Натурал сандар және нөл саны.

Сабақ: № 1 
Пәні: Математика 
Күні:
Сыныбы: 5 сынып 
Сабақтың тақырыбы: І тарау. Натурал сандар және нөл саны. Натурал сандарды жазу. 
Сабақтың мақсаты: Оқушыларға натурал сандарды жазу жолдарын үйрете отырып, есеп шығару барысында қолдана білуге машықтандыру. 
Сабақтың міндеттері: 
Білімділік: Оқушылардың 4 сыныпта өтілген тақырыптар бойынша алған білімдерін тиянақтау, білімін есеп шығару барысында тексеру, өтілген материал мен жаңа материалды ұштастыру. 
Дамытушылық: Оқушылардың қорытынды жасау, нақтылау, жалпылау, есте сақтау қабілеттерін дамыту. Оқушылардың пәнге деген қызығушылығын ояту. 
Тәрбиелілік: Оқушылар берілген тапсырманы ұқыпты, шапшаң және тиянақты орындауға, ережелерді есте сақтап дұрыс қолдана білуге тәрбиелеу. 
Сабақтың типі: Жаңа білім, білік және дағдыларын игерту сабағы. 
Сабақтың түрі: Дәстүрлі сабақ. 
Сабақтың көрнекілігі: Тақырыпқа сай үлестірме қағаздары. 
Әдістері: Түсіндіру, сұрақ – жауап, өз бетімен жұмыс, топпен, жұппен жұмыс, бақылау. 
Пәнаралық байланыс: Қазақ тілі. 
Сабақтың барысы: 
І.Ұйымдастыру бөлімі. 
Оқушылармен амандасу, танысу, оқушы қатысымына және сынып тазалығына назар аудару. 
«Мен есімім?.» психологиялық ойынын өткізу. 
Әр оқушы өз есімін және есімі қай әріптен басталып тұр сол әріптен келетін өз бойында бар бір жағымды қасиетін айту. Мысалы, Алишер – ақылды, Аружан – ажарлы, Әйгерім – әдемі, Арлан– арманшыл, т.с.с. 
ІІ. Жаңа материалды игерту. 
Санауда қолданылатын 1, 2, 3, 4, 5, 6, 7, 8, 9,. сандары натурал сандар деп аталады. 1 саны – ең кіші натурал сан. Нөл саны натурал сандар қатарына жатпайды.
А тобы 
№ 3 есеп. Сандарды кластарға бөліп жазыңдар.
1) 46870 – 46 мың 870                                 3) 8215734 – 8 млн 215 мың 734
2) 315600 – 315 мың 600                             4) 246047000505 – 246 млрд 47млн 505

ІІІ. Есептер шығару. 
№ 4 есеп. Мына сандарды цифрлармен жазыңдар.
1)жеті жүз он – 710

2)төрт жүз отыз мың алпыс – 430060

3)бес жүз сегіз мың екі жүз отыз төрт – 508234

4)үш миллион жиырма бес мың алты – 3025006

5) отыз екі миллион он бес мың жеті жүз екі - 32015702
IV. Қортындылау. 
- Натурал сандар не үшін қолданылады? 
- Ең кіші натурал сан неше? 
Рефлексия:
- Оқушылар енді алдарымызда жатқан суреттерге қарайық. Кім «мен бүгін сабаққа өте жақсы қатыстым. Бәрін түсіндім» дегендерің күліп тұрған баланың суретін көтеріңдер. Бұл 5 деген баға.
- Ал «мен бүгінгі сабақты жақсы түсіндім, сабаққа жақсы қатыстым бірақ, дұрыс жауап бере алмадым. Келесі сабақта жақсы жауап берем» дегендерің жайдары тұрған баланың суретін көтеріңдер. Бұл 4 деген баға.
- Ал «мен сабаққа дұрыс қатыса алмадым» дегендерің мұңайып тұрған баланың суретін көтеріңдер. Бұл 3 деген баға. Бірақ бұл суретті ешкім көтермейді деп ойлаймын. Өйткені барлықтарың да сабаққа жақсы қатыстыңдар. Жарайсыңдар!
Кері байланыс парағын беру.

V. Үйге тапсырма беру. 

Үйге:  № 4 – ті аяқтау, 5, 6,  9 есептерді шығару. 
VI. Бағалау. 
Сабаққа белсене араласқан оқушыларды бағалау. Бағаны талдау. 

Үй тапсырмаларының шығарылуы

№ 5 есеп. Мына сандарды кластар атауымен жазыңдар.

1) 70563 – 70 мың 563

2) 4036008 – 4 млн 36 мың 8

3) 435072601 – 435 млн 72 мың 601

4) 8617500324 – 8 млрд 617 млн 500 мың 324.

№ 6 есеп. Қандай сан разрядтық қосылғыштардың қосындысы ретінде жазылған.

1) 9∙100 + 6∙10 + 5 = 965

2) 5∙1000 + 7∙100 + 3∙10 + 6=5736

3) 8∙10000 + 5∙1000 + 4∙100 + 2=85402

4). 7∙10000 + 3∙1000 + 9∙10 + 4=73092

№ 9 есеп. Есептеңдер.

1) (3377+783):8=4160:8=520;

2) (2465-917):18=1548:18=86;

3) (1401+975):24=2376:24=99;

4) 45∙28 – 290=1260-290=970;

5) 16∙39:24 + 74=26+74=100;

6) 330:22∙8 – 30=15∙8-30=120 – 30=90;

​​