023 оқу жылы

Тақырыбы: Кім мықты?

Мақсаты: Оқушыларды үлкенді сыйлап тыңдай білуге, халқының салт – дәстүрінен нәр алуға, инабаттылық пен мейірімділікке тәрбиелеу.

Көрнекілігі: Нақыл сөздер, шарлар, гүлдер, газеттер

Өткізілетін орны: Мектептің акт залы

1-жүргізуші: «Кім мықты?» атты мерекелік интеллектуалды сайысымызды ашық деп жариялаймыз.

Мерекелік шарамызды бастамас бұрын құттықтау сөз кезегін мектебіміздің директоры Абенова Қарлығаш апайға береміз.

2-жүргізуші: Сайысымызды бастамас бұрын қатысушыларымыз өздерін таныстырып өтсе.

Аға буын өкілдері:

Жастар:

1-жүргізуші: Бүгінгі сайысымыз 4 кезеңнен тұрады.

1.Сұрақ-жауап
2.Көрейік, тыңдайық
3. Рас пен жалған
4. Бұл не?

2-жүргізуші: Сайысымыздың бірінші кезеңі «Сұрақ-жауап». Әр топқа 5 сұрақтан қойылады. Әр дұрыс жауап 10 ұпай. Қарсы топтың сұрағына жауап берсе 5 ұпай беріледі.

1-жүргізуші: Ендеше бірінші сұрақ аға буын өкілдеріне.

1. «Бан» деген не ?

Жауап: Тыйым салу, болдырмау

2-жүргізуші: Жастарға бірінші сұрақ

1. «Салма» деген не?

Жауап: Кеспе қамырынан жаңғақ тәрізді түйіршіктер жасап, оларды бас бармақпен жабыстырып қайнататын татар тағамы.

1-жүргізуші: Аға буын өкілдеріне екінші сұрақ

2. «Гаджет» деген не?

Жауап: сотка, планшет, смартфон т.б.

2-жүргізуші: Жастарға 2 сұрақ

2. «Магнитофон» деген не?

Жауап: музыкалық құрылғы, касетаның көмегімен музыка ойнатылады.

1-жүргізуші: Аға буын өкілдеріне үшінші сұрақ

3. «Батл» деген не?

Жауап: би жарысы, қазіргі заманның айтысы.

2-жүргізуші: Жастарға 3 сұрақ

3. «Үме» дегеніміз не?

Жауап: Көмекке келген туған-туыс, дос-жаранға берілетін ас.

1-жүргізуші: Аға буын өкілдеріне 4 сұрақ

4. «Хэндмейд» деген не?

Жауап: Адамның өз қолымен жасаған туындысы.

2-жүргізуші: Жастарға 4 сұрақ

4. «Күшала» деген не?

Жауап: Көптеген аурудың бетін қайтаратын шөп.

1-жүргізуші: Аға буын өкілдеріне 5 сұрақ

5. «Демотиватор» деген не?

Жауап: Белгілі бір өзекті мәселеге байланысты жасалатын астарлы суреттер.

2-жүргізуші: Жастарға 5 сұрақ

5. «Шырмауық» деген не?

Жауап: Маңдайға тағылатын әшекей бұйым.

1-жүргізуші: Сонымен бірінші айналым аяқталды. Қорытындысын білу үшін ұпай сандарын есептеп отырған Мунжасарова Ғайнижанға сөз береміз.

1-жүргізуші: Сайысымыздың келесі кезеңін бастамас бұрын 5-сынып оқушыларының орындауында «Рухты ару» әні.

2-жүргізуші: Сайысымыздың екінші кезеңі «Көрейік-тыңдайық» деп аталады

1-жүргізуші: Әр топқа 3 кинодан үзінді көрсетіледі, төрт жауап нұсқасы болады. Аға буын өкілдеріне қазіргі заманға жаңа фильмдерден, ал жастарға ескі кинолардан үзінді көрсетіледі.

Бірінші фильмдер топтамасы аға буын өкілдеріне арналған, мұқият болайық.

1. “Біржан Сал”

2. «Көкжалдар»

3. «Бәсеке»

2-жүргізуші: Келесі кезек жастарда, мұқият болыңыздар.

1. Қауын

2. Атаманның ақыры

3.Шоқ пен Шер

1-жүргізуші: Осы сайысымыздың екінші бөлімінде ән қойылады, оның орындаушысын айту.

Аға буын өкілдеріне:

1. Орда тобы

2. Қайрат Баекенов

3. Төреғали Төреәлі

2-жүргізуші:

Жастарға:

1. Тоқтар Серіков

2. Дос-Мұқасан

3. М.Ералиева

1-жүргізуші: Ендеше осы сайысымыздың қорытындысын біле кетсек

Үшінші айналымды бастамас бұрын 7-сынып оқушыларының орындауында қазақ биін тамашалайық. Қазыналы қарттарымызға арналады.

2-жүргізуші:

3-айналым «Рас пен жалған» Үлкендерге

1-сұрақ. 2014жылы өткен алғашқы қазақша күрестен «Әлем барысы» турнирін кубалық азамат жеңіп алғаны рас па?(Рас)

2.Польшада ескі ұялы телефондардан құрастырылған үй бары рас па?

(жалған)

3.Әйгілі актер Джеки Чан кино түсіру барысында 3000-нан астам жарақат алғаны рас па? (Рас)

1-жүргізуші:

Жастарға:

1. Белгілі физик, атақты ғалым Эинштейн мектепте өте нашар оқыған. (Рас)

2. Ақан серінің шын аты Бекжігіт рас па?(Жалған. Шын аты Ақжігіт)

3. Ы.Алтынсарин ашқан мектепте үш қана оқушы болғаны рас па? (жалған)

1-жүргізуші: Келесі айналым «Бұл не?» деп аталады. Алдыларыңыздағы заттың не екенін табу керек. Әр дұрыс жауапқа 10 ұпай.

Сонымен бүгінгі сайысымыз өз мәресіне жетті.

Жеңімпаздарды марапаттау.