Сан?а 2- ні ?осу

Жангалиева Замзагул Мырзагалиевна

Бастауыш сынып мұғалімі

БҚО. Зеленов ауданы, Чеботарев ауылы.

Чеботарев негізгі білім беретін мектебі.

Сабақтың тақырыбы: Санға 2-ні қосу, азайту.

Сабақтың мақсаты: Сандардың құрамы, қосу мен азайтудың кестелік жағдайлары туралы білімді бекіту. А) 2 санын қосу кестесін және сан құрамының сәйкес жағдайын білу, есептеулер жүргізуде қолдану біліктерін қалыптастыру. Ә) Тапқырлықты, ой ұшқырлығын және шығармашылық қабілетін, сөйлеу тілін, өздігінен әрекеттенуін дамыту. Б) Балалардың бойындағы рухани – адамгершілік қасиеттерін дамыту, қоршаған ортасымен ізгілік қарым – қатынасын қалыптастыру, дүниетанымын кеңейту, имандылыққа, сыйластыққа тәрбиелеу, еңбекке баулу.

Сабақтың типі: Оқып үйренгенін бекіту сабағы.

Сабақтың түрі: аралас сабақ

Сабақтың көрнекілігі: суреттер, плакаттар, үлестірмелі қима қағаздар т.б.

Барысы:

1. Ұйымдастыру жұмысы.

Амандасу. Сабаққа даярлау.

2. Психологиялық дайындық.

- Бір – біріміздің қолымыздан ұстап, алақан жылуы арқылы бір –бірімізге жылы лебіздер тілейік.

3. Балалар, қазір қандай сабақ? Бүгінгі біздің сабағымыз ерекше болмақ. Өйткені біз бүгін сабақта «Көмектесеміз» ойынын ойнаймыз.

- Балалар, қазір жылдың қай мезгілі? (қыс)

-Жақсы балалар, осы «қыс» мезгілінде болған бір оқиға (ертегі) айтып берейін.

- Қыстың бір шуақты күні өреске жайылып келу үшін, таңертең үйден шығып кеткен құлын, ешкі, қозы, бұзау өзеннен орманға өтеді. Кешке қайтпақшы болады. Бірақ олар аяқ басқан сайын өзендегі мұз сықырлап, шытырлап жарыла бастайды. Қорқып кеткен құлын, ешкі, қозы, бұзау мөңіреп, кісінеп, маңырайды. Олардың дауысын естіген қасқыр орманнан шығады. Бұл кезде Арман деген бала малдарын іздеп шыққан еді. Балаға жолыққан қасқыр менің тапсырмаларымды орындасаң малдарыңның қайда жайылып жүргенін айтамын дейді. Ал балалар, біз осы Арманға көмектесейік.

Қасқырдың 1-ші тапсырмасы:

-Қасқыр Арманға 10 –ға дейін, кері санап бер депті. Кім көмектеседі?

Қасқырдың 2-ші тапсырмасы:

• Қыс болғандықтан бұлттар күннің көзін жауып қалды дейді. Сол күннің көзін ашуға көмектес депті. Арманға күннің көзін ашуға бәріміз көмектесейік. Әр бұлтқа бір – бірден шығып бұлттың артындағы тапсырмасын орындап көрейік.

1. 2 3 2 9 2. 1 + 2 4 + 2 3. 7 – 2 4 – 2

2 5 6 2 2 + 2 5 + 2 6 – 2 3 – 2

2 0 2 4 3 + 2 6 + 2 5 – 2 2 – 2

• Қасқыр риза болып, малдардың өзен жақта жайылып жүргенін айтады. Бала өзенге барып бірінші қозыны құтқармақ болды. қозыны құтқару үшін артындағы есепті шығарып көрейік. Қане, кім көмектеседі?

№ 1

Ұзындығы 4 см және 2 см кесінді сыз, осы кесінділердің айырмасына тең кесінді сыз.

• Бәрекелді балалар, Арманға қозысын шығарып алуға жақсы көмектестік.

• Арман енді бұзауын құтқару керек. Ол үшін мына бұзаудың артындағы тапсырманы шығаруымыз керек.

№ 2

қалған санды жаз: 0, ..., 2, ..., 4, ..., 6, ..., 8, ..., 10.

• Осылай, Арманмен бірге бұзауды құтқардық.

Ендігі мұздан шығарып алатынымыз ешкі екен. Ешкі әрқашан қандай болып жүреді?

-Көңілді, секеңдеп, жүгіріп.

Ендеше, ешкіні құтқару үшін «Сергіту сәтін» жасайық.

Сергіту сәті.

• Енді, келесі кезекті құлын тұр екен. Құлынды құтқару үшін құлынның ауызындағы жапырақтың артындағы есепті шығарып көрейік.

№ 4

2

1

2

3

4

5

6

7

8

• Осылайша, біздің сыныптың балалары Арманға малдарын құтқарып алуға көмектесті.

4. Балалар, бүгінгі сабақта кез келген санға қандай санды қосып, азайтып үйрендік?

5. Мадақтау. Жұлдызша тарату. Қоштасу.