Сабақтың тақырыбы: Сиқырлы сандар әлемі («С» дыбысын айтуға машықтандыру)
Ертаева Жазира Абдумажитовна.
№ 3 облыстық балалар оңалту орталығы,
логопед, Қызылорда облысы, Шиелі кенті
Сабақтың мақсаты:
1. Білімділік. Балаларды 1-5 аралығындағы сандардың таңбалануымен таныстыра отырып, «с» дыбысын сөз басында, ортасында айтуға машықтандыру.
2. Түзете-дамытушылық. Баланың байланыстырып сөйлеу тілін жетілдіру, саусақтардың қимыл-қозғалысын, сөздік-логикалық ойлауын, белсенді және енжар сөздік қорын дамыту, жазу дағдыларын, сөйлеу барысында дұрыс тыныстауды қалыптастыру.
3. Тәрбиелік. Баланы тазалыққа, ұқыптылыққа тәрбиелеу.
Дидактикалық материалдары : Сандар, карточкалар, Сеген тақтайшасы, пазлдар, шыныаяқ, сандар бейнеленген кілемше, Монтессори материалдары, түрлі түсті қағаздар т.б
Сабақтың барысы:
I. Ұйымдастыру кезеңі.
- Баламен сәлемдесу.
-Сәлеметсіңдер ме, балалар.Бүгінгі көңіл-күйлерің қалай?
-Жақсы (балалар жымияды)
Мимикалық жаттығуы. «Жымию»
II. Артикуляциялық жаттығулар жасау.
- Ал,енді, балалар сабағымызды бастайық. Сабағымызды әдеттегідей артикуляциялық жаттығудан бастайын десем, жаттығулар бейнеленген парақшаларымызды жоғалтып алдым.
- Олай болса, маған сол жаттығулар бейнеленген парақшаларды табуға көмектесесіңдер ме?
- Ия.
1. «Кесе» – Ауыз кең ашық. Жалпақ тілді жоғары тіске қарай көтеріп 10-15 сек ұстап тұру керек. Бірақ тіл тіске тимеуі керек.
2. «Піл» - Ернімізді жауып тұрып, алға қарай созамыз, пілдің тұмсығын көрсетеміз.
3. «Футбол» - Ауыз жабық. Тілімізбен ұртымызды кезек-кезек ұрғылаймыз.
4. «Тәтті бәліш» - Ауыз ашық. Тілімізді алға шығарып, жалпақ қылып 10 сек ұстап тұру қажет.
5. «Сайқымазақ» - аузымызды ашып, мұрынмен тыныс алып, ауызбен тыныс шығару арқылы жасалынады.
ІІІ. Жаңа сабақ
Монтессори педагогикасының «Кедір-бұдырлы сандар» арқылы таныстыру.
- Балалар, бүгін біз 1-5 сан аралығындағы сандардың таңбалануымен танысамыз. Ол үшін бізге мына кедір-бұдырлы тақтайшалар мен жарма ұнтағы салынған ыдыс көмектеседі.
- Мына санымыздың атауы - бір. Бір саны түзу сызықшаға ұқсайды екен. Қанекей, қолымызбен мына тақтайшадағы санды жазып, сезініп көрейікші. Содан соң мына жарма ұнтағында осы санның бейнесін қайталайық.
- Мына санымыздың атауы - екі. Екі саны басы иілген соңы да қайырылған жыланның бейнесіне ұқсайды екен.Қанекей, қолымызбен мына тақтайшадағы санды жазып, сезініп көрейікші. Содан соң мына жарма ұнтағында осы санның бейнесін қайталайық.
- Мына санымыздың атауы - үш. Үш саны қосылған екі жарты дөңгелекке ұқсайды екен. Қолымызбен мына тақтайшадағы санды жазып, сезініп көрейікші. Содан соң мына жарма ұнтағында осы санның бейнесін қайталайық.
- Мына санымыздың атауы - төрт. Қолымызбен мына тақтайшадағы санды жазып, сезініп көрейікші. Содан соң мына жарма ұнтағында осы санның бейнесін қайталайық.
- Мына санымыздың атауы - бес. Қолымызбен мына тақтайшадағы санды жазып, сезініп көрейікші. Содан соң мына жарма ұнтағында осы санның бейнесін қайталайық.
- Енді, балалар, біз сандардың таңбалануымен танысып алдық. Енді ойын ойнауға дайынсыңдар ма?
- Ия (Балалардың жауабы)
«Логопедиялық тренажер» ойыны.
Ойын мақсаты: баланың сөздік –логикалық ойлауын дамыту, фонематикалық есту қабілетін қалыптастыру,белсенді және енжар сөздік қорын молайту.
Құрал-жабдығы: тренажер кілемшесі, текше.
Ойын барысы: балалар кезегімен тренажердің үстіне текшені лақтырады. Текшедегі сан мен тренажердағы сан сәйкес келсе, тапсырма орындалады.
1. Фонематикалық есту қабілетін дамытуға арналған ойын –жаттығуы.
«Мен айтамын, сен қайтала »
Құрал-жабдығы: моншақтар, түрлі түсті ыдыстар
Ойын шарты: баланың алдына моншақтар мен сандар жазылған ыдыстар беріледі. Осы ыдыстарға саны қарай «са, со, си, су,сы» буындарын қайталап салып шығуы қажет.
2.Сөйлеу барысында дұрыс тыныстауды қалыптастыруға арналған жаттығу
«Шарикты қозғау»
Ойын мақсаты: баладағы дұрыс тыныстау деңгейін қалыптастыру, дамыту.
Құрал-жабдығы: шыныаяқ,шариктер
Ойын шарты: баланың алдына су толтырылған екі шыныаяқ қатарымен қойылады. Су бетіне шарикты қойып, бала мұрынмен тыныс алып, ауызбен тыныс шығарып үрлеуі қажет.
3.Сөйлеу тілінің лексико-грамматикалық құрылымын дамытуға арналған ойын жаттығуы
«Ғажайып тақтайшалар»
Құрал-жабдығы: тақтайшалар
Ойын шарты: баланың алдына сандар мен түрлі заттар бейнеленген тақтайшалар беріледі. Сол тақтайшаларды заттың санына қарай табуы қажет.
4.Жазу дағдыларын дамытуға арналған ойын-жаттығуы
«Көңілді шариктер»
Құрал-жабдығы: сандар бейнеленген ұяшықтар мен шарик
Ойын шарты: бала алдынағы ұяшықтарға шарикті лақтырып, түскен ұяшықтағы санды тауып, берілген парақшаға белгі қоюы қажет.
Логоритмикалық жаттығу
ІV. Бекіту.
«Кім тапқыр» ойыны
Ойын мақсаты: баланың байланыстырып сөйлеу тілін, белсенді және енжар сөздік қорын дамыту.
Құрал-жабдығы: кескінді суреттер
Ойын шарты: баланың алдына кескін суреттер беріледі.Сол суреттерді саннің реттілігі қарай қойып біріктіріп, сөйлем құрауы қажет.
Қорытынды. Баланы сабаққа қатысқаны үшін мақтап, мадақтау.
