Сабақтың тақырыбы:Заң және біз. Сабақтың мақсаты: Мектеп жасындағы балалардың құқығы мен заң талаптарын үйрету.
құқықтық білім беру, құқықтық тәрбие беру арқылы оқушылардың
бойына заңға деген сүйіспеншілік сезімін, өз құқығын білетін
Конституциядағы міндеттерді орындайтын азаматты қалыптастыру. Сабақ түрі:Ашық тәрбие сағаты.
«Жер бетіндегі адамдар арасындағы тәртіп орнату үшін заңды қолдану – шөлге жауған жаңбырдай қайырымды.»
385 - хадис Мұхаммет Пайғамбар
Қолыңда болса бір билік, Қарғаға залым болмаңыз. Алдыңа келсе бітпес дау, Әділін айтып қорғаңыз. /Төле би./
/ Мұғалімнің кіріспе сөзі/ : Мектеп жасындағы балалардың құқықтық санасының төмендігі олардың қылмысты көп жасауына, заң талаптарына өз талаптарын қарсы қоюына әкеліп соғады. Сондықтан оқушылар қылмысының алдын алып, құқықтық тәрбие беру бүгінгі күннің өзекті мәселесі. Құқықтық тәрбие – кәмелетке толмағандар арасында заң ұғымдарын насихаттай отырып, жас өспірімдерді қажетті заңдылық біліммен қамтамасыз етуді мақсат етеді. Жастарды заңның негізгі принциптерін біліп қана қоймай оны меңгере білуге де үйрету қажет;
Балалар біз өз құқығымызды білеміз бе?
Бала құқығының конвенциясы:
1-бап 18 жасқа толмаған адам бала деп есептеледі.
2- бап Баланың барлық құқығын құрметтеп, қорғайтын - мемлекет.
3 -бап Балаға арнайы органдар алғашқы қорғау жасайды.
5 -бап Балалардың дамуына ата-аналар жауапты.
6 -бап Баланың өмір сүруге құқығы бар.
9 -бап Ата-анасымен тұруға құқылы.
20- бап Ата-анасының қорғаусыз қалған, ерекше қорғау мен көмекке құқығы бар.
21-бап Баланы асырап алу, сонымен халықаралық асырап алуына құқығы бар.
27-бап Заманға сай өмір сүру деңгейіне құқылы.
28 -бап Білім алуға құқылы.
32 -бап Зорлап пайдаланудан қорғауға құқылы.
37-бап Зорлау, жазықсыз тұтқынға алудан, заңды көмекке құқылы.
Ән «Менің Қазақстаным»
Көрініс. Ауыл іші, түн, топ жасөспірім балалар өлең айтып, шулап отыр. Жандарынан өтіп бара жатқан балаға отырғандардың біреуі атып тұрып: «Әй, бері кел!»-деп айқай салды.
Қайырылмаған оған пышақ көрсетіп, соққыға жықты.Бала ауыр жарақаттанып ауруханаға түсті.
Көріністен кейін қойылған сұрақтар:
-Қалай ойлайсыңдар, демалып отырған жасөспірімдер заңды бұзды ма?
-Кім, қалай бұзды? (балалар өз ойын айтады)
Мұғалім : Заңсыз елде әркім өз білгенін істейді, тәртіп сақталмайды.Сондықтан адамдар қалыпты жағдайда өмір сүре алмайды, ал тәртіп пен заң біздің қалыпты тіршілігіміз үшін қажет. «Тәртіпсіз ел болмайды, тәртіпке бас иген құл болмайды.» деген Б. Момышұлының сөзін естен шығармайық.
Ойын : «Қызыл, сары, көк ауыл» деп аталатын 3 бөлімді айтып, әр топтың ортасына әртүрлі шарлар қояды.
Мұғалім: Жер енді ғана жаратылғанда адамдар бір-бірімен дос , бауыр болыпты, бір-бірінен ешнәрсе аямапты. Бір күні аспаннан әр түрлі шарлар түсіпті де, адамдар үлгергенінше бірі көгін, бірі қызылын, бірі сарысын алыпты. Күндердің күнінде қатты жел тұрыпты да қызыл шар алғандар қызыл, көк шар алғандар көк, сары шар алғандар сары ауылдарға бөлініпті. Әр ауыл бөлек-бөлек қорған тұрғызыпты. (Осы кезде мұғалім: шарларыңызбен өздеріңізді қоршап алыңыздар дейді.) Біраз уақыттан соң адамдар достықты ұмытады. Көк ауылда су бар азық жоқ, қызыл ауылда азық бар, су жоқ, сары ауылда азық та, су да бар, от жоқ. Енді қалай өмір сүруге болады, не істейсіздер? (оқушылар жауабы тыңдалады.)
Әр түрлі ой айтқан олар қорғанның керегі жоқ, біз дос болуымыз керек деген ойға тоқталады. Бұл әңгіменің астарында бір жұмбақ жатыр, сол жұмбақты кім шешеді деген сұрақ тасталады.
Жауап: Адамдардың ауыл-ауыл, көше-көше болып бөлінетіндігін,сол бөліну кезінде құқықтары бұзылатындары айтылады.
Мақал-мәтел«Жалғасын тап»
1. Ұрлық түбі -... 2. Біреуге ор қазба -... 3. Заңның құрығы... 4. Өтіріктің құйрығы... 5. Тура биде... 6. Туғанды биде... 7. Қолыңмен істегенді -...
Қорытынды: Бүгінгі тәрбие сағатында Не білдік? Нені үйрендік?
