Саба?ты? ма?саты: О?ушыларды аса ма?ызды мемлекеттік белгілер- нышандармен таныстыру.?лтты? р?міздерді? ?рбір б?лшектеріне, хал?ымызды? ?ткені мен б?гінгі к?ндеріне ?ыс?аша шолу жасау. О?ушылар?а мемлекеттік белгілерді? аса ма?ызды екенін, оны ерекше ??рметпен ма?тан т?ту керектігін, ой- ?рісін ке?ейту.
Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
3.Дамытушылық: Оқушылардың алған білімдеріне сүйене отырып, олардың осы мәселе
жөніндегі білімдерін естеріне қайта түсіру. Одан әрі дамыту бағытында
түрлі сұрақтар беру арқылы ой-өрісін дамыту.
Көрнекілігі: Қазақстан Республикасының рәміздері, суреттер, нақыл сөздер жазылған плакаттар.
Әдісі: Әдеби-сазды монтаж, сұрақтарға жауап беру, топтастыру.
Жоспары : І.Әдеби-сазды монтаж
ІІ. Білгенге маржан
ІІІ.Топтастыру
Тәрбие сағатының барысы:
Кіріспе сөз. Мұғалім:
Еліміздің рәміздерін, соның ішінде қасиетті көк байрағымыз бен Елтаңбамызды, Әнұранымызды өз жанымыздай қастерлеу, оған зор құрметпен қарап, тұмардай сақтау – бәріміздің абыройлы міндетіміз. Әсіресе, еліміздің ертеңгі болашағы сендер үшін бұдан асқан мақтаныш пен міндет болмаса керек. Сондықтан да сүйікті Отанымыздың осынау рәміздерін мақтаныш тұтып, қастерлеп қана қоймай, ондағы бейнеленген өрнектердің мән-маңызын, түс-реңін жақсы біліп жүрген жөн.
І бөлім.
1-жүргізуші:
Қайырлы күн, құрметті ұстаздар!
2-жүргізуші:
Аяулы да ардақты ұстаздар
1-жүргізуші:
Білімді ұрпақ!
2-жүргізуші:
Бүгін сіздердің назарларыңызға «Біздің рәміздер» атты тәрбие сағатымызды ұсынамыз.
1-жүргізуші:
Ендеше, бүгінгі «Біздің рәміздер» атты тәрбие сағатымызға қош келдіңіздер.
2-жүргізуші:
1992 жылдың 6 маусымы Тәуелсіз ел атанып,аяғын тәй-тәй басқан Республикамыз бен оның халқы үшін ерекше күн. Сол күні Республикамыздың аспанында қазақ елінің өз жалауы желбіреді, елдігімізді танытар Елтаңбамыз қабылданды.
1-жүргізуші:
Көк жүзінде әлемге нұрын шашқан күн сәулелі, астында қияға қанат қаққан қыран – тыныштықтың, берекелі өмірдің белгісі, ал ою-өрнек қай елдікі екенін аңғартады.
Республикамыздың көк байрағы әкелінсін.
Ту әкелінеді.
Әнұран орындалады.
1-оқушы:
Ортасында шұғылалы күн, оның астында қалықтап ұшқан қыран бейнеленген тік бұрышты көгілдір мата. Күн-шұғыла және қыран бейнесі алтын түсті. Матаның сол жағында қызыл түсті ұлттық өрнегі бар тік жолақ орналасқан.
2-оқушы:
Аспан түстес көгілдір,
Тік бұрышты матаның
Ортасында төніп тұр,
Күн жаяды шапағын.
3-оқушы:
Астында оның қалқыған,
Қыран құстың бейнесін.
Азат елдің шалқыған,
Көңілі деп білесің.
4-оқушы:
Ескі белгі ұрандар,
Сары алтындай сақталған.
Күн, шұғыла, қыран да
Алтын түспен апталған.
5-оқушы:
Сол жағында матаның,
Қызыл түсті жолақ тік.
Мұратындай атаның,
Әсем өрнек ол ұлттық.
6-оқушы:
Көгілдір түс аясында шаңырақ бейнеленген, шаңырақты айнала күн сәулесінен тарап уықтар шашылған, оны аңыз әңгімелердегі пырақтар қанаты көмкеріп тұр. Елтаңбаның жоғарғы жағында бес бұрышты жұлдыз, ал төменгі жағында «Қазақстан» деген сөз бар. Қазақстан мемлекеттік Елтаңбасының реңдік белгісі екі түсті: алтын және көгілдір түсті.
7-оқушы:
Алтын қанат көмкерген,
Шаңырақ бар, уық бар.
Әсем бейне сен көрген,
Жай бейне емес ұғып ал.
Көгілдір түс аясы-
Бейбіт дала елесі
Шаңырақ-жұрт панасы,
Уықтар-күн сәулесі.
8-оқушы:
Сүйсіндірген өзіңді
Түсіне біл таңбаны.
Пырақ-халық арқасы
Жоғарыда түсер көз,
Бес тармақты жұлдызға
«Қазақстан» деген сөз,
Таныс барлық ұл-қызға.
9-оқушы:
Мағынасы сымбатты,
Бар осындай бейнеміз.
Маған,саған қымбатты,
Елтаңбалы елденбіз.
10-оқушы:
Әнұраннан халқымыздың ұлттық мінезі, асыл аңсары тәңірлік тілмен төгіліп жатқанын көреміз. Әнұран тек әуенннен тұрмайды. Оның өлеңі де қасиетті, Әнұранда халқымыздың еркіндік жолында ерлікпен күресіп, тәуелсіздігін сақтап қалғаны, халқының дархандығы, татулық пен достықты ұран еткені айтылған.
Хормен: Қазақстан!
Туымен тұғырлы.
Елтаңбасымен еңселі.
Әнұранымен айбатты.
11-оқушы:
1991 жылғы желтоқсанның бірінде Қазақстанда Президенттік сайлау болған. Оның қорытындысында Нұрсұлтан Әбішұлы Назарбаев Президент болып сайланды.
12-оқушы:
Шұғылалы ширақ ойлап түрінде,
Биіктерден естіледі үнім де.
Тұңғыш рет Президент сайланып,
Мойындады барлық әлем бүгінде.
13-оқушы:
Отан-әр адамның жүрегіне тиер жылы, қасиетті сөз. Отан дегеніміз- адамның туып-өскен жері, туған-туысқандарымен бірге тұратын ата-мекені. Сондықтан әрбір адам үшін дүниедегі қасиетті де киелі ұғым – Отан.
14-оқушы:
Отан дейміз от жаққан жерімізді,
Отан дейміз өсірген елімізді.
Отан дейміз туған жер, атамекен,
Биік тау, орман, тоғай көлімізді.
15-оқушы:
Отан дейміз кең байтақ Астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ,
Ол бірақ өз үйіңнен басталады.
Хор:
16-оқушы:
Қазақстан, менің асыл аймағым,
Қуантады күнге құшақ жайғаның.
Өзің едің көз тоймайтын асыл бақ,
Құлпыра бер, құлпыра бер жарқылдап.
17-оқушы:
Әуелеттік Әнұранды аспанға,
Туымызды тіктік биік асқарға.
Жиырма жылда Елтаңбамыз жарқырап.
18-оқушы:
Тәуелсіздік бізге есігін ашқанда
Өркендедік, Ел болдық та кемелді,
Елім менің Ата заңын ардақтап,
Еркіндіктің шуағына бөленді.
19-оқушы:
Енді бүгін өлген туым тірілді,
Әнұраным жалғап қалды ғұмырды
Босағада қалып келген Елтаңбам,
Баяғыша төріме кеп ілінді.
Би:
1-жүргізуші:
Бәрі болған қазақ сынды көне елде,
Ел белгі, ерлік, өрлік, өнер де
Жаһандағы ең жауынгер халықта,
Кім сенеді ту болмады дегенге!
2-жүргізуші:
Батырлыққа уызынан жарыған,
Ел төркіні байрағынан таныған.
Өзі ақын, өзі әнші халықта,
Кім айта алар болмаған деп әнұран!
1-жүргізуші:
Бас білгізіп, жер тарпыған, тарпаңға,
Жасы тұрмақ шығады екен қарты аңға.
Қалай оның елтаңбасы болмайды,
Түлігіне дейін салса ен-таңба,-деп ақындарымыз жырлағандай, халқымызда ұлттық ту да, елтаңба да, әнұран да бар. Қазақстан Республикасының рәміздерін құрметтеуге, қастерлеуге әрбір қазақ баласы міндетті.
Мемлекеттік тудың өлшемі: ұзындығы ... метр, ені ... метр (2,1)
Мемлекеттік рәміздердің тұсаукесер салтанаты Абай атындағы опера және балет театрының әсем ғимаратында ... жылы ... айының ... күні өтті (1992 жылы 6 маусым)
Алғашқы мемлкеттік әнұран мәтіні 1992 жылы ... айының ... күні бекітілді (11 желтоқсан)
Мемлекеттік туымыз ... түсті (аспан көк)
Туда ... бүркіт ... астында бейнеленген. ( Қыран, күн)
Мемлекеттік елтаңба пайдаланған негізгі бояу...түсті рең (Алтын)
ҚР Мемлекеттік әнұран музыкасының авторы, көрнекті сазгер, Қазақстан Жастар Одағы сыйлығының тегері Шәмші Қалдпяқов...жуық ән шығарған (300-ге жуық)
Әнұранды өзгерткен жылы... (2005 жылы 4 желтоқсан)
ІІІ бөлім. Топтастыру
Рәміздер
Елтаңба Әнұран Ту
Хор:
Қорытынды сөз. Мұғалім:
Әрбір азамат Қазақстанның Туын, Елтаңбасын, Әнұранын тұмардай қасиет тұтуы қажет. «Елдігіміздің сыналатын тұсы осы» деген терең тебіреніске толы арнау сөзін қазақ елінде тұратын және өз Отаным деп білетін әрбір азамат жүрегінің терең түкпірінде сақтап, қашан да жадында ұстауы қажет.
Жер бетінде мемлекет атаулының қай-қайсында да мемлекеттік белгілері – рәміздері бар.
Рәміздер дегеніміз- белгілі бір нәрсені өз қалпынан өзге жанама сипаттап көрсетуден туатын сырт таңба, эстетикалық категория, шартты белгі. Мысалы : ақ көгершін – бейбітшілік символы.
Тәуелсіз елдің елдігін, еркіндігін танытып тұратын айрықша мәнділері – Елтаңба, Ту және Әнұран. Осы мемлекеттік рәміздерді әр уақытта құрмет тұтуымыз қажет.
