"ЖЕР АНА"

Уақыты: 20.04.16.

Пәні: Өзін-өзі тану

Сынып: 4 «А»

Тақырыбы: «Жер-ана»

Мақсаты: Оқушыларға «Жер ана» ұғымының құндылық ретіндегі мәнін ашу.

Міндеттері:

- жердің адам өміріндегі маңыздылығын түсіндіру;

- жерге қамқорлық жасау қарым-қатынастарын дамыту;

- жерді қадірлеуге тәрбиелеу.

Сабақ типі: жаңа білімді игеру сабағы

Ресурстар:үнтаспа, интерактивті тақта,слайд, қарындаштар, табиғат көрініс плакаты, дәйексөз жазылған плакат, 5Т жазылған плакат,

Құндылық Қиянат жасамау

Қасиеттер

1. Бірлікте болу;

2. Қоршаған ортаға қамқорлық;

3. Жерді сүю,қадірлеу

Сабақ барысы: Ұйымдастыру кезеңi. Амандасу. Түгендеу.

5 Тережесін еске салу тақтаға плакат ілу

Тәртіп Талап Тыныштық Тазалық Татулық

Бүгінгі күн ерекше

Терезеден күн тұр қарап

Сондай жақсы көңіл-күймен

Басталады бұл сабақ

Балалар, бүгінгі сабақ ерекше, себебі бізге қонақтар келіп отыр, олар да сіздер сияқты өзін-өзі тану пәнін сүйер қауым, сондықтан да бұл «ашық сабақ» деп аталады. Ойымызды, жүрегімізді барынша ашып, мейірімізді бір-бірімізге төгіп отыруға ұсынамын.

Тыныштық сәті.Баяу әуен қосу.

Орманға ойша саяхат

Үй тапсырмасын тексеру:

“ Көктем иісі”

Э.Шим

1. Бала көктем иісін қалай сезінді?

2. Апасы баласына қалай түсіндірді “Көктем иісі” деген ұғымды?

Дәйексөз

Балалар сіздерге көп рахмет өте ауқымды жұмыс атқарыпсыздар. Ал осы айтылған мақал-мәтелдердің ішінен мен біреуін сіздермен талдағым кеп тұр.

«Баптағанға-жер жомарт»

Сіздер қалай мағынасын түсіндіре аласыздар?

Жерді күтіп,баптап,таза ұстау керек. Өйткені Жер –ана жомарт дархан көңілмен адамға барын бергісі келеді.Тіпті қазба байлықтар да жерден алынады.Түрлі жеміс-жидектер де,әсем гүлдер де,тіпті дәнді дақылдар да ұдайы суарып,күтіп баптағаннан кейін көбейе түсетінін түсіндіру мақсатында, дәйексөздің мәнін ашып,оқушылардың түсініктерін тереңірек толықтыру

Балалар дәптердің соңында берілген «Менің дәйексөздерім» айдарындағы бүгінгі сабақтың тақырыбы берілген бетке осы дәйексөзді жазып алады.

Түйіндеу:

Халқымыздың туған топырақ, атамекен, табиғат, жан-жануарлар жалпы жер -ана туралы ұғым түсініктері,мақал-мәтелдері, таным-талғамдары ырымдар мен тыйым сөздерден ерекше орын алған. Қазіргі мекен тұрағымыз, жеріміз экологиялық апат аймағына айналған кезеңімізде көнекөз ата-бабаларымыздың мың жылдық тәжірбиемізден үйренеріміз көп,есімізде сақтап жүрейік деп айтқым келеді. Осы ырым-тыйымдардың ұмыт болғаны неге әкеп соққаның бейнесюжеттен көрсек деп ұсынғым келеді.

Мұғалім сыйы: Әңгімелеу.

Табиғат-Ана

А.Мырзағұлова

Табиғат-Ананың Жер, Су, Ағаш, Ауа деген ұлдары болыпты. Олар өте

ақылды мейірімді екен.Табиғат-Ана бір күні ұлдарын шақырып алып:

-Адамдарға үлкен қызмет еткен ұлыма үлкен сый тартамын,- деп уәде

береді. Сонда ұлдары анасының айтқанына қуана келісіп,

Адамдарға жақсылық жасауға келіседі. Ұлдары жан-жаққа кетіп адамдарға

игілікті іс жасайды. Күндердің күнінде ұлдары еліне қайтып оралғанда

аналарының бұрынғыдан бетер көріктене түскеніне риза болған ұлдары:

- Апатай, сіз қандай керемет күйге түскенсіз, мұның сыры неде?-дегенде

Табиғат-Ана:

- Аяулы ұлдарым менің, мұның сыры сендердің адамзатқа жасаған

қайырымдылықтарыңда,- деп жауап береді. Содан бері Жер, Су, Ағаш,

Ауа аналаның сұлулығын сақтап қалу үшін адамдарға адал қызмет етіп

келеді екен.

Адам өзінің туып –өскенжеріне деген шынайы сүйіспеншілігін,алаулаған сағынышын,қадір-құрметін жүректен шыққан құдіретті сөзбен,ойлы өлеңмен,сазды әуенмен,сырлы суретпен жеткізеді.

Ой бөлісейік

• “Табиғат - өмір мәні”

• “Табиғат - өмір сәні” – дегенді қалай түсінесіңдер?

• Табиғат-Ананың көріктене түсуіне тағы нелер себеп болады деп ойлайсыңдар?

Шығармашылық топтық жұмыс.

- Балалар , қазір мен тақтаға дөңгелек жасыл қағаз ілемін. Бұл біздің жеріміз.Ал сендер жердің көркейіп , сұлуланып,тіршілікке енуі үшін жұмыла жұмыс жасаңдар. Алдарыңда жатқан қағаздардан жерде тіршілік ететін жерге көрік беретін тіршілік иелерінің суретін салып, коллаж дайындаңдар.

Топпен ән шырқау.

Балалар көңіл-күйлеріңіз қалай?

Көңілімізді көтеру үшін тұрып, әнді топпен, билеп айтуға ұсынамын

«Көктем келді» әні

Үйге тапсырма.

30 сабақ, Ы.Алтынсаринның

“ Таза бұлақ” мәтінін оқып келу

Тыныштық сәті.Баяу әуен қосу

Балалар көзімізді жұмып, терең тыныстап, осы бүгінгі сабағымызды ой-елегінен бір өткізіп алуға шақырамын.

Іштей жер-анаға тілек тілеп, көзімізді ашайық. Сабаққа қатысқандарыңызға рахмет, сау-саламатта болайық.

Сабақты талдау

Пәні: Өзін-өзі тану

Сынып: 4 «Б» сыныпта 24 оқушы. Білім сапасы жоғары

8 оқу озаты

13 оқу екпіндісі

3 оқушы орташа оқиды

Тақырыбы: «Жер-ана»

Мақсаты: Оқушыларға «Жер ана» ұғымының құндылық ретіндегі мәнін ашу.

Міндеттері:

- жердің адам өміріндегі маңыздылығын түсіндіру;

- жерге қамқорлық жасау қарым-қатынастарын дамыту;

- жерді қадірлеуге тәрбиелеу.

Сабақ типі: жаңа білімді игеру сабағы

Ресурстар:үнтаспа, интерактивті тақта,слайд, 3постер таза, қарындаштар, глобус, қоржын, көбелектер, гүлдер, шуақтар қималары, табиғат көрініс плакаты, тақырып жазылған плакат, дәйексөз жазылған плакат, 5Т жазылған плакат, кабинет шарлармен әсемделеді

Құндылық: Қиянат жасамау

Қасиеттер

1. Бірлікте болу;

2. Қоршаған ортаға қамқорлық;

3. Жерді сүю, қадірлеу

Сабақта қолданған технологиялар: АКТ(ақпараттық коммуникативтік технология),СТО (сыни тұрғыдан ойлау) ,топтық жұмыс. Ойын технологиясы, Ш.Амонашвиллидің оқыту үрдісіндегі ізгілендіру технологиясы.

Жоспар:

1. Ұйымдастыру кезеңi. Мақсаты:Оқушыларды сабаққа дайындау

2. Тыныштық сәті«Нұрға бөлену». Мақсаты: психологиялық дайындық, көңілді көңіл күй орнату

3. Мағынаны тану. Сөзжұмбақ шешу Мақсаты: сабақтың тақырыбын ашу, мақсатын жариялау

4. Әңгімелесу. Мақсаты: оқушылардың рухани-адамгершілік ой толғауына бағыт беру

5. Үй жұмысы. Әңгімені талдау, зерттеу жұмыстарын жариялау Мақсаты: сабақтың рухани-адамгершілік мәнін ашу

6. Дәйексөз.Мақсаты: оқушылардың түсініктерін тереңірек толықтыру.

7. Түйіндеу Мақсаты: оқушылардың жауаптарын түйіндеу

8. Бейнесюжет. Мақсаты: өмірмен байланыстырып, әлемнің экологиялық ахуалын өз көздерімен көріп, ой түзуге бағыт беру

9. Жаңа ақпарат.Мақсаты: оқулықпен жұмыс істеп, оқу қабілеттерін дамыту

10. Шығармашылық топтық жұмыс. Мақсаты: жобалау қабілеттерін дамыту

11. Үйге тапсырма. Мақсаты: шығармашылыққа шабыттандыру

12. Топпен ән шырқау. Мақсаты: сергіту.

13. Кері байланыс. Мақсаты: түсіну деңгейін тексеру

14. Тыныштық сәті. Мақсаты: сабақтың тақырыбын ой-елегінен өткізу