Елімнің еркіндігі - Тәуелсіздік

Тақырыбы: Менің елімнің –Рәміздерім

Мақсаты:

1.Қазақстан Республикасы туралы білімдерін кеңейту

2. Оқушының тіл байлығын дамыту, есте сақтау қабілетін шыңдау, мәнерлеп оқуға баулу, ой- өрісін кеңейту.

3. Оқушыларды Отанды сүюге, қазақ елінің рәміздерін қастерлеуге , елін-жерін қорғауға тәрбиелеу.

Көрнекіліктері: мақал-мәтелдер, нақыл сөздер, ел рәміздері, гүлдер, шарлар.

Сабақтың барысы: Кіріспе сөз

Құрметті, оқушылар !

Әнұраным-жан ұраным,

Айтар әнім-сөйлер сөзім.

Туған жерім сағынарым,

Мәңгі бақи шырқалады,

Республика Әнұраны.

(Әнұран айту)

-Біздің ел қалай аталады?

Қазақстан Республикасы

Тіршіліктің асылы мен жасығын таразылайтын тарихқа зер салсақ, ХХІ ғасырдың біздің халқымызға сыйлаған ғаламат оқиғасы-Мемлекеттің Тәуелсіздігі. Тәуелсіз деген тәттә ұғым, қастерлі сөз.

Тәуелсіздік туын биік ұстап, алға басқан ел-Қазақстан!

-Балалар, мынау кім?

- Қазақстан Республикасының Президенті Нұрсұлтан Әбішұлы Назарбаев.

Иә, бәрі болған қараң сыңды көне елде,

Ел белгі де, ерлік өнер де.

Жаһандағы ең жауынгер халықта,

Кім сенеді «Ту болмады» дегенге.

Ту туралы не білеміз?

Ту аспан түстес көгілдір, ортасында күн, астында қалықтап ұшұан қыран-құс. Тудың сабының тұсында ұлттық өрнек нақышталған тік жолақ көктеп өтеді. Күн шұғыла, қыран, өрнек бейнесі алтын түстес.

Елтаңбасы елімнің,

Неткен көркем әдемі.

Тұнығындай көңілдің,

Ортада аспан әлемі.

Елтаңба туралы не білеміз?

Мемлекеттік Елтаңба негізіне шаңырақ алынған. Шаңырақ-киіз үйдің жоғарғы бөлігі, төбесі. Қазақстан халқы бір шаңырақтың астында тату-тәтті бірлігі жарасқан ел болсын дегенді білдіреді.

Қазақ елім! Туды жастық дәуірің,

Алғандайсың жұлдызыңның жарығын.

Тәуелсіздік құтты болсын, қымбаттым!

Туған күнің құтты болсын, алыбым!

• Тәуелсіздік туын биік ұстап, Мемлекетіміздің рәміздерін әрқашан мақтан ете білейік. Бұл күнді ата-бабаларымыз аңсаған. яғни 1986 жылы Алматының бас алаңында желтоқсан оқиғасы болды.

• Бұл көтерліске жастар ешбір жаман оймен барған жоқ. олар бейбіт жолмен тәуелсіздікке қол жеткізу үшін қатысқан.

Қорытынды

Тақырыбы: Елімнің бақытын тербеткен Тәуелсіздік

Мақсаты:

1.Қазақстан Республикасы туралы білімдерін кеңейту

2. Оқушының тіл байлығын дамыту, есте сақтау қабілетін шыңдау, мәнерлеп оқуға баулу, ой- өрісін кеңейту.

3. Оқушыларды Отанды сүюге, қазақ елінің рәміздерін қастерлеуге , елін-жерін қорғауға тәрбиелеу.

Көрнекіліктері: мақал-мәтелдер, нақыл сөздер, ел рәміздері, гүлдер, шарлар.

Сабақтың барысы: Шаттық шеңбері: Қуан шаттан, Қуан шаттан

Қуанатын күн бүгін

Қайырлы таң, қайырлы күн

Күліп шықты күн бүгін.

Кіріспе сөз:

- Құрметті ұстаздар, оқушылар, ата-аналар !

Бүгін сіздер 1-сынып оқушыларының Тәуелсіздік күніне арналған

«Елімнің бақытын тербеткен Тәуелсіздік» атты ашық тәрбие сағатына келіп отырсыздар.Сабағымызды бастамас бұрын құттықтау сөз мектеп директоры Б.У. Сыздыковқа беріледі.

-Биыл Еліміздің Тәуелсіз Қазақстан Республикасы атанғанына 25 жыл уақыт болыпты. ХХ ғасырдың біздің халқымызға сыйлаған ғаламат оқиғасы-

Мемлекеттің Тәуелсіздігі. Әлемде соңғы 25 жылдың ішінде Тәуелсіздік Туын биік ұстап, алға басқан ел- Қазақстан.

-Сонымен, балалар ҚР Президенті кім?

-Нұрсұлтан Әбішұлы Назарбаев дұрыс айтасыңдар, олай болса елбасы туралы өлең оқып берейік.

Жанбота:

Егемен елімнің ертеңі деп,

Елбасы баға берді жастарыма

Оқу оқы, білім ал, елін үшін,

Еңбек ет тынып таппай, жан аяма.

Әйгерім:

Ел болдық ерік алдық Астаналы

Енді кімнен қазағым жасқанады?

Тәуелсіз мемлекеттің шежіресі,

Нұрсұлтанның атымен басталады.

Мұғалім:

-Бүгінгі күні әрбір мемлекеттің ғасырлық тарихына байланысты рәміздері бар. Мемлекеттік рәміздер- Ту, Елтаңба, Әнұран. Бұл халық бірлігінң белгілері. Қазақстан Республикасының да өз рәміздері бар. Мемлекеттік рәміздерді құрметтеу –әрбір азаматтың міндеті.

Бұлт баспасын күнімді

Тарылмасын өрісім.

Биік ұстау Туымды-

Қасиетті борышым. –деп Ту туралы не білеміз? Жанбота айтып береді.

Жанбота:

Ту аспан түстес көгілдір, ортасында күн, астында қалықтап ұшқан қыран-құс.

Тудың сабының тұсында ұлттық өрнек нақышталған тік жолақ көктеп өтеді. Күн, қыран, өрнек бейнесі алтын түстес.

Ту туралы өлең оқып береміз.

Исатай:

Желбірейді шалықтап,

Қазақстан жалауы.

Көкке қыран қалықтап,

Қанат қағып барады.

Айару:

Көк аспанда нұрлы күн,

Күлімдейді даоама.

Бақыт тілеп тұр бүгін,

Ол барлық пәк балаға.

Мұғалім:

Елтаңбасы елімнің,

Неткен көркем әдемі.

Тұнығындай көңілдің,

Ортада аспан әлемі.

Елтаңба туралы не білеміз?

Әйгерім:

Мемлекеттік Елтаңба негізіне шаңырақ алынған. Шаңырақ-киіз үйдің жоғарғы бөлігі, төбесі. Қазақстан халқы бір шаңырақтың астында тату-тәтті бірлігі жарасқан ел болсын дегенді білдіреді.

Мұғалім:

Әнұраным-жан ұраным,

Айтар әнім-сөйлер сөзім.

Туған жерім сағынарым,

Мәңгі бақи шырқалады,

Республика Әнұраны. Осы жерде Әнұран туралы айтатың болсақ.

Кез келген мемлекттік рәміздің ең маңыздысы –ӘНҰРАН. Әнұран мемлекеттік салтанатты ән. Ол халықты әйгілі етеді. Оның сөздерінде халықтың мыңдаған жылғы тарихы, бүгінгі өмірі мен келешек арманы айтылған.

Тәуелсіздік туын биік ұстап, Мемлекетіміздің рәміздерін әрқашан мақтан ете білейік.

16- желтоқсан қазақ халқы үшін ұлы күн әрі қайғылы, әрі бақытты күн.

Енді желтоқсан оқиғасы кезінде жалған жала жабылып, осы оқиғаның құрбаны болған аға- апаларымыздың құрметіне өлең жолдарын жолдаймыз.

Әйгерім:

Тәуелсіздік-достығымыз,

Тәуелсіздік-ел бірлігі,

Тәуелсіздікерьеңіміз,

Ұрпақтармен жалғасатын

Болашаққа нық басқан.

Айару:

Көк аспанда тулардың,

Желбірейтін күні бұл.

Елім деген қлдардың,

Елжіреген күні бұл.

Исатай:

Атмекен ақ үйдің,

Азат болған күні бұл.

Құндақтағы сәбидің

Қазақ болған күні бұл.

Жанбота:

Жұпар шашқан гүлімнің,

Жаңа ашылған күні бұл.

Менің туған елімнің,

Бағы ашылған күні бұл.

Әйгерім:

Алты алаштың баласы,

Қауымдасқан күні бұл.

Бір-бірімен жарасып,

Бауырласқан күні бұл.

Исатай:

Дүбірлетсін өңірді,

Дүбірлетсін дүлдүлі.

Қазақ деген елімнің,

Құтты болсын бұл күні.

Айару:

Көп аузынан түспейтін,

Отан деген немене?

Оның тұлға түс кейпін,

Достым білгін келе ме?

Жанбота:

Отан- сенің ата-анаң,

Отан- досың, бауырың.

Отан- өлкен, Астанаң

Отан- аудан, ауылың.

Әйгерім:

Отан-тарих, Отан-тіл,

Жасаған елің, ер халқын.

Отан-өлең, Отан-жыр,

Көтерген көкке ел даңқын.

Айару:

Отан- осы достарым,

Көңілге мұны түйе біл.

«Отан» деп өс, жас қауым,

Оны ардақтап , сүйе біл.

Келген қонақтарға сөз беру.

Қорытынды: Тақтадағы нақыл сөздерді оқу.

Тәуелсіздік туын ұстап жоғары,

Бүгінгі ұрпақ болар елдің ертеңі – дей келе бүгінгі тәуелсіздігіміздің

25 жылдығына арналған «Елімнің бақытын тербеткен Тәуелсіздік»

атты тәрбие сағатымызға келгендеріңізге рахмет.