Музыка арнасында

Сабақ тақырыбы: «Музыка арнасында»

Сынып: 1 «б»

Сабақ мақсаты:

1. Оқушылардың сабақ барысында алған білімдерін түйіндеу.

2. Музыкалық дыбыстарды ажырата білуге үйрету.

3. Ойлау қабілеттерін дамыту, сөйлеу мәдениетін жетілдірy, музыкалық білімді жан-жақты өрістету.

Сабақ түрі: ашық сабақ

Көрнекілігі: тақырыпқа байланысты слайд-шоу, буклеттер, муз. аспаптар.

Техникалық құралдар: компьютер, интерактивті тақта.

Сабақ барысы:

Дауыс жаттығуы: до-dur дыбыс қатарымен төмен және жоғары дыбыстарды, үшдыбыстықты орындау.

Оқушылардың қызуғушылықтарын ояту: Музыка адам өмірінде үлкен және маңызды орын алады. Музыка адам бойындағы жақсы қасиеттерді дамытып, адамды жақсы болуға үйретеді. ......

Бүгінгі күнге дейін біз өз айналамыздағы, өз арнамыздағы музыканы тыңдап, музыканы түсінуге тырыстық. Қандай дыбыстар музыкалық дыбыстарға жатады қандай дыбыстар шулы дыбыстар болып есептеледі, жылдам және жай музыка туралы білдік осы жайлы бүгін әнгіме қозғалады соны білдік. Ең бастысы музыканы кім жазады есімізге түсірейік.

Слайд № 1. Суреттегі композитордың, ақынның, орындаушының құралын атап беріңдер.

Слайд №2. «Ән айту ережелері», «Музыка тыңдау ережелері»

Слайд № 3. Күнделікті өмірде біз әртүрлі дыбыстарды естиміз. Мысалы, құстардың сайрағанын, судың сылдырын, желдің үілін, тағы басқаларды. Судың сылдыры, жылқының кісінегені, масаның ызыңы, машинаның гүрілі-ол шулы дыбыстар. Шулы дыбыстардан әуен шықпайды.

Слайд № 4. Ал музыкалық дыбыстарды біз концерттерде, театрларда, радиодан, теледидардан, үнтаспадан музыкалық аспаптар арқылы ести аламыз.

Слайд № 5. Музыка қатты немесе ақырын орындалады. Ол адамның көңіл күйіне, әннің сөзіне, музыканың мазмұнына байланысты.

Оқушы: Қазақ халқының өлеңдерінің бірі - «Бесік жыры». Бұл әнде анасының сәбиіне деген тілегі жырланады. Ана бесікті тербетіп отырып, баласына деген ыстық лебізін білдіреді. Бесік жыры жұмсақ, жағымды, ақырын дауыспен орындалады.

Слайд № 6 Музыкада қоршаған ортадағы сияқты әртүрлі жылдамдықтар болады. Жай немесе тез, жылдам орындалатын музыкалар бар.Оны музыкалық жылдамдық деп атайды. Мысалы: тасбақа өте жай, асықпай жүреді, ал қоян жылдам жүгіреді. Сол тәрізді жай немесе жылдам орындалатын музыкалық шығармалар болады.

ән «Ана» хормен орындау.

Жаттығу әні: сөзі: Ә.Асылбек, әні: Е.Хасанғалиев «Жәй және жылдам» әнін орындау.(№ 11 трек)

Мұғалім : Музыка адамның көңіл күйіне әсер етеді. Музыкалық шығарманың алғашқы дыбысынан бастап ол қандай музыка екенін біз біле аламыз. Ол көңілді ме әлде көңілсіз бе. Олай болса музыканы тыңдап ажыратып көрелік.

Музыка тыңдау: әр ұлттық классикалық музыкасынан үзінді.

Тапсырма: Сурет арқылы музыканың көңіл күйін көрсету, әнгімелеу.

Музыкалық әуен қандай әсер берді сендерге, қандай музыка?

Ән орындау: сөзі: Д.Мүсіпров , әні: И.Нүсіпбаев «Ботақан» әні (№5 трек)

Оқушыларға сұрақ: Музыкалық шығармаларды орындау үшін адамға не қажет? оқушылар жауабы

Ойын: «Қандай музыкалық аспап?» ойыны . Музыкалық слайд көрсету, слайдта бірінші дыбысын естіп аспапты ажырату қажет.

«Әнді тап» ойыны. Слайдта көрсетілген ребусты шешіп қандай әннен алынған сөздер екенін ажырату.

Ән орындау: сөзі: Б.Ысқақов, әні. Ө.Байділдаев «Менің Отаным» әнін орындау хормен.

Қорытындылау: Музыканы тек қана орындап қана қоймай, музыка арқылы билеуге болады, музыканың тыңдауға болады, музыканы суреттеуге де болады. Музыкада суреттегі бояу тәрізді дыбыстардың да бояуы болады. Оны музыка әлемінде тембр деп атайды. Мысалы: Мысық пен арыстанның немесе тайық пен сиырдың дауытарында айырмашылықтар бар ма? Құстардың сайрағаны мен теңіздің толқынындағы дыбыстар бір-біріне ұқсамайды.