Аналар – асыл жандар

Тақырыбы: «Аналар – асыл жандар»

Мақсаты:

1.Ана жайлы тамаша сөздер,өлеңдер,әндер арқылы аналар мен әжелерді мерекемен құттықтау.

2.Ананың мейірімін,махаббатын,жақсылығын түсініп,оған балалық сүйіспеншілікпен жауап бере білуге баулу.

3.Ана еңбегін қадірлей білуге үйрету.

Көрнекіліктер:даналық сөздер,шарлар,гүлдер,суреттер.

Тәрбие сағатының барысы.

1.Кіріспе сөз:

Асия:

Бүгін шатпыз көңілдерде жоқ уайым

Мен сіздерге жырдан алқа тағайын

Осы кештің бөлісуге шаттығын

Қош келдіңіз барлығыңыз,ағайын

Бекжан:

Ана бақыт,ана деген ақ арман,

Ана деген бақыт үшін жаралған.

Аналары кіші пейіл жан болса,

Бәрі де сол аналардан тараған,-дей отырып,қымбатты ата-аналар,ұстаздар,қыздар!Сіздерді 8-наурыз Халықаралық әйелдер,аналар мерекесімен құттықтаймыз дей отырып,сіздерге

3 «г», сыныптарының ұл-қыздары дайындаған мерекелі тәрбие сағатын ашуға рұқсат етіңіздер!

Асия:

-Адам баласы үшін ең аяулы,ең қастерлі де қадірлі сөз-АНА.Бала дүниеге келгеннен жылы жүзі,ыстық құшағы,барлық сүйіспеншілігін,махаббатын бере білген жалғыз ана.Сол үшін жер дүниені мекендеген адамзат қауымы бір күнді мейрам етіп белгілеген,ол-

Хормен: 8-Наурыз мерекесі.

Бекжан:

Аналарға арнап келесі кезекте жырдан шашу шашайық.

1-оқушы:

Ана дейміз бәрімізде аңқылдап,

Ана дейді жас сәбиде жарқылдап,

Ана деген бәйтерегі өмірдің,

Ана деген алтын қазық,алтын бақ!

2-оқушы:

О,аналар осындайсың бәріңде,

Осындайсың жасыңдағы кәріңде

Сыйынатын осы өмірде құдірет,

Сыйынар ем ана деген тәңірге.

3-оқушы:

Наурыз күні,ана күні,әлем күні,

Әлемді тебірендірер ана үні.

Анасыз жан туған жоқ жер бетінде,

Ұғып ал,сыныптастар,сендер мұны.

4-оқушы:

Ардақты ана,аяулы ана,қымбаттым,

Тәтті ұйқыңды бөліп талай түн қаттың.

Өміріме нәрін берді ақ сүтің,

Кең құшағың-аясындай гүл бақтың.

5-оқушы:

Ана деген-асыл жандар болаттай,

Ана десең-мөлдір таза бұлақтай.

О, адамдар,қадірлей біл ананы,

Жат қылыққа ақыл-ойды тонатпай.

6-оқушы:

Ана десем,сезім билер тым ыстық.

Жарасымды адамдарға туыстық,

Бар адамға берсе ананың мейірін,

Орнар еді бар әлемге тыныштық.

Асия:

Құлақтан кіріп бойды алар.

Әсем әнмен тәтті күй.

Жүрекке жылы ой салар.

Әнді сүйсең менше сүй-деп Абай атамыз жырлағандай кезекті әнге береміз.

Ән: «Апа туған күніңмен!»

7-оқушы:

Ана десем шешек атып жанары,

Өмірімнің бастау алар жаңа әні.

Ана деген тіршілікке пана боп,

Әрбір үйде жұлдыз болып жанады.

8-оқушы:

Өмірдің иесі сен ғазиз ана,

Келтірген дүниеге нелер дана,

Анасыз батыр да жоқ,ақын да жоқ.

Өмірдің алтын кілті сонда ғана.

9-оқушы:

Адамзат қуат алар ақ сүтінен,

Мәпелеп,әлдилеген пейілің кең.

Аналық махаббаттың кәсар бұлақ,

Сөнбейтін ақ жүрегің мәңгі шырақ.

10-оқушы:

Алтын анам жасымнан аялаған,

Мен үшін игілікті аямаған.

Сабақтан шаршап үйге келгенімде,

Бал сөзің жаным деген,сая маған.

11-оқушы:

Шырмауынан шығып қазір ескілік,

Құрметті ана,кетті әлемге есімің.

Алыстағы айды құшып адамдар,

Ашып тұрмыз болашақтың есігін

12-оқушы:

Сияқты бір жаздың әсем қыр гүлі

Асыл анам құлпырады март күні.

Осы күні тасып менің көңілім,

Жас жүректің шықты шалқып шат күні.

Бекжан:

Уа,халайық,халайық,

Босқа қарап тұрмайық.

Мың бұралып билейтін

Дарияны қошеметтеп қояйық!

Асия:

Әже деген көп шығар

Әжемдей менің жоқ шығар

Мейірімді бұл кісі

Қандай ғажап күлкісі-деп

Әжелерімізді құттықтайық.

13-оқушы:

Менің әжем,жыр әжем,

Шуағы мол,нұр әжем.

Ақ жаулығың желбіреп

Аман есен жүр әжем

14-оқушы:

Тірегі болып жаныңда

Бірге еріп жүрегім

Жанашырым жанымда

Тек әжем деп білемін

15-оқушы:

Өзің мені өсірген

Айналайын ақ әжем

Тентек болсам кешірген

Балдай тәтті бал әжем

16-оқушы:

Ақ әжемді әрқашан

Сыйлап жақсы көремін

Қуантайын деп оны

Өлең айтып беремін

17-оқушы:

Менің әжем мейірбан,

Мені жақсы көреді.

Қажетіне жарасам,

Жас балаша күледі.

Бекжан:

Менің әжем,ақ әжем,

Ұл мен қыздың бағы әжем дегендей әжелерімізге ән арнаймыз.

Хор: «Ақ әжем»

18-оқушы:

Ана десем алғыс алам халқымнан,

Ана десем теңіз болам шалқыған.

Ана десем,ашылады қабағым,

Ана десем әділдікті ұғамын.

19-оқушы:

Ана деген-жарық жұлдыз шырағың.

Ана деген-қайнар ыстық бұлағың,

Ана деген-өмірдегі қамқорың.

Ана деген-сүйенерің жан құрбым.

20-оқушы:

Асыл анам қандай ыстық құшағың,

Өн бойымды билейді күш әнің.

Есейсем де еркелігім қалмапты

Көрген сайын қайта-қайта құшамын.

21-оқушы:

Абзал анам мәпелеген өсірген

Жарқын бейнең кетпес мәңгі есімнен

Есепсіз сол еңбегіңді өтеуге

Тер төгемін кең далада көсілген.

22-оқушы:

Адам бар ма ана сүтін татпаған,

Алуан-алуан ауыр сынды аттаған.

Адалдықты,ар намысты сақтаған,

Мен анамның сонысына мақтанам.

Асия:

Наурыз тойы құтты болсын,халайық.

Жыр тойымызда би билеп,ән салайық-дегендей келесі кезекті биге береміз.

Бекжан:

-Қыздар,қыздар,сұлу қыздар,

Қандай әсем сұлусыздар,-деп отырып ұлдарымыздың қыздарға дайындаған әндеріне кезек берейік.

Ән: «Он алты қыз»

Асия:

Ойын ойнап ән салған,

Өнерлі бала жоқ емес.

Қызықты түрлі ойындарда,

Ешкім артта қалар емес.

Бекжан:

Озып шығар қатардан,

Жұрттан алғыс жинаған.

Үздік шебер аттанған,

Менің мамам сыйлы адам,-демекші,келесі кезекті аналар ойынына берейік:

Ойын: «Өз балаңды тап?»

Ән: «Көктем келді»

Асия:

Ана-көркі көгімнің,

Ана нұры жерімнің.

Ана бағы баланың,

Мақтанышы елімнің,-демекші,сөз ретін ата-аналар қауымына береміз.

Бекжан:

Теңізді де кешіп өтіп жетпейме,

Жан ботасын сағынғанда ару ана.

Асия:

Ана бауыр еті-баласы үшін отқа да күйеді,суға да түседі.

Аналарға амандық тілейік,балалары бақыт сыйласын!

Балаларыңыздың сіздерге арнаған сыйлықтарын қабыл алыңыздар!

Хор: «Көктем келді»