Открытый урок: "Ертегі еліне саяхат"

«Балдырған» балабақшасы

Макинка ауылы

Енбекшілдер ауданы

Ақмола облысы

тәрбиеші Шакирова Меруерт

Аманжуровна

Білім беру саласы: Таным

Тарауы: Қарапайым математикалық ұғымдарды қалыптастыру

Тақырыбы: «Ертегі еліне саяхат»

Мақсаты: Геометриялық пішіндерді тануы және білуі. Ауырды-жеңілді, үлкен-кішіні, математикалық қарапайым ұғымдарды қалыптастыру. Түр түсті, сандық жүйені танып білуі.

Құрал-жабдықтар: геометриялық пішінді карточкалары, карта-схемалар, жануарлар суреті, сандар.

Балалар, бүгін күн ерекше! Біздің сабағымызға қатысу үшін қонақтар келіп отыр№ Олай болса қонақтармен алдымен сәлемдесейік.

• Сәлеметсіздер ме?

Ал енді апайларға өзіміздің қандай балалар екенімізді айтайық.

Жылулық шеңбері:

Біз қандаймыз, қандаймыз!

Шұғылалы таңдаймыз.

Күлімдеген күндейміз,

Ренжуді біз білмейміз.

Қуанасың сен де,

Қуанамын мен де,

Арайлап атқан күнге.

Үлкенге де «Сіз»,

Кішіге де «Сіз»,

Баршаңызға құрметпен

Бас иеміз біз.

Сабақ барысы: Балалар енді біз сабағымызды бастайық.

/Сол кезде есік қағылады, почташы хат әкеледі/

Ғажайып сәт:

Почташы: Сәлеметсіңдер ме, балалар! Мен сендерге ертегілер елінен ғажайып хат әкелдім. Бірақ сендерге оны бермеймін. Менің сұрағыма жауап берсеңдер ғана беремін. Жауап бересіңдер ме?

Балалар: Жауап береміз.

Почташы: Олай болса тыңдаңдар!

• Аспанда күннің көзі нешеу? (біреу)

• Торғайдың неше көзі бар? (екі)

• Қолымызда неше саусақ бар? (бес)

• Бағдаршамның неше түсі бар? (үш)

• Көлікте неше доңғалақ бар? (төрт)

Жарайсыңдар балалар, өте ақылды, білгір балалар екенсіңдер? Мен сендерге хатты қуана-қуана беремін. Сау болыңдар!

Балалар: Сауболыңыз!

Тәрбиеші: /Хатты оқиды/ Қымбатты балалар, сәлеметсіңдер ме? Сендерді менің ғажайып ертегілер еліне шақырайын деп хат жазып отырмын. Сендер келсеңдер мен қатты қуанар едім. Құрметпен қызыл телпек!

Балалар сендер ертегілер еліне барғыларың келеді ме? Олай болса мына геометриялық пішіндер арқылы поед қурастырайық. Пішіндер үлкен, ортаншы және кішісі соңында тұруы қажет.

1-ші вагон сары түсті дөңгелектер.

2-ші вагон көк түсті үшбұрыштар.

3-ші вагон қызыл түсті төртбұрыштар

-Ал енді маған көк түсті үшбұрыш нешінші вагонда тұрғанын айтыңдаршы.

- Сары дөңгелегі бар пішін нешінші вагонда тұр?

- Қызыл төртбұрышы бар пішін нешінші вагонда тұр?

Жарайсыңдар балалар, поезд құрастырылды, әрқайсымыз енді вагондарға отырып жол жүрейік. Пуп-чух-чух 3- рет қайталау

Поезд «Күншуақ» аялдамасына келіп тоқтайды. Абайлаңыздар поезд тоқтайды, есік ашылады.

Тәрбиеші: Балалар қараңдаршы, күн үліп тұр ма, әлде жылап тұр ма?

Балалар: Жылап тұр.

Тәрбиеші: Неліктен жылап тұр?

Балалар: Шуақтары жоғалып қалыпты.

Тәрбиеші: Неше шуақ болуы керек бірге санайықшы!

Балалар: 1,2,3,4,5,6

Тәрбиеші: Неше шуағы түсіп қалған екен?

Балалар: үшеу

Тәрбиеші: Күннің түсі қандай

Балалар: Сары

Тәрбиеші: Шуақтарының пішіні қандай?

Балалар: Үшбұрыш

Ал олай болса мына пішіндердің арасынан сары түсті үшбұрыш пішінді тауып жапсырып қояйық. Ал балалар қараңдаршы енді күн седерге күліп сәулесін шашып тұр. Рахмет балалар! Жолдарың болсын дейді.

Жарайсыңдар балалар, күнге де көмектесіп үлгердікЕнді ары қарай кеттік. Пуп-чух-чух-чух- 2 рет қайталау және пх-пх-пх2 рет айту.

Балалар поезд қирап қалды. Біз поездан түсіп поезды жөндеуіміз керек. Олай болса біз төртіншісі артық ойынын ойнап, поезды қалпына келтірейік. Балалар бұл төртеуінің қайсысы артық. Балалар, поезд жөнделді, енді жолға аттануымызға болады.

Пуп-чух-чух-чух з рет қайталау.

Поезд «ертегілер» аялдамасына келіп тоқтайды. Абай болыңыздар, есік ашылады.

Балалар бұл аялдамада екі сөмке тұр екен. Қайцсысы ауыр, қайсысы жеңіл салыстырып көрейікші. Балалар мына суреттерге қараңдаршы, түйе қандай жануар? (үлкен, ірі жануар) Оның салмағы қандай ауыр ма жеңіл ме? Ал тиын қандай жануар (кішкентай). Сонда олардың қайсысы ауыр, қайсысы жеңіл деп ойлайсыңдар.

Балалар сендер жол жүреміз деп шаршаған боларсыңдар. Ендеше сергіту сәтін жасап бір тынығып алайық.

Сергіту сәті:

Орнымыздан тұрамыз,

Мойнымызды бұрамыз.

Қолымызды көтеріп.

Саусақты ашып, жұмамыз.

Енді қолды түсіріп

Иықты кері жіберіп,

Алақанды соғамыз

1-2-3-4

Жарайсыңдар балалар! Бізге міне қызыл телпектің өзі де келіп қалды.

Қызыл телпек: Сәлеметсіңдерме балалар! Сендерді көргеніме өте қуаныштымын. Келгендеріңе көптен –көп рахмет.

Енді менімен бір ойын ойнағыларың келе ме? Олай болса мына сандарды қараңдар. 1-ден 5-ке дейінгі сандар. Бәріміз бірге санайық. 1,2,3,4,5. Ал енді арттарыңа қараңдар. Бір сан жетіспейді, ол қандай сан кім айтады маған. Өте жақсы. Өздерің білгір, данышпан балалар екенсіңдер.

Сендерге менің мына сөмкемді сыйлық ретінде бергім келіп отыр. Ішінде тәтілер бар. Ал енді менің орманға қайтатын уақытым келді. Сауболыңдар!

Қорытынды: Осымен біздің шағын ойын-сабағымыз аяқталды. Назарларыңызғы көптен көп рахмет.

Күтілетін нәтиже:

Білуі керек: Пішіндерді ажырата білуі керек. Ауыр-жеңілді сезініп, оның айырмашылығын айта білу қажет.

Үйрену керек: Сан мен пішінді ажыратуды, санауды үйрену қажет.

Болу керек. Пішіндер, ауыр-жеңіл,үлкен кіші, математикалық қарапайым ұғымдары болуы қажет.