"Кім к?п біледі?"

Майтүбек жалпы орта білім беретін мектеп

“ К і м к ө п б і л е д і ? ”

Сабақтың мақсаты:

Білімділігі: сабақтан тыс уақытта оқушылардың математика пәніне қызығушылығын арттыру;

Тәрбиелілігі: тез ойлау қабілеттерін, ауызша есептеу қабілеттерін дамыта отырып, шапшаңдыққа, жылдамдыққа тәрбиелеу;

Дамытушылығы: математика пәнінен алған білімдерін тексеру, логикалық ойлау қабілеттерін дамыту.

Жоспар:

1-бөлім. Білімді мыңды жығар

2-бөлім. Геометрияға саяхат

3-бөлім. Викториналық сұрақтар

Әділ қазылар алқасын сайлаймыз. Ойынға қатысушы екі топ ортаға шақырылады: «Эврика» және «Пифагор» топтары.

1-бөлім

Математика мен математиктер жайлы тәрбиелік маңызы бар сөздер айтылады. Әр жауап 1 ұпаймен бағаланады.

1. «Ақыл-ойды тәртіпке келтіретін математика» (М.В.Ломоносов)

2. «Математика – барлық ғылымдардың тұңғышы және ойларға пайдалы да, қажетті» (Р.Бэкон)

3. «Физиканың оң қолы химия боса, ал математиканың оның көзі» (М.В.Ломоносов)

4. «Математиканың өз тілі бар – ол формула» (С.В.Ковалевская)

5. «Табиғатта барлығы өлшенеді, барлығы саналады» (Н.И.Лобачевский)

6. «Адамның даңқы – оның ойлау қабілетінде» (Паскаль)

Әділ қазылар алқасына сөз беріледі. Әр топтың ұпай саны айтылады.

2-бөлім

1. Фигураларды зерттейтін ғылымды не дейміз? (геометрия)

2. Жазықтықтағы негізгі тригонометриялық фигураларды ата (нүкте мен түзу)

3. Тұрмыста қандай геометриялық фигураларды білесіңдер? (үшбұрыш, төртбұрыш, шеңбер)

4. 180⁰, 90⁰, 120⁰, 45⁰ –қа тең болатын қандай бұрыштар? (жазыңқы, тік, доғал, сүйір)

5. Шаршының периметрі 44 см, қабырғасы нешеге тең? (11 см)

6. Тең қабырғалы үшбұрыштың қабырғасы 8 см, периметрін тап? (24 см)

7. Егер параллелограмның диагональдары тік бұрыш жасап қиылысса, ол қандай параллелограмм? (ромб)

8. Египет үшбұрышы деп қандай үшбұрышты айтамыз? (тік бұрышты үшбұрыш)

9. Пифагор теоремасы не жайында? (тік бұрышты үшбұрыш гипотенузасының квадраты оның катеттерінің квадраттарының қосындысына тең болады)

10. Планиметрия – геометрияның қандай бөлімі? (геометрияның жазықтықтағы фигураларды зерттейтін бөлім)

11. Бұрышты өлшейтін құрал? (транспортир)

12. Аксиома дегеніміз не? (дәлелдеуді қажет етпейтін тұжырым)

Әділ қазылар алқасына сөз беріліп, қатысушы топтардың ұпай саны айтылады.

3-бөлім

1. Егер 1 жұмыртқаны 4 минут қайнатса, 5 жұмыртқаны неше минут қайнатады? (4 минут)

2. 50-ді ½-ге бөліп 3-ті қосыңдар, нәтижесі қанша шығады? (103)

3. Математик кішкентай қалашыққа тоқтады да, шашын қырықтырмақшы болды. Қалада тек 2 шаштараз бар. Бірінші шаштараздағы шебердің шашы онша жақсы қырқылмаған. Математик қай шеберге барады? (Біріншіге)

4. Төрт ағайындының әрқайсысының бір-бірден қарындасы болған. Жанұяда неше бала болған? (5)

5. Бөлмеде екі ана және екі қыз болған. Бөлмеде неше адам болған? (3 адам: әжесі, анасы, қызы)

6. Егер екі бірдей кірпіштің салмағы 8 кг болса, бір жарым кірпіштің салмағы қанша болады? (6 кг)

7. Жұмулы көзбен нені көруге болады? /түс/

8. 31-ші ақпан күні не болды? /31 ақпан болмайды/

9. Екі күн бойы жаңбырдың жауыуы мүмкін бе? /жоқ, өйткені күндердің арасында түн бар/

10. Тауық бір аяқпен тұрғанда, оның салмағы 2 кг болады. Ал екі аяқпен тұрғанда оның салмағы қанша болады? /2 кг/

11. Әженің Мирас атты немересі, Ақтөс деген иті және Пушок деген мысығы бар. Әжеде неше немере бар? /1 немересі Мирас/

12. Төрт аққайың өсіп тұр. Әр қайыңның төрт бұтағы бар, әр бұтақтың төрт сабағы бар. Әр сабақта төрт алма өсіп тұр. Сонда қанша алма бар?

/Аққайыңда алма өспейді/