Натурал сандарды азайту

Күні: 17.09.2014ж

Сабақтың тақырыбы: §6. Натурал сандарды азайту

Сабақтың мақсаты:

Білімділік:  Оқушылардың оқу қабілеттерін, білім-білік, таным ерекшеліктерін арттыру,көркемдік ерекше талдауға үйрету,мәтін арқылы сөздік қорын молайту.

Дамытушылық:  Есте сақтау қабілетін дамыту,жан-жақты ойлау қабілетін дамыту,білім, білік дағдысын, іскерлікті дамыту.

Тәрбиелік:  Ұйымшылдыққа тәрбиелеу,төзімділікке тәрбиелеу, әрбір істі саналы түрде орындауға тәрбиелеу.

Сабақ көрнекілігі: Компьютер, оқулық.

Сабақ түрі: аралас сабақ

Сабақ типі: Жаңа сабақ

Сабақ әдісі: Түсіндіру, сұрақ-жауап,хабарлау.

Сабақтың барысы:  

І. Ұйымдастыру кезеңі: 

а) Сабаққа қатысып отырған оқушыларды ұйымдастыру.

ә) Оқу-құралдарын түгелдеу, реттеу.

б) Олардың көңіл-күйіне, денсаулығына баса назар аудару.

ІІ. Үй тапсырмасын сұрау : №83, №84 – В деңгейінен есептер (Оқулықтың 30 - беті).

ІІ. Жаңа сабақ:

а – в = с теңдігінде а – в өрнегі – айырым, а – азайғыш, в – азайтқыш, с - айырымныңм мәні екені белгілі.

Сендер бұрын 870 – 90 түріндегі азайтуды төмендегідей ыңғайлы тәсіл арқылы орындадыңдар: алдымен 870 санынан 70 саны, одан кейін 20 саны азайтылды. Осы талдауды 870 – 90 = 870 – (70 + 20) = (870 -70) – 20 =800 – 20 = 780 түрінде жазуға болады. Бұл жағдайда төменгі ереже қолданылады.

Саннан қосындыны азайту ережесі: саннан қосындыны азайту үшін ол саннан бірінші қосылғышты азайтып, осы шыққан айрымның мәнінен екінші қосылғышты азайту керек.

Сендер 640 – 400 түріндегі айырымды мына тұжырымды қолданып орындауды үйрендіндіңдер. Яғни, 640 санынан 400 санын азайту үшін 600 санынан 400 санын азайтып , шыққан нәтижег 40 санын қосу керек. Мұны 640 – 400 = (600 + 40) – 400 = ( 600 – 400) + 40 = 200 + 40 = 240 деп жазуға болады. Бұл жағдайда келесі ереже қолданылады.

Қосындыдан санды азайту ережесі: қосындыдан санды азайту үшін қосылғыштардың бірінен (ол саннан артық) берілген санды азайтып, шыққан айырымның мәнін екінші қосылғышқа қосу керек.

Мысалы, (9 + 4) – 3 = ( 9 – 3) + 4 = (4 – 3) + 9.

Бұл теңдіктердің ақиқаттығын жоғарыдағы мысалда түсіндірілгендей координаталық сәуленің көмегімен немесе есептеу арқылы өздерің дәлелдеп өріңдер.

Қосынды және айырымда «+» және «-» белгілері үшін сәйкесінше «қосынды» және «айырым» сөздері айтылса, онда сандарды ілік септігінде оқиды.

Мысалы, 23 + 56 өрнегі жиырма үш және елу алты сандарының қосындысы; 352 – 67 өрнегі үш жүз елу екі мен алпыс жетінің айырымы деп деп оқылады.

Мысалы, 57 – 29 өрнегінің оқылуы : елу жетіден жиырма тоғызды азайту.

ІҮ. Білімді бекіту:

1. Қосындыдан санды азайту және саннан қосындыны азайту қалай орындалады?

2.  Қандай да бір сан мен нөлдің айырымының мәні неге тең?

3. Егер қандай да бір саннан сол санға тең санды азайтса, айырымның мәні неге тең болады?

4. Қосындыдан санды азайту ережесін әр уақытта қолдануға бола ма?

5.     Есептер шығару:

А деңгейінің тапсырмалары

№85. 1) 4 – 1; 6 – 2; 9 – 3; 11 – 2;

2) 20 – 10; 30 – 10; 40 – 0; 90 – 40 айырымының мәнін координаталық сәуледе кескіндеңдер.

№ 86. Азайтуды орындаңдар:

1. 22 410 – 9 812; 3) 146 030 – 91 878;

2. 36 003 – 27 765; 4) 201 210 – 65 544.

Жауабы: (12 598; 8 238; 54152; 135 666).

№87. Қосуды орындап, нәтижесін азайтумен тексеріңдер:

1. 75 321 + 10 829; 3) 84 013 + 61 728;

2. 10 049 + 33 146; 4) 31 048 + 82 716.

Жауабы: (86 150; 43 195; 145 741; 113 764).

Сабақты бекіту кезеңі:

Осы тақырыпта не үйрендік? Азайтудың қандай ережелері бар?

Бағалау. Сыныпта белсенді қатысып отырған оқушылар бағаланады.

Үйге тапсырма:

Үйге: № 88, №94 – А деңгейінен есептер ( оқулықтың 32 -33 беттері).