Геометрияның негізгі ұғымдары

Бейсембаева Бибігүл Адығұлқызы

Алматы қаласы

Ғ.Мүсірепов атындағы

№86 мектеп-гимназиясы

Математика пәнінің мұғалімі.

КМЖ Жоспары

7-сынып геометрия

МҰҒАЛІМГЕ АҚПАРАТ s

Тақырыбы: • Геометрияның негізгі ұғымдары

Мақсат:

Білімдік

Жаңа білім

•   Геометрия ғылымымен танысу. Ғылымның дамуына атсалысқан ғалымдарды тану. Геометрияны шынайы өмірдегі пайдасын және қолданылысын түсіну. Геометрияның салалары мен негізгі ұғымдарын түсіну.

Жаңа түсінік

•   Жалпы геометрияның нені зерттейтінін түсіну. Планиметрия мен стереометрияның геометрияның салалары екенін және олардың не зерттейтінін түсіну. Аксиома, анықтама  дәлелдеудің геометрия әлеміндегі қолданылысын түсіну.

Құзырлылық

Қолданым әрекеті

•  Геометрияның шынайы өмірдегі қолданымын анықтау.

Талдау әрекеті

•   Геометриядағы негізгі ұғымдар, аксиомалар және анықтамалардың айырмашылықтарын талқылау.

Шығармашылық әрекет

•  Шынайы өмірдегі геометрияның рөлін талқылау және өмірден мысалдар келтіру.

Құнды-лық

Бағамдау әрекеті

•  Геометрияның өмірдегі рөлін қорытындылау. Планиметрия және стереометрияның әрқайсысының өз саласындағы орнын және рөлін қорытындылау.

Сабақ құрылымы:

І.   Ақпарат алмасу (10 мин.).

ІІ.Алғашқы бекіту (5 мин.).

ІІІ.Құзырлылық қалыптастыру (15 мин.).

ІV.Шығармашылық қалыптастыру (10 мин.).

V.Бағамдау-бағалау (5 мин.).

Сабақ типі:  фронтальді, жұптық, топтық.

Оқыту әдісі: репродуктивті, ішінара ізденушілік.

Мұғалім іс-әрекетінің тәсілі:

•оқушыларға бағыт-бағдар, қажет болған жағдайда көмек   береді

Негізгі ұғымдар мен терминдер:

• геометрия, фигура, планиметрия, нүкте, кесінді, сәуле, үшбұрыш, төртбұрыш, сәуле, шеңбер, стереометрия, пирамида, конус, шар, цилиндр, анықтама, негізгі ұғымдар, дәлелдеу, аксиома.

Оқушыда дағды қалыптастыру:

• тақырып бойынша әртүрлі танымдық сұрақтарды шешу, белгілеген мақсатқа қол жеткізу, өзін-өзі дамыту, топпен жұмыс істеу және топ жұмысының нәтижесін көру, өз ойын сынып алдында қорғай білу.

Ақпарат көздері:

1. Ж.Қайдасов, Г.Досмағанбетова, А.Абдиев “Геометрия” 7сынып оқулығы. Алматы «Мектеп» 2012.

Оқушы жетістігін бағалау:

• оқушыға сабақ блоктарының деңгейлік тапсырмаларын уақытылы орындауы, топтық жұмысқа қатысуы мен үй жұмысын орындауына байланысты баға қойылады

Үй тапсырмасы:

• Келесі сабаққа дайындық тапсырмасы:

Планиметрия нені зерттейді? Планиметрия фигураларын ата.

•Бонус-балл тапсырмасы:

Планиметриялық фигуралардың өмірдегі қолданысы жайлы қысқаша мақала жазыңыз.

САБАҚ БЛОКТАРЫ s

і. аҚПАРАТ алмасу

Тақырып жоспары:

Кіріспе:

1. Геометрия
2. Ғылымның дамуына үлес қосқан ғалымдар.
3. Геометрияның қолданысы
4. Геометрияның салалары
5. Планиметрия
6. Стереометрия
7. Анықтама
8. Негізгі ұғымдар
9. Дәлелдеу
10. Аксиома

Слайдтар:

1-слайдГеометрияныңнегізгіұғымдары

2-слайд

• Геометрия-заттардың формасын, өлшемін және де өзара ара-қатынастарын зерттейтін ғылым саласы.

3-слайд

• Геометрия ғылымы ғасырлар бойы жаңа теоремалар мен формулалар ашылуы арқылы дамып, толықтырылып отырған. Ғылымның дамуында ерекше рөл атқарған ғалымдар:

4-слайдГеометрияның қолданысы

• Өмірге байланысы бар есептер;
• Қоршаған ортаны тану;
• Логикалық ойлау қабілетін дамыту
• Көптеген маңызды мамандықтардың негізі         

( Архитектор, құрылыс инженері, скульптор т.б.)

5-слайдГеометрияның салалары

6-слайд                                             Планиметрия

• Планиметрияда  бір жазықтық бойында жататын, көлемсіз геометриялық фигуралар зерттеледі. Оларға: нүкте, кесінді, сәуле, үшбұрыш, төртбұрыш, шеңбер және т,б фигуралар жатады.

7-слайд                                          Стереометрия

Стереометрияда белгілі бір  көлемі бар геометриялық фигуралар зерттеледі. Оларға: Пирамида, конус, шар, цилиндр және т. б. Фигуралар жатады.

8-слайд                                           Анықтама

• Жаңа ұғымдардың мағынасын бұрыннан белгілі ұғымдар арқылы түсіндіретін сөйлемді анықтама деп атаймыз.

• Төртбұрышты анықтау үшін нүкте, кесіндісекілді бұрыннан белгілі ұғымдардыпайдаланамыз.  Себебі төртбұрыш нүктемен кесінділерденқұралады.

9-слайд                                            Негізгі ұғымдар

 Анықтамасыз қабылданатын ұғымдар негізгі ұғымдар деп аталады.

 Негізгі ұғымдардан бұрын анықталған ұғымдар болмағандықтан, бұл ұғымдарға анықтама   жоқ.

10-слайд                                                 Дәлелдеу

• Берілген тұжырымдаманы ретімен талдау арқылы ақиқаттығына көз жеткізу оны  дәлелдеу  деп аталады.

11-слайд                                               Аксиома

• Ақиқаттығы дәлелдеусіз қабылданатын сөйлем аксиома деп аталады.

іі.алғашқы бекіту

Мына кестені толтыра отырып сабақтың мазмұны бойынша қорытынды шығар.

Планиметрия

Стереометрия

Қорытынды:______________________________________________________________

ііі.құзырлылық қалыптастыру

+ Деңгейлік тапсырмалар:

І деңгей тапсырмалары

1. Геометрия дегеніміз не?

2. Геометрия ғылымының дамуына үлес қосқан ерте заман ғалымдарын ата.

3. Геометрия неше салаға бөлінеді және оларды ата?

4. Шар, кесінді, конус, цилиндр, сызық. Осы фигураларды геометрияның қай саласы зерттейтінін ата.

IІ деңгей тапсырмалары

5.  Кез келген екі нүктені белгіле.

6. Екі нүкте арқылы түзу сыз;

7. Екі нүктенің ара қашықтығын өлшеп дәптерге жаз.

IIІ деңгей тапсырмалары

8. Екі нүкте арқылы неше түзу жүргізуге болады?

іV.шығармашылық әрекет

_Топтық жұмыс.

Сынып екі топқа бөлінуі керек.

I топ

   Планиметриялық фигуралар жөнінде өмірден мысалдар келтіріп, қолданылуы жайлы деректер беруі тиіс.

II  топ

   Стереометриялық фигуралар жөнінде өмірден мысалдар келтіріп, қолданылуы жайлы деректер келтіруі қажет.

V.бағамдау-бағалау

ìСабақтың мақсатына қалай қол жеткізгендігің туралы эссе жаз.

______________________________________________________________________

__________________________________________________________________