Открытый урок по обнавленной программе

Сабақ тақырыбы:

Заттардың қандай айырмашылығы бар? (2)

Мектеп: Чехов орта мектебі

Күні :

Мұғалімнің есімі: Шаханова Г.Б.

СЫНЫП: 1-сынып

Қатысқандар саны:

Қатыспағандар саны:

Оқу мақсаты:

Жиындарды элементтерінің белгілері (нысан-дардың түсі, пішіні, өлшемі, материалы, әре-кеті) бойынша құрады және жіктейді.

Алған білімдерін өмірде қолданады

Барлық оқушылар:

Оқушылардың басым бөлігі:

Кейбір оқушылар:

Ресурстар:

Оқушылардың әрбір жұбына арналған:

ұсақ пазл;

пластмасса ойыншықтар;

қағазқыстырғыштар салынған қораптар;

ұсақ магниттер.

Тірек сөздер

материал.

Сабақтың мақсаты:

Жасалған материалдары бойынша заттарды салыстыруға үйрету.

Сабаққа байланысты деректі материалдар

Сабаққа қатысты ескертпелер

Cабақ заттың жасалған материалын анықтауға бағытталған. Сабақта оқушылар тәжірибе жасау арқылы заттардың жасалған материалы бойынша айырмашылығы болатынына көздерін жеткізеді. Осы белгілері бойынша заттарды топтастыруды және қарама-қарсы белгілері бар заттарды салыстыруды үйренеді. Сабақ “Өзім туралы” тақырыбы аясында қарастырылады, сондықтан баланың күнделікті өмірде тұтынатын заттарды пайдаланғаны орынды. Оқушыларға жұппен жұмыс істеуді ұсыныңыз. Әрбір жұп үшін ұсақ пазл, пластмасса ойыншықтар, металдан жасалған кеңсе қағазқыстырғышы салынған қораптарды дайындап қойыңыз. Оқушылардан бұл қандай заттар екенін біліңіз және олар сабақта не үшін керек болатынын сұраңыз. Жауаптарын тыңдаңыз.

Барлық кеңсе қағазқыстырғыштарын бөлек қорапқа салу керектігін айтыңыз. Оқушылардан қалай әрекет ететіндерін сұраңыз. Жауаптарын тыңдаңыз. Аталған заттарды тезірек бөліп алу үшін не істеуге болады деп, олардың ойларын сұраңыз.

Оқушыларға ойын ойнауды ұсыныңыз.

Ойын шарты: Егер жүргізуші ағаштан жасалған затты көрсететін болса, оқушылар алақандарын соғады, егер темірден жасалған затты көрсетсе — аяқтарымен еденді тарсылдатады, қағаздан жасалған зат болса — орындарында үндемей қалады.

Суреттерге қара. Бұл заттарды қандай белгілері бойынша салыстыруға болады? Оқушыларға оқулықтағы суреттерге қарап шығуды және тапсырманы орындауды ұсыныңыз.

Оқушылар суреттерді талдап, берілген заттарды жасалған материалы бойынша салыстыруға болатынын айтады.

Жауабы:

металдан жасалған заттар: шанышқы, кіртасы, қайшы, ине; ағаштан жасалған заттар: сызғыш, қоршау, бөшке, орындық.

Шығарып көр. Тапсырманы оқушылар өмірден көргендеріне сүйеніп орындайды.

Суреттерді қарап, әр заттың қандай материалдан жасалғанын анықтауды ұсыныңыз. Суреттен көргендерін сараптай келе, оқушылар кейбір заттардың әртүрлі материалдан дайындалатыны жайлы қорытындыға келеді. Мысал ретінде ойыншық автомобильді алыңыз. Оны пластмасса, резеңке, шыны сияқты бірнеше материалдан дайындайды.

Орындап көр. Тапсырма оқушылардың заттарды қасиеттеріне байланысты салыстыру бойынша алған білімдерін жалпылауға арналған. Заттардың ішінен артығын табуды ұсыныңыз. Жауаптарын дәлелдеуді сұраңыз. Сыныптағы заттарды пайдаланып, осындай ойын ойластырып, тапсырманы күрделендіруді ұсынуға болады.

Жауабы:

а) егер пішіні бойынша салыстыратын болса, артық зат сызғыш болады, өйткені қарындаш және қаламның пішіндері бірдей. Егер заттарды жасалған материалы бойынша салыстырса, артық зат қалам болады, өйткені ол пластмассадан жасалған, ал қарындаш пен сызғыш ағаштан жасалған;

ә) егер пішіні бойынша салыстырса, артық зат теректің жапырағы. Егер түсі бойынша салыстырса, артық зат — сары түсті үйеңкі жапырағы; б) егер түсі бойынша салыстырса, артық зат — сары үшбұрыш, егер пішіні бойынша салыстырса, артық зат — жасыл шаршы.

1. Тілдік құзыреттілікті қалыптастыру

Қосымша тапсырмалар

Оқушылармен ойын ұйымдастырыңыз. Жүргізуші затты таңдап алып, қалған оқушыларға көрсетіп тұрып, тірек сөзді айтады. Оқушылар көрсетілген заттың қандай материалдан жасалғанын айтады. Дұрыс жауап берген оқушы ойынды жүргізуші қызметін атқарады. Ол тірек сөзді айтып ойынды жалғастырады.

Артық затты тап. Оқушылар берілген суреттер бойынша заттардың қандай материалдан жасалғанын анықтайды. Бірдей материалдан жасалған заттарды айналдыра сызып, әр қатардағы артық затты сызып тастайды.

Жауабы:

Белдемше мен шалбар матадан жасалған, артық зат — қағаз батпырауық;

Құмыра мен стақан шыныдан жасалған, артық зат — темір кастрөл;

Дәптер мен қойындәптер қағаздан жасалған, артық зат — шыныдан жасалған ыдыс.

Бағалау

Оқушылар сабақ соңында:

заттарды жасалған материалы бойынша салыстыруды;

заттардың негізгі қасиеттерін жасалған материалы бойынша ажыратуды меңгереді.

Оқушылардың бүгінгі сабақты қаншалықты меңгергенін тексеру мақсатында мынадай сұрақтар қойыңыз:

— Парта қандай материалдан жасалған?

— Дәптер мен оқулықты қандай белгілеріне қарап салыстыруға болады?

Әртүрлі материалдан жасалған үш затты мысалға келтіруді сұраңыз.

Оқушылармен жұмыс дәптеріндегі “Жетістік баспалдағымен” өзін-өзі бағалауға байланысты жұмыс өткізіңіз.