"Балапан арнасында"

ашық оқу қызметі: "Балапан арнасында"

Тобы:   «Еркетай» ересектер  тобы

Күні:     09.02.2018ж

Білім беру салалары:  «Шығармашылық», «Таным»

Бөлімі:  Музыка, Қарапайым математикалық түсініктерді қалыптастыру

Оқу қызмет  тақырыбы:  «Балапан арнасында»

Мақсаты: Музыкалық сипаттағы сабырлы әуенді, ән мазмұнындағы көңіл -күйді сезіне, қимылмен көрсете білу  дағдыларын қалыптастыру. Музыкалық мәнерлілік құралдары мен сипатын егжей- тегжейлі ажырату  қабілетін дамыту. Әннің ырғағын сақтай білу қабілеттерін дамыту. Би қимылдарын ырғақты сезініп,  жасауға баулу.  Салмақты бағдарлау. Заттардың салмағын анықтауға қызығушылықтарын арттыру. Достыққа тәрбиелеу.    

Қолданылатын көрнекі құралдар:   Интербелсенді тақта

Тілдердің  үштұғырлығын іске асыру:  достық-дружба- friendship,                                           балабақша- детский сад- kindergarten

Оқу қызмет түрі:  Флипчарт сабақ

Ұйымдастыру кезеңі 

2-бет Амандасу әні. 

3-бет Ән тыңдау: «Достық» Әли мен Айяның әні

Мотивациялық-қозғаушылық кезеңі

• Әнде не туралы айтылған? Достық дегеніміз не? Достарыңды ата!
• Әннің екпіні қандай? Көңіл күйі ше?
• Бұл әнді кім орындады?
• Әли мен Айя мульфилімін көресіңдер ме?
• Қай телеарнадан? (Балапан телеарнасынан)
• Дұрыс, ол телеарна сендерге ұнайды ма?
• Онда бүгін біз «Балапан» телеарнасына барайық
• Қандай көлікпен барсақ болады?

Балалар өз ойларын айта бастайды.

-Ендеше бәріміз автобусқа отырып Балапан арнасына барайық.

4-бет: «Автобус» жаттығу әні

Ұйымдастырушылық-ізденістік:

5-бет: Тақтадан «Балапан» арнасының гимні шығады.

Тақтадан жүргізуші сөйлеп тұрады. Сәлеметсіңдер ме, балалар!  Біздің телеарнамызға қош келдіңдер!

-Қазір телеарнада қандай бағдарлама болады екен?

6-бет: Тақтадан «Ән салайық» бағдарламасының бейнебаяны шығады

• Балалар, қандай бағдарлама? (Ән салайық)
• Демек, ән айтамыз.
• Қандай ән айту керек екенбіз?
• Алдыңғы оқу қызметінде қандай ән үйрендік?
• Әннің авторы кім?

7-бет: -Бота Бейсенованың суретін көрсету арқылы естеріне түсіру.

8-бет: Ән айту: «Балабақша» әні Б.Бейсенова

9-бет: Тақтадан музыкалық аспаптар туралы бейнебаян көрсетіледі.

-Балалар, не туралы айтылып жатыр? (Музыкалық аспаптар туралы)

Қараңдаршы, мында аспаптар шатасып жатыр екен. Оларды ойналу түріне қарай бөлейікші. Аспаптардың арасынан ұрмалы аспаптарды ажыратып, сандықшаға салу.

10-бет: Музыкалық –дидактикалық ойын: «Ұрмалы аспаптарды ажырат!»

-Жарайсыңдар, балалар! Тапқыр екенсіңдер!

11-бет: Тақтадан Балапан арнасының бағдарламасы «Кім тапқыр?»  басталады.

Тосын сәт: Залға «Кім тапқыр?»  бағдарламасының жүргізушісі Зере келеді. 

-Сәлеметсіңдер ме, балалар!  «Кім тапқыр?»  бағдарламасында берілетін тапсырмалар өте көп, сендердің тапқырлықтарыңды тексеріп көрейік.

12-бет: ҚМТҚ  пәнінен 1-тапсырма: «Жеңіл заттарды тауып, сөреге орналастыр!»

13-бет: Сергіту сәті: «Жүгіреміз» қимылды әні

14-бет:  2-тапсырма: «Сол жақтағы жүк машина ауыр заттарды, оң жақтағы жүк машина жеңіл заттарды тасиды. Сызып қос.»

15-бет: 3-тапсырма: «Қай зат ауыр болса, соны боя»

Зере: Жарайсыңдар, балалар! Недеген тапқыр, білімдісіңдер! Өздеріңмен бірге «Кім тапқыр?» бағдарламасын өткізген өте көңілді екен.

-Зере, сізге де көп рахмет! Бірақ біздің балабақшамызға қайтатын уақытымыз болды. Балалар, бақшамызға немен қайтамыз.

-Келгенде автобуспен әндетіп келгенбіз, енді шаршадық, тезірек жету үшін қандай көлікпен барған дұрыс?

Балалар өз ойларын айта бастайды.

-Ұшақпен ұшып барсақ, біз тез жетеміз. Сондықтан ұшақпен қайтайық. Балалар, Зеремен қоштасайық та ұшаққа мінейік.

 Зере қоштасып шығып кетеді.

16-бет: Ырғақты қимыл-қозғалыс: «Ұшқыштар»

17-бет: 

Қорытынды:

-Балалар біз қайда бардық, саяхатымыз ұнады ма?

-Бүгін сендер өз өнерлерің мен тапқырлықтарыңды жақсы көрсеттіңдер. Жарайсыңдар!

 «Қоштасу» әні.

Балалар қоштасып топтарына қайтады.

тәрбиеші: Г.Аясханова