Музыка
«Бас иеміз- ана деген тәңірге»
Жүргізуші:
Той пердесін ашайық
Тойға шашу шашайық
Аналарды құрметтеп
Ән маржанын ашайық.
Құрметті ата- аналар, ақ жаулықты әжелер, қыздар сіздерді 8- наурыз халық аралық аналар күнімен құттықтаймын. Сіздерге тілерім біріншіден зор денсаулық, мол бақыт, ашық аспан. Әр отбасыларыңызға тек қана қуаныш тілеймін және көктемнің күніңдей құлпырып жайнап жүреберіңіздер. Ал бүгінгі 1 «В» сынып оқушыларының ұйымдастыруымен болып отырған «Бас иеміз – ана деген тәңірге» атты мерекелік кешімізге хош келдіңіздер!
Нұрқожа
Достықты біз ойлаймыз,
Бірге күліп, ойнаймыз.
Қыздарды да құттықтап,
Мерекесін тойлаймыз!
Анель
Аналарды құрметтейміз, елейміз,
Аспандағы ай мен күнге теңейміз
О,аналар, сіздерді үлгі тұтып
Бақытпенен денсаулықты тілейміз.
Архат
Қадір тұтқан балалар
Аналардан туған небір даналар
Ана деген- тіршіліктің тірегі
Армысыздар қасиетті аналар
Дилназ
Бүкіл әлем аналардың ақ сүтімен нәр алған,
Бүкіл әлем аналардың үмітінен таралған
Әлемде сен болмасан осылайша,
Туар ме еді жүрегімде биік мақсат, игі арман.
Нұртас
Анаң болса қасында
Басқа бақыт не керек
Аналардың жүрегі
Мейірімді ғой керемет.
«Ақ мамам» (ұлдардың орындауында) хор
Аделия
Аналарды сүйеміз
Сөзін ойға түйеміз
Арқашанда ардақтап
Анаға бас иеміз!
Даниял
Өлең айтып беремін
Нанды алып келемін
Өйткені мен анамды
Өте жақсы көремін.
Меруерт
Еркелесем күлімдейтін
Ұрысқаны білінбейтін
Маңдайымнан иіскеп менің
«Құлыншағым, күліп» дейтін.
Назыр
Шуақ төгіп, күлімдейтін қарасам,
Анашымды күнге ғана баласам,
Жер бетінде ең жақыным өзіңсің,
Мәпелейсің, аялайсың әрқашан.
Жұлдыз
Құтты болсын осы шаттық күніңіз
Бақытты да ұзақ өмір сүріңіз
Қуанышты жүзіңіз бен әрдайым
Бұл өмірде қүліп қана жүріңіз
Ән : Жансаянын орындауында
Жансая
Ана деген –адамзаттың данасы,
Ана деген-сәбилердің панасы
Ана деген – жарық жұлдыз шырағың
Ана деген – қайнар ыстық бұлағың
Ана деген - өмірдегі қамқорың
Ана деген – сүйенерің, жан құрбың
Төрекелді
Мәпелейді, әлдилейді, бағады.
«Құлыным» деп құшағына алады
Өзгеге де, өзіне де жауапты
Барлығына қалай уақыт табады?
Әділет
Аналарға мың алғыс
Бізге өмір сыйлаған
Аналарды сыйлайық
Біздер үшін жан қиған.
Ән :«Бала тілегі»Меруерттің орындауында
Р Санжар
Анам менің сүйіктім
Тек өзіңе табынам.
Қасымда жүрсең биікпін,
Алыстасаң сағынам.
Нурисламбек
Мен анамды сүйемін,
Құшағына енемін.
Мәпелеген анамды,
Қуантсам деп келемін.
Алдияр
Мені жақсы көреді
Күндей күліп келеді
Көп ертегі біледі
Маған айтып береді.
Карима
Ана десем алғыс алам халқымнан,
Ана десем теңіз болам шалқыған.
Ана десем ашылады қабағым,
Ана десем әділдікті ұғамын.
Е Санжар
Ардақты ана, аяулы ана қымбаттым,
Тәтті ұйқынды бөліп талай түн қаттың.
Өміріме нәрін берді ақ сүтің,
Кең құшағың- аясындай гүл бақтың
Ән «Анашым» Дильназ Аделия Назыр Жұлдыз Анелья
Сахналық көрініс: « Әжесімен немересі» Қабдікарім Ыдырысов
-Жүрегім кім менің?
-Мен !
-Тірегім кім менің?
-Мен!
-Сәнім кім менің?
-Мен!
-Ботақаным, бағлан қозым,
Не деген тәтті баласың өзің!
Ой, қарғам менің!
- Жоқ,әже, қарған мен емес!
Жо.жоқ, қарға болмаймын,
Керегі жоқ ондайдың.
Қарға «қарқ-қарқ» етеді,
Алысқа ұшып кетеді.
Қасыңда боп әрдайым,
Мен ешқайда бармаймын.
Би: Жансая
Ермек
Әлпештеген аялаған
Ақ сүт берген апатайым
Сәлем жазып бүгін саған
Мейрамымен құттықтаймын
Нұржігіт
Сенен өскен балалар
Батырлар мен даналар
Құттықтаймын мейрамыңмен
Құрметті біздің аналар!
Рамазан
Құрметтейік, о адамдар, аналарды,
Бізді өмірге әкелген даналарды
Себебі ана деген асыл жан ғой
Ойлауменен істейік әр қадамды.
Ернар
Ана өмірдің қуанышы тірегі,
Бала оның жұбанышы жүрегі,
Ана алдында ел жауы да бас иген,
Олар дәйім тыныштықты тілейді.
Ән «Ақ әжем» (қыздар)
Аяулы менің анашым,
Өсірдің мені мәпелеп.
Түн ұйқынды төрт бөліп,
«Қошақаным», «Әкем» деп.
Ана деген асқақ ән,
Орындайтын әрқашан
Анадай қымбат сыйлықты,
Таба алмайсың ешқашан!
Ана –біздің күніміз,
Ананың біз гүліміз.
Ұландарды қуантып,
Ұзақ өмір сүріңіз!
Ана- көркі көгімнің,
Ана – нұры жерімнің,
Ана – бағы баланың,
Мақтанышы даланың.
Жүргізуші:
Ақ сүт беріп аялаған,
Бізден бәрін аямаған.
Жанашырым саялаған, Ол кім?
Хор Аяулы анамыз.
-Ана дейміз біріміз де аңқылдап,
Ана дейді жас сәби де жарқылдап,
Ана деген бәйтерегі өмірдің,
Ана деген алтын қазық алтын бақ.
(балалар аналарына сыйлық береді)
Жарқыраған қызыл гүлдей
Болсын әсем өміріңіз
Сәуле шашқан әсем күндей
Көтерілсін көңілдерініз- дей келе отбасылық бақыт, дендеріңізге саулық, осы мерейлі мереке тек қана игі жақсылықтар әкелсін.
