Сыныптан тыс іс-шара

ӨҚӘ «Қ. Нұрғалиев атындағы №43 мектеп-лицейі» КММ

Сыныптан тыс іс-шара

Мұғалім : Акитбаева М.Е.

Математика пәніне деген қызығушылықты дамыту мақсатында өткізілген сайыс түріндегі сабақтар оқушылардың белсенділігін арттырып, ізденімпаздыққа, өз беттерінше еңбектенуге тәрбиелейді.

Оқушыларымен өткізген «Көңілді тапқырлар» сайыс сабағының жоспары ұсынылады. Алдын-ала оқушыларды екі топқа бөліп, топ жетекшілерін сайлаймыз. Қазылар алқасына математика пән мұғалімдері сайланады.

Сайыстың тақырыбы: «Көңілді тапқырлар»

Мақсаты:

Білімділік: математика пәніне деген қызығушылықты арттыру

Дамытушылық: Оқушылардың ой-өрісін, шығармашылық қабілетін дамыту.

Тәрбиелік: оқушыларды алғырлыққа, тапқырлыққа, шапшаңдыққа тәрбиелеу

Түрі: математикалық сайыс

Әдісі: топ бойынша жұмыс

Математикалық сайыстың бағдарламасы:

1–бөлім Жүргізушілер сөзі

2–бөлім 1 тур Сәлемдесу

2 тур «Көңілді балық аулау» ойыны (логикалық есептер шығару)

3 тур «Ойлан, тап!» (тізбектегі белгісіз санды тап)

4 тур «Тапқыр болсаң, шешіп көр» (фигуралар құрау)

5 тур Топ басшылары сайысы

6 тур «Кім жылдам?»

7 тур «Әр қолда- өзінің ісі»

3-бөлім Қорытындылау Әр тапсырма 5 баллдық жүйемен бағаланады.

Кіріспе сөз: Бүгінгі шкірт-ертеңгі азамат. Сол азамат бойында тапқырлықты, алғырлықты қалыптастыру мектеп қабырғасынан басталады. «Білімді азамат-ел ертеңі», «Білекті бірді, білімді мыңды жығар» деген халықтың даналық сөзі бар.

1 жүргізуші: Құрметті ұстаздар, оқушылар! Назарларыңызға «Әл-Фараби» мен «Әл-Хорезми» тобының қатысуымен өткізілгелі отырған «Көңілді тапқырлар» сайысын ұсынбақшымыз. Ден қойып тыңдап, өздеріңізге қажеттілеріңізді тауып қайтуларыңызға тілектеспіз.

2 жүргізуші

Көңілді тапқыштар, білгіштер,

Бар өнерін алдарына салады.

Кім білімді, көп оқыған болса егер,

Бүгінгі күн жеңімпазы болады.

1 жүргізуші

Өмірде ойлап тұрсақ, бәрі де есеп,

Ауырсаң ішетұғын дәрі де есеп.

Есепсіз сүрген өмір мазмұнсыз-ау,

Дүниенің бар тұлғасы есеп десек.

2 жүргізуші

Бүгінгі сайыс барысын қадағалап отыратын, әділ бағасын беретін-әділ қазылар тобымен таныстыра отырып, олардан:

Шеберлікті, білімді

Сараптап сіздер көріңдер

Әділ қазы алқасы,

Әділ баға беріңдер! -деп өтінеміз.(әділ қазылар тобымен таныстыру)

1 жүргізуші

Есептен сайысады қос команда,

Алға озар ең мықтысы осы жолда

Көпшілік өнерлерін қызықтамақ,

Сұрайық шығуларын жұрт алдына-дей келе ортаға сайыскер командаларды шақырмақпыз.

1 тур Сәлемдесу

Әл-Фараби тобы:

Бастары компьютердей,

Бойлары бәрі бірдей

Жастықты бірге өткізген

Құрбыларға өрімдей- сәлем!

Ұраны: Тартысайық сайыста күш-жігермен

Айырылысайық қимас дос көңілменен

Әл-Хорезми тобы:

Құны бір құрдас

Жаны бір жан дос

Тілегі бір, жүрегі бір

Сендерге де бір сәлем!

Ұраны: Білімді қару етіп, серік етіп,

Болашақтың есігін біз ашамыз!

2 тур «Көңілді балық аулау» ойыны. Қағаздан жасалған балықтар артында есептер жазылған. Оқушылар қармаққа ілінген балықтың артындағы есепті шығарады. Егер есептің шешуі дұрыс болса, топқа 5 ұпай жазылады. Шеше алмаса өз тобынан көмек сұрайды.

3 тур Ойлан тап! Тізбектегі белгісіз санды табу керек

4 тур Тапқыр болсаң шешіп көр! Фигурадан фигура құрастыру

5 тур Топ жетекшілері сайысы.Ойлануға 30 сек.

6 тур «Кім жылдам?»

7 тур «Әр қолда -өзінің ісі» Әр топтан бір-бір ойыншы шығып тақтада сол қолмен үшбұрыш, оң қолмен шеңбер салады.Келесі топ оң қолмен төртбұрыш, сол қолмен шеңбер салады.

1 жүргізуші:

Білім деген биік шың,

Бақытқа сені жеткізер

Білім деген ақылшың

Қиындықтан өткізер,-деп бүгінгі білім сайысын қорытындылаймыз.

3-бөлім Қорытынды шығару

Әділ қазылар алқасы сайыстың жеңімпаздарын анықтап, оларды құттықтайды. Екі топқа да сыйлық тапсырылады.

2 жүргізуші: Зейін қойып тыңдағандарыңызға көп-көп рахмет. Келесі кездескенше сау болыңыздар!