Аналар - асыл жандар

Мақсаты:

8 – наурыз Халықаралық әйелдер мерекесін атап өту. Анаға деген мейірімді, сүйіспеншілікті арттыру. Бала бойындағы ізгілік, инабаттылық, биязылық сияқты қазақ балаларына тән жақсы қасеиттерді қалыптастыруға ынталану.

Көрнекілігі: Зал мерекеге сай безендірілген. Шарлар, нақыл сөздер.

Барысы:

Тәрбиеші:

-Армысыздар, бақытты балалық шағымыздың шат көңілді өтуіне барлық жағдайды жасап отырған аяулы да ардақты аналар! Сіздерді 8-наурыз халықаралық әйелдер мерекесімен шын жүректен құттықтаймыз!

Адам бойындағы жақсы қасиет күннің нұрынан, ананың ақ сүтінен жаралған. Сондықтан құрметті асыл аналар, қадірлі әжелер бүгінгі «Ана – өмірдің гүлі» атты мерекелік кешіміз сіздердің құрметтеріңізге арналады.

• Балалар, бүгін бізге қонаққа ақ әжеміз келіп отыр, ол сендердің өнерлеріңді тамашалағысы келеді екен.

Әже: - Айналайын қарақтарым, шырақтарым, құлындарым, бүгінгі мерекеге шақырғандарыңа рахмет. Мен сендердің өнерлеріңді тамашалағым келіп тұр. Қане, өнерлеріңді көрестіңдерші.

Тәрбиеші: - Әже, біздің балаларымыз өте өнерлі олар аналарына арналған әртүрлі тақпақтарды өте жақсы айтады, өзіңіз тыңдап көріңіз.

1. Оқушы

Ана біздің күніміз

Ананың біз гүліміз

Біздерді қуантып

Ұзақ өмір сүріңіз

2-оқушы

Жүрегімде махаббат

Тілегіңіз мархабат

Анамызға мың алғыс

3-оқушы

Бізді өсіріп баптаған

Жақсы болсаң шаттанған

«Алтыным» деп мақтанған

Айналайын ақ мамам

Ән: «Бөбектер әні»

1.Біз жеткіншек баламыз,

Ән көңілмен саламыз.

Ата – баба дәстүрін,

Әрі қарай жалғайымз.

Қайырмасы

Ахау, келіңдер,

Ойын – сауық көріңдер.

Бау – бақшада сайраған,

Бұлбұлың деп сеніңдер.

2.Мамам үшін күнде біз,

Аға – іні бірдейміз.

Бақыты үшін елімнің

Ән айтамыз, билейміз.

3.Нұрын төкке күндейміз,

Жайнап өскен гүлдейміз.

Ашық аспан астында

Біз шаттанып билейміз.

4-оқушы

Ана, әже, апалар

Құтты болсын мереке

Осы келген ортаға

Тілейміз біз береке

5-оқущы

Сіздерден өскен балалар

Батырлар мен даналар

Құттықтаймыз мейрамыңмен

Аяулы біздің аналар

Би: «Ұлдар биі»

6-оқушы

Мәпелейсің мені анам

Қолыңдағы құсыңдай

Құлпыра өсіп дем алам

Құшағыңда қысылмай

7-оқушы

Аналарды сүйеміз

Ақылын ойға түйеміз.

Әжені де ардақтап

Әдеппен бас иеміз

8-оқушы

Достықты біз ойлаймыз

Бірге күліп ойнаймыз

Мерекеде қыздарға

Достық жырын жырлаймыз

Ән: «Апатайым»

Әні, сөзі: Б. Жұмабекова

Мақтаным – апа,

Шат әнім – апа.

Өзіңе тақпақ,

Жаттадым апа.

Қайырмасы

Мен үшін жан асыл,

Тек өзің ғанасың.

Қартайма, жүз жаса,

Апатай, анашым.

Дарасың – апа,

Данасың – апа.

Әркез сен маған,

Жанашыр апа.

Көрініс: «Ананың сүті тәтті, ананың алақаны жұмсақ»

10-оқушы

Бал бөбегін баптаған

Мамам үшін мақтанам

Айналайын анашым

Көп жасасын жақсы адам

11-оқушы

Ана біздің күніміз

Ананың біз гүліміз

Айтқан тілді аламыз

Жұлдыз болып жанамыз

Би: «Су тасушы қыздар»

Ойын: «Анамызға гүл жинайық»

Ойын шарты бойынша балалар екі топқа бөлінеді. Қай топ аналарына көп гүл жинаса сол топ жеңімпаз болады.

Әже: Балаларым, өнерлеріңе ризамын. Өте өнерлі екенсіңдер. Аналарың бүгін қатты қуанып қалды. Үнемі аналарыңның тілін алып тәртіпті бала болыңдар, аналарыңды сыйлап, құрметтеуден жалықпаңдар. (Әже батасын береді)

Тәрбиеші: - Балалар, бүгінгі кешіміз ұнады ма? Аналарың сендер үшін қуанып қалды.Аналарымызға алғысымызды айтып кешімізді аяқтайық. Бәріміз бірігіп :

Мереке құтты болсын, аналарым,

Мәпелеп, еркелеттің, аяладың.

Лебізіңе алғысты айта келе

Ән, жырымды қабыл ал, аналарым!

Ән: «Анашым»

Айналайын анашым

Әлемдегі жан асыл,

Болса маған не керек,

Бәрін іздеп табасың.

Айналайын анашым

Асқар таудай панасың

Күн көзіндей күлімдеп

Құшағыңа аласың.