Спорт деген - бір си?ыр

Күні: 09.12.15ж. Сыныбы: 10

Тақырыбы: Спорт деген – бір сиқыр
Мақсаты: оқушыларға спорт, спорт түрлері, салауатты өмір салты туралы түсінік беру.
Міндеті: әр түрлі спорттық ойын түрлерімен танысу, тәсілдерін меңгеру;
Оқушылардың икемділігі мен ептіліктерін, мергендік пен шапшаңдылық қабілеттерін дамыту. Спортқа деген қызығушылығын арттыру. Салауаттылыққа баулу.
Түрі: ойын сабағы
Өтілетін орны: спорт залы
Көрнекілігі: түрлі-түсті шарлар, доптар, слайд, бейнежазбалар, ысқырық, уақыт өлшеуіш, сағат суреті, самокат, қап, т.б.

Барысы:

І.Ұйымдастыру кезеңі

Психологиялық дайындық: «Сағат бойындағы достар» ойыны

Шарты: сағат суреті бойында сандар белгіленген. Сол сандарға әр оқушы өз достарының не сабаққа қатысып отырған ұстаздарының есімін жазады. (12, 3, 6, 9)

12 – таңғы сергіту жаттығуын жасау

3 – досыңның арқасына массаж (уқалау) жасау

6 – досыңа мақтау сөздерін айту

9 – қаппен секіру
ІІ.Негізгі бөлім
Құрметті мұғалімдер, оқушылар бүгінгі «Спорт деген – бір сиқыр» сайысына қош келдіңіздер!
Көңілді жарысқа 10-сынып оқушылары қатысады.
Жарысқа қатысушыларды ортаға шақырамыз.
Ұстанған салауатты өмір салтын,
Жасқанып, ешқашан да мойымайтын,
Болашақ спортшылар келді ортаға
Қол соғып қарсы алайық, қане, халқым!

- Сайысты бастамас бұрын, сайысымызға әділ баға беретін әділқазылар алқасымен таныстырайық.
- Спорттық сайысымыз 5 баллдық жүйемен бағаланады.
І кезең: «Спорт - өмір көркі» Шарты: алдын ала берілген тақырыптар бойынша бейнежазба не слайд көрсетіп, тақырыптарын қорғайды.
ІІ кезең: «Спорттық би». Шарты: спорттық би қойылымын көрсету.
ІІІ кезең: «Спорт деген – бір сиқыр». Шарты: әр топтан спорттың сиқырлығын танытатын, өздерінің талантын көрсететін өнер көрсету, көрермендерді таң қалдыру.
ІV кезең. Самокат тебу. Шарты: самокатпен жүріп, кедергілердің арасынан өтіп жарысу.

Құрметті сайыскерлер! Сіздерге сәт сапар! Сайысымызды бастаймыз.

«Алға» тобын ортаға шақырамыз.
Топтың ұраны: Спортпен достас, жалқаулықпен қоштас.
«Сұңқар» тобын ортаға шақырамыз.
Топтың ұраны: Бәріміз – біріміз үшін, біріміз – бәріміз үшін.
«Қайрат» тобын ортаға шақырамыз.
Топтың ұраны:
Салауатты өмір салтын сақтаймыз,
Жаттығудан ешқашан да қашпаймыз.
І кезең

І топқа теннис ойыны туралы

ІІ топқа волейбол ойыны туралы

Аласың отырып,

Соғасың сұрап та.

Аласың секіріп,

Соғасың құлап та.

Білекті,

Жүректі

Болғанды қалайды ол.

Жақсы ойын,

Басты ойын,

Біздіңше, ВОЛЕЙБОЛ!

ІІІ топқа футбол ойыны туралы бейнежазба дайындау.

Кетпейсің сырт беріп,

Қол сілтеп.

Танысым,

Намысың болсын тек.

Тоқтамай,

Доп қалай зулайды,

Қараңыз.

Біз нағыз,

Елге аңыз

ФУТБОЛШЫ боламыз!

Әр кезең сайын әділқазылар өз бағасын береді.
ІІ кезең: Спорттық би

Мың бұралып сахнада тамсанып,

Би билейсің босатылып бар жүктен.

Махаббатпен өте ыстық қарсы алып,

Шапалақпен жібереді зал біткен, -

деп келесі кезекті спорттық би қойылымына береміз.

ІІІ кезең: Таң қалдыру

Әр топ өз өнерлерін ортаға паш етеді.

ІІІ. Қорытынды бөлім:
Көрсетті міне, өз өнерін балалар,
Сайыстың да соңы келіп таянар.
Жеңімпазды анықтайық, қанекей,
Әділқазы сайысты әділ бағалар,
-деп, сайысымыздың шарттары бойынша қорытынды шығарып, жеңімпаздарды анықтап, марапаттау үшін сөз әділқазыларға беріледі.
Арнайы номинациялар:

1. «Үздік спортшылар»

2. «Белсенді топ»

3. «Көрермен көзайымы»
   Спорт – көркі өмірдің,
   Спорт – досың, серігің.
   Жаттықсаң шымыр боларсың,
   Шынығып, өсіп, толарсың, - демекші салауатты өмір салтын ұстанып, спортты серік етейік!