Ғабит Мүсірепов "Жаңа достар"

Сабақтың тақырыбы: Ғабит Мүсірепов «Жаңа достар»

Сабақтың мақсаты.

1. Білімділік мақсаты: оқушылардың қазақ әдебиетінің классигі, көркем сөз зергері Ғ.Мүсірепов туралы мәліметтерін кеңейту, «Жаңа достар» әңгімесінің мазмұнын бекіту, мағынаксы қиын сөздерге көңіл бөлу, кейіпкерлерге талдау жасау дағдысын дамыту.

2.Дамытушылық мақсаты: оқушылардың пәнге деген қызығушылықтарын арттыру, көркем оқу шеберлігін, тілін, ой-өрістерін дамыту, прозалық шығарманы талдау дағдыларын дамыту, қосымша деректер арқылы дүниетанымдарын кеңейту.

3. Тәрбиелік мақсаты: оқушыларды адамгершілікке, ізгілікке баулу, достыққа, ұйымшылдыққа тәрбиелеу.

Сабақтың типі: бекіту сабағы.

Сабақтың түрі: дәстүрлі сабақ.

Сабақтың әдісі: көркем оқу, әңгімелеу, сұрақ-жауап, талдау.

Сабақтың көрнекілігі: Ғ.Мүсіреповтің портреті, шығармалар жинағы, жазушының мерейтойына арналған газет, баспасөз материалдары, үлестірме қағаздар.

Пәнаралық байланыс: қазақ тілі, тарих.

Сабақтың барысы: I. Ұйымдастыру. Оқушылармен сәлемдесу; оқушылардың сабаққа қатысын тексеру; оқушыларндың зейіндерін сабаққа аудару; оқушыларға сабақтың тақырыбы мен мақсаты туралы хабарлау.

II. Үй тапсырмасын тексеру.

1. Ғ.Мүсіреповтың өмірі мен шығармашылығы туралы мәлімет.

2. «Жаңа достар» әңгімесінің мазмұны.

III. Бекіту сабағын өткізу.

Әңгімені төмендегідей сұрақтар бойынша талдау.

1. Шығарма оқиғасы кімнің атынан баяндалады?

2. Шығарма қай кездегі өмірді суреттеп отыр?

3. Қайрош қалаға кіммен және неге қашып келеді?

4. Жайық өзені, Каспий теңізі көріністері мен Қайроштың көңіл күйінде қандай ұқсастық бар?

5. Мәтіннен Шеген мен Бораштың сыртқы кескін-келбетін, мінез-құлқын, іс-әрекетін, тұрмыс-жайын суреттейтін көріністерді табыңдар?

6. Шегеннің портретін ашу үшін жазушы қандай теңеулерді қолданған?

7. Шеген Қайрошқа неге сеніммен қарайды, оған қандай қамқорлық жасады? Оған қандай шарт қойды?

8. Балалар күнкөріс жолында не істеді?

9. Қайрош балалар үйіне қалай әкелінді?

10. Қайрош ана құшағында қандай шаттық сезімге бөленді?

Мәтіннен Шеген мен Бораштың портретін табу, дәптерге жазу.

1. Портрет дегеніміз не? (бекіту сұрағы)

2. Пейзаж туралы түсінік беру. (жаңа термин)

Көркем шығармада суреттелетін табиғат көрінісін пейзаж жейді.

1. «Жаңа достар» үзіндісінен пейзажды табу.

... Күн де батты. Теңіз үстіне қорғасындай басқан бір ауыр тұман да көтерілді. Қара тұманның ауырлығынан теңіз беті қайысып, төмен түсіп кетекндей сезіледі...

4. Кейіптеу дегеніміз не? (бекіту сұрағы)

5. «Жаңа достар» үзіндісінен кейіптеу табу.

Қара көк Каспийдің бір сарынмен ғана дем алған ауыр ыңыранысы естіле бастады.

Алыстан жымын қағып, шақыра беретін қала оттарына да жақындап келем.

... Жайықты өрлей, әр бұтаны тасаланып, алыстан ыңыранғаны естіліп жатқан Каспийге қарай құлап келемін. Теңіз құшағына тез кіруге асыққан Ақжайық төтелеу жерден жол салам деп жарын талай сабалапты да, шалқаыйп кейін бұрылыпты.

Қазақ ауыз әдебиетімен байланыстыру.

Шығармадан жазушы қолданған мақал-мәтелдерді теріп жазу.

«Әліпті таяқ деп білмейсің», «Өлімнен ұят күшті».»Қарға баласын аппағым деп сүйеді».

Шығарманы ең басты мәселелер бойынша бөлімге бөлу.

1. Қайроштың ауылдан кетуі.

2. Қайроштың қалаға келуі.

3. Оның Шегенмен, Борашпен танысуы.

4. Достыққа апарар жолда.

5. Қаланың қызықтары мен шыжықтары.

6. Мария апайдың мейрімділігі.

7. Анамен қауышу.

8. «Оқу – білім бұлағы».

5. Жеке оқушылармен жұмыс.

«Маған қай кейіпкер ұнайды?» (ой толғау түрінде)

IY. Үй тапсырмасын беру.

1. Ғабит Мүсіреповтің «Жаңа достар» әңгімесінен үзінді жаттау.

2. Шығарма бойынша «Менің сүйікті кейіпкерім» тақырыбына мәтін жазу.

Y. Оқушылардың жауаптарын бағалау.

YI. Сабақтың аяқталуы.