Қызмет етем халқыма

Сабақтың атауы

Қызмет етем халқыма...

Мақсаты

Сабақтың мақсаты: оқушыларға Отанға адал қызмет ету туралы түсіндіре отырып, дұрыс әрекет құндылығының мәнін ашу.

Көрнекі құралдар: үнтаспа,сюжетті суреттер, карточкалар, әріптер,түрлі-түсті қарандаш, желім, қайшы.

Көрнекілік:  нақыл сөздер, слайд

Сабақтың әдісі: сұрақ- жауап, талдау, пікір-талас

Тыныштық сәті

Тыныштық сәті. Орманға ойша саяхат.

Ыңғайланып отырыңыздар, денелеріңізді түзу ұстаңыздар. Аяқ- қолыңызды айқастырмаңыз. Көзіңізді жұмыңыз және бірнеше рет терең тыныстаңыз. Бірнеше секундтан соң теңіз түбіне саяхат жасаймыз.  -Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз, жалаң аяқтарыңызбен құмды сезініңіз. Шалғайдан қара нүкте көріп тұрсыз, ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жануар, сізді шыдамдылықпен күтіп тұр. Жайлап оның арқасына отырыңыз, мықтап ұстап жолға шығыңыз. Дельфиннің арқасына жайланып отырып, өзіңізді қауіпсіз сезініп, су астында жүзу қандай керемет екендігін түсініп отырсыз. Жан-жағыңызға қараңыз, мұнда әсем қалқыған балықтар өте көп. Ал енді анау жаққа көз тастаңыз... бұл зор сегізаяқ. Су асты неткен қызықты, әрі ғажап әлем. Сіз бір нәрсені байқадыңызба? Мұнда неткен тұңғиыққа толы тыныштық. Осы тыныштық күйде болыңыз.  Ал қазір жоғарыға өз әлеміңізге кері қайтуға дайындалыңыз. Ғажап түстерге тағы бір рет қараңыз және тыныштыққа құлақ түріңіз. Енді дельфин кері қарай жолға шықты, сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажайып саяхатқа апарғаны үшін ризашылық білдіріңіз.  Сыныпқа оралыңыз және өз орныңызға келіңіз. Рахмет!

https://www.youtube.com/watch?v=LlAZggmciGM

Оқушылар дем алып, ерекше күйге бөленеді, мұғаліммен бірге бүгінгі сабаққа сәттілік тілейді.

Топқа бөлу

«Атомдар мен молекулалар»

Құрметті оқушылар, барлығымыз ортаға жиналайық. Қазір Сіздермен біраз қозғалысқа түсіп, ойын ойнауға шақырамын. Ойынның шарты келесідей: Қазір мен «атомдар» деген кезде жеке дара жүреміз. Содан кейін «молекулалар, екеуден» немесе «молекулалар, үшеуден» деген кезде, екі немесе үш адамнан тез арада топтаса қаламыз. Ойынның шарты түсінікті ме? Ендеше кірісейік: «Молекулалар төртеуден», «молекулалар екеуден», «молекулалар алтаудан», «молекулалар үшеуден», молекулалар «бесеуден». Осы топтасқан балалар бір топ құрайды. Қане осы тобымызбен парталарға жайғасайық.

Оқушылар таңдаған ойыншықтарына сай топтарға бөлініп отырады.

Қызығушылықты

ояту

Бейнеролик көрсету.

https://www.youtube.com/watch?v=Ztu5_2JcA_k

Халыққа қызмет ету дегенді қалай түсінесіңдер?

Халқына қызмет етудегі ерен еңбегі бар қандай танымал есімдерді білесіздер?

Отанға қызмет ету кімге және не үшін қажет?

Дәйексөз

«Бүгінде әр қазақстандық өзді-өзінен елімізге жақсы болып, біздің Отаны­мыздың дәулеті артуы үшін мен не істедім деп сұрауы керек»

Нұрсұлтан Назарбаев

Ел мен үшін не істей алады деп сұрама, ел үшін өзім не істей алам деп сұра. Джон Кеннеди

Мұғалімнің сыйы

https://www.youtube.com/watch?v=v6m7_d-z4Mw

Тағдырыңды тамырсыздық індетінен қалқала,
Мазмұн жоқта мазмұнсыздық шыға келер ортаға.
Әр адамда өз анасынан басқа да,
Ғұмырына етер мәңгі астана,
Демеп жүрер, жебеп жүрер арқада,
Болу керек құдіретті төрт ана:
ТУҒАН ЖЕРІ - түп қазығы, айбыны,
ТУҒАН ТІЛI - мәңгі өнеге айдыны,
ЖАН БАЙЛЫҒЬІ, САЛТ-ДӘСТҮРІ -тірегі,
Қадамына шуақ шашар үнемі.
Және ТУҒАН ТАРИХЫ.
Еске алуға қаншама
Ауыр әрі қасіретті болса да.
Құдірет жоқ төрт анаға тең келер
Онсыз санаң қаңбаққа ұқсап сенделер.
Өзге ананың ұлылығын танымас,
Төрт анасын менсінбеген пенделер.
Төрт анадан сенім таба алмаған
Тамырсыздың басы қайда қалмаған?!
Төрт анасын сыйламаған халықтың
Ешқашанда бақ жұлдызы жанбаған.
Қасиетті бұл төрт ана-тағдырыңның тынысы,
Төрт ана үшін болған күрес - күрестердің ұлысы.

Шығармашылық жұмыс.

Топтарға М. Шахановтың «Төрт ана» өлеңінде сипатталған

ТУҒАН ЖЕРІ

ТУҒАН ТІЛI

САЛТ-ДӘСТҮРІ

ТУҒАН ТАРИХЫ деген негізгі сөздер беріліп, “Мәңгілік ел-жастардың қолында” дей отырып, әркімге берілген сөз бойынша өздері қалай дамыта алатыны туралы постер жасап, қорғайды.

Топпен ән айту

Атамекен 
cөзі: Қ.Мырза Әлінікі әні: Е.Хасенғалиевтікі
Жасыл жайлау, түкті кілем, көк кілем,
Көк кілемде көп ойнаймын, көп күлем.
Маңдайымнан сипап өткен самалды
Қазағымның алақаны деп білем. 
Қайырмасы:
Қайда жүрсем атамекен,
Көкейіңде жатады екен.
Күннің өзі қимай оны
Ұясына батады екен.
Жасыл жайлау, түкті кілем, көк кілем,
Көк кілемде көп ойнаймын, көп күлем.
Күннің нұрын, айдың аппақ сәулесін
Қазағымның махаббаты деп білем.
Қайырмасы: 
Жасыл жайлау, түкті кілем, көк кілем,
Көк кілемде көп ойнаймын, көп күлем.
Асқар тауын аспаныммен астасқан,
Қазағымның мәртебесі деп білем.

Кері байланыс

Қорытынды

Туған жерге, Отанға тілек! 
(Қазақстанның кескін картасына тілектерін жазу)