М.Әуезов атындағы №33 орта мектебі коммуналдық мемлекеттік мекемесі
Тақырыбы:
«Тапқырлар тартысы»
Сыныптан тыс жұмыс
Сыныбы: 2«А», 2«Ә»
Мұғалім: Акилова Айымжан Абдрашевна
Тараз қаласы
Сыныптан тыс жұмыс.
Сыныбы: 2«А», 2«Ә»
Мұғалім: Акилова Айымжан Абдрашевна
Тақырыбы: Тапқырлар тартысы (Тәуелсіздікке-25 жыл)
Мақсаты: Оқушылардың Тәуелсіз еліміздің тарихын білуге деген қызығушылықтарын арттыру, ой-өрісін іс-жүзінде шыңдау, есте сақтау, сөйлеу мәнерін, шығармашылық қабілеттерін дамыту.
Тәуелсіз еліміздің шынайы патриоты болуға, өз Отандарын сүюге, құрмет тұтуға тәрбиелеу.
Бір-бірімен достық, ынтымақтастықта болуға баулу.
Сыныптан тыс іс-шараның формасы: белсенді топпен жұмыс (агит бригада құру)
Қажетті құрал-жабдықтар: интерактивті тақта, кесте, таратпа қағаздар, белгілер. .
Жоспары:
1. Бейнебаян. 5 минут.
2. Топқа бөлу. 2 минут.
-Сайыс ережесімен таныстыру. 1 минут
3. Таныстыру. 3 минут.
-Сайыс ережесімен таныстыру. 1 минут
4. Сұрақ саған, жауап маған. (барлық пән бойынша сұрақ). 6 минут
5. Сөздер банкасы әдісі(қазақ тілі пәні бойынша, сөйлемдер арасынан тәуеліздікке байланысты сөйлемдерді теру) 8 минут
6. Суреттер сыр шертеді. (суретпен жұмыс) 9 минут
7. Қорытынды. Тәуелсіздікке тарту. 6 минут
Сабақ барысы:
1-жүргізуші: - Қадірлі ұстаздар және оқушылар!
2-жүргізуші: «Тапқырлар тартысы» атты ойын-сайысқа қош келдіңіздер!
Бейнебаян. Тәуелсіз Қазақстан.
1-жүргізуші:
-Балалар, бейнебаянда не туралы көрсетілді?
(Оқушылар жауабы арқылы сыныптан тыс жұмыстың тақырыбын ашу.)
-Дұрыс айтасыңдар, балалар, біздің бүгінгі өтейін деп отырған ойын-сайысымыз Тәуелсіздікке-25 жыл толуына байланысты болмақ.
2-жүргізушінің қорытынды сөзі. Қазақстан Республикасының Тәуелсіздік күні — тарихы тереңде жатқан елдің жаңа заманда өз алдына қайта егеменді ел болған күні. Тәуелсіздік күні мерекесі әр жылдың 16-желтоқсанында аталып өтеді. Бұл күн ұлттық, мемлекеттік деңгейдегі елеулі мереке болғандықтан 16-17-желтоқсан күндері күнтізбеде демалыс болып табылады. Тәуелсіздік тек
Қазақстан тұрғындары үшін емес, сонымен бірге, шетелдердегі қазақ халқының өкілдері үшін де маңызы зор мереке.
Қазақстан – Тәуелсіз ел! Қанша қиындықты артқа тастап,азаттық таңы атқалы 25 жыл. Осы аз ғана уақыттың ішінде біздің Отанымыз Тәуелсіз аспан аясында, Тәуелсіздік туымен бірге Қазақстанның тамыры терең тартып, жапырағы жайқала бастады. Көк байрағымыз желбіреп, әнұранымыз шырқалып, еліміз көптеген жетістіктерге жетіп, гүлденіп, өсіп – өркендеудеміз.
Тәуелсіздігіміз тұрақты, ел жұртымыз қуатты болсын!
1-жүргізуші: Жер бетінде адам өмір өткізер,
Бар нәрсеге біліммен қол жеткізер.
Бар ізгілік тек білімнен алынар,
Білімменен аспанға жол салынар – деген, Жүсіп Баласағұн.
2- жүргізуші: Қазір біз, балалар, осы уақытқа дейін алған білімімізді көрсетіп, өнерімізді, білімімізді саралап, санамыздың өскенін, сөз байлығымыздың молайғанын көрсетейік.
1-жүргізуші: Топқа бөлу әдісі.
Оқушылар ілулі тұрған стикерлерді алады және сол стикерлердің түсі бойынша топқа бөлінеді.
1-топ. «Болашақ». (жасыл түс)
2-топ. «Жас қыран» (сары түс)
3-топ. «Жалын» (қызылсары түс)
2-жүргізуші: «Біреу озса сайыста, біреу артта қалады
Ренжімей тараса, озбағандар жарады.
Жарыс заңы ежелден – жеңімпазды анықтау,
Озат болу шарты сол – еңбектену, жалықпау.» - дей келе сайысымыздың кезеңдерін таныстырып өтейік.
1-жүргізуші:
«Тапқырлар тартысы» атты ойын-сайысымыз 5 кезеннен тұрады.
І. Таныстыру.
ІІ. Сұрақ саған, жауап маған. (барлық пән бойынша сұрақ)
ІІІ. Сөздер банкасы әдісі (қазақ тілі пәні бойынша, сөйлемдер арасынан тәуеліздікке байланысты сөйлемдерді теру)
ІҮ. Кім тапқыр? (Тәуеліздік алғаннан кейінгі жетістіктерді меңзермен сәйкестендіру)
Ү. Бояулар сыр шертеді. (презентация)
ҮІ. Қорытынды. Тәуелсіздікке тарту.
2-жүргізуші: Ойын-сайысымыздың ережесімен таныстыру.
1. Тәртіп сақтау.
2. Қарсылас топтың сөзін тыңдау, кедергі жасамау.
3. Топ мүшелерінің сайысқа түгел қатысуы.
4. Топтың бірлігі.
1-жүргізуші: Бағалау шарты.
Әр кезеңде жеңген топ, бағалау кестесіне өз белгісін ілу. Қай топтың белгі саны көп, сол топ жеңімпаз атанады.
І. Таныстыру.
2-жүргізуші:
І. Сәлемдесу – игі дәстүр киелі,
Сөзбен ќарап, кейде шешер шиені.
Жақсы сөзге жан семірер қашанда
Жолданады сайыскерлер сәлемі.
Сонымен, сайысқа қатысушылар өз сәлемдерін жолдайды:
І топ: «Болашақ»
Топың ұраны:.
ІІ топ: «Жас қыран»
Біздің топ:.
ІІІ топ: «Жалын»
Біздің топ :.
1-жүргізуші:
ІІ. Сұрақ саған, жауап маған. (барлық пән бойынша сұрақ)
Шарты: Сұрақ қойылады.1 минут ішінде көп сұраққа жауап берген топ жеңеді.
«Болашақ» тобына сұрақ.
1. Түбір сөз дегеніміз не? (сөздің одан әрі бөлінбейтін мағанасы бар бөлігі)
2. Адамның тіршілігі үшін не қажет? (ауа, су, азық, жарық, жылу)
3. 24+65 қосындысы нешеге тең (89)
4. Білім керек бәріне өлеңінің авторы кім? (Фариза Оңғарсынова)
5. Дауыссыз дыбыстардың түрлерін ата? (қатаң, ұяң, үнді)
6. Өсімдіктің жер асты мүшесі қалай аталады? (тамыр)
7. Жұрнақ дегеніміз не? (сөздің мағынасын өзгертетін қосымша)
8. 86-23 айырмасы шешеге тең? (63)
9. Қазақстан Республикасының Тәуелсіздігі қашан жарияланды? (1991 жыл, 16 желтоқсан)
10. Отан туралы мақал айт.
«Жас қыран» тобына сұрақ.
1. Қосылғыштардың орнын ауыстырғаннан (қосындының мәні өзгермейді)
2. Жуан дауысты дыбыстар (а, о, ұ, ы.)
3. 1м неше см бар? (1м = 100см)
4. Жалғау дегеніміз не? (Сөз мағынасын өзгертпей, сөз бен сөзді байланыстыратын қосымша)
5. 32+47 қосындысы нешеге тең? (79)
6. 1 желтоқсан қандай күн? (Тұнғыш президент күні)
7. Дауысты дыбыс нешеге бөлінеді? (жуан, жіңішке)
8. 89-55 айырмасы нешеге тең? (34)
9. Су неше күйде болады? (3күйде. Қатты, сұйық, газ)
10. Туған жер туралы мақал айт.
«Жалын» тобына сұрақ.
1. Мәтіннің түрлерін ата. (әңгімелеу, сипаттау, пайымдау)
2. Туынды сөз дегеніміз не? (түбір сөзге жұрнақ жалғану арқылы жасалған сөз)
3. Қазақстан Республикасының Тәуелсіздігі қашан жарияланды?
(1991 жыл, 16 желтоқсан)
4. 62+28 қосындысы нешеге тең? (90)
5. Бір ғасырда неше жыл бар? (100 жыл)
6. Сәбиді өлеңмен әндетіп, тербетіп, ұйықтататын жыр. (бесік жыры)
7. Тұңғыш қазақ ғарышкері кім? (Тоқтар Әубәкіров)
8. 1м неше дм бар? (1м = 10дм)
9. Су неше күйде болады? (3күйде. Қатты, сұйық, газ)
10. Білім туралы мақал айт.
ІІІ. Сөздер банкасы әдісі
Шарты: қазақ тілі пәні бойынша, сөйлемдер арасынан тәуеліздікке байланысты сөйлемдерді тереді. Жауаптарын қарсылас топтар тексереді.
1. Самат ұқыпты оқушы.
2. Биыл тәуелсіздігімізге 25 жыл.
3. Қазір «Тапқырлар тартысы» атты сайыс өтуде.
4. Менің – Отаным Қазақстан.
5. Желтоқсан құрбандары.
6. Біздің сынып ұйымшыл.
7. Ұмытылмайды Желтоқсанның ызғары.
8. Менің бар бақытым-қасиетті Отаным.
9. Тәуелсіздіктің туы мәңгілік желбіресін!
10. Ұстаз-құрметке лайық адам
ІҮ. Кім тапқыр?
Шарты: Сәйкес жауапты меңзермен көрсет.
Тәуеліздік алғаннан кейінгі жетістіктер:
Ү. Бояулар сыр шертеді.
Шарты: Әр топтың сурет бойынша презентациясы.
Қорытынды.
-Сайыс барысында алған ұпай саны бойынша жеңімпаз топты анықтау.
-Көңіл- күй картасына оқушылар өздері смайликтерді қадайды.
Жүргізуші:
Болашақтың іргесін қалайтын, Қазақстанның мерейін көтеретін азамат пен азаматшалар, сендерсіңдер. Еліміз сендердің болашақтарыңнан зор үміт күтеді. Тек биіктен көрінулеріңе тілектеспіз.
Жүргізуші:
Білімділік пен ізгілікті бойымызға дарыта берейік.
Сендерге әрдайым биік белестер тілейміз!
Тәуелсіздігіміз тұрақты, ел жұртымыз қуатты болсын!
Тәуелсіздікке тарту (хор)
М.Әуезов атындағы №33 орта мектептің бастауыш сынып мұғалімі
Акилова Айымжан Абдрашевна
М.Әуезов атындағы №33 орта мектептің бастауыш сынып мұғалімі 
