«Күзгі бал – 2016» сайысы
Күні: 28.10.16
Класы: 6 «В»
Мақсаты:
Білімділік: Оқушыларға күз мезгілінің керемет көрінісін көрсету
Дамытушылық: Оқушылардың фантазияларын, үйлестірімділік қасиеттерін дамыту
Тәрбиелілік: Оқушыларды дұрыс сайыса білуге, жеңіс пен жеңілісті мойындай білуге тәрбиелеу;
Формасы: Класс сағаты
Әдісі: сайыс
Көрнекілігі: суреттер, интерактивті тақта, слайд, видеороликтер
Жүргізуші:
Қайырлы күн достар! Күз патшайымы сіздерді соңғы сиқырлы сәтін, күзгі гүлдердің керемет жұпарын, жиналған жемістердің айқын да сиқырлы сұлулығын, әрине күзге тән ойшыл және сонымен қатар қуанышты көңіл күй сыйлау үшін шақырды.
Армысыздар ағайын, құрбы – құрдас,
Бармысыздар жан күйер, әз қауымдас.
Бүгінгі кеш әуенін біз бастайық
Сайыста көңілменен қол соғайық! – дей келе, құрметті көрермендер бүгінгі 6 «В» класс аралығында өткізіле отырған Күзгі бал сайысына қош келдіңіздер!
Жүргізуші:
Біздерде ойын сауық басталады,
Тамаша күй тартылып ән салады.
Қошеметтеп қол соғып отыралық,
Ұмытарсыз күні бойы шаршағанды!
Құрметті ұстаздар мен оқушылар!
Біздің бұл сайысқа жиналып отырған мақсатымыз бүгінгі «Күзгі бал» сайысының «Ханзадасы» мен «Ханшайымын» іріктеп шығару.
Жүргізуші:
Аққудай әдеміміз, сұлу жанбыз,
Әр үйде шығатұғын жаңа таңбыз.
Жан сұлуымен тән сұлуын тепе – тең ғып,
Еріксіз өзімізге қаратармыз, - дей отырып ортаға қатысушы жұптарды шақырамыз!- дей отырып ортаға қатысушы жұптарды шақырамыз.
1-жұп. Амиргалиев Саят пен Акмамбетова Айзерек
2-жұп. Есен Жандос пен Әбутаева Ажар
3-жұп. Нагашибаев Адилет пен Сакенқызы Назерке
4-жұп. Тағыберген Ернұр мен Тулесинова Дана
5-жұп. Байеділ Мирас пен Кадиркулова Зулфия
6-жұп. Зинадин Ерасыл мен Мухамбетказина Айжан
Жүргізуші:
Әділ – қазы береді,
Өздеріңе сыйлықты.
Бізге айтып береді,
Кім өнерші, кім мықты? – деп, әділ – қазы алқасымен таныстырып өтейік.
1. Физика пәнінің мұғалімі Абдрейм Фарида
2. Ағылшын пәнінің мұғалімі: Құрмалақова Айтолған
3. Дене шынықтыру пәнінің мұғалімі Тулкибаев Батухан
4. Дене шынықтыру пәнінің мұғалімі Сатенова Гулдана
Көп сөйлеп жөн – жобадан аспайық біз,
Қандай сайыс болса да, қашпайық біз.
Ал, енді сіздер рұқсат етіңіздер,
Қанекей, жұптар сайысын бастайық біз.
Ендеше сайыскерлерімізге сәттілік тілеп байқау шарттарымен таныстырып өтелік
1 – тур: Таныстыру. Сонымен алғашқы сайысымызды бастаймыз «Таныстыру» сайысы! Ортада 1 – ші жұп!
2 – тур: Үй тапсырмасы
3 – тур: «Өнерің өрге жүзсін»
4 – тур: «Сән үлгісі» және киім үлгісі
5 – тур: Көрме. Үздік сурет
Жүргізуші:
Шалқып, тасып әніміз,
Жадырасын жанымыз.
Бүгінгі күз кешінде
Би билейік бәріміз, - деп келесі 2 – тур: «Үй тапсырмасы»
Әділ қазылар әр тур өткен сайын бағалап отырады.
Жүргізуші:
Он саусақтан өнер тамған шебер болу керемет,
Өлең айтып, би билеп, жасап жатсаң текемет,
Өнеріңді көрсетші құрбыларым, қанекей,
Жұптарға сөз берелік біз жекелеп, дей келе «Өнерің өрге жүзсін» сайысын бастаймыз! Әр жұп өзінің дайындап келген өнерін ортаға салады.
Ал, әділ қазылар өнерінің бағасын беріп отырайық.
Жүргізуші:
Модельер болу оңай ма?
Қиналып жатсаң мұңайма.
Әр мамандық өзгеше,
Өз мәнінде, шырайда, - деп келесі кезекте «Сән үлгісі» сайысы. Бұл сайыстың шарттарымен таныстырып өтсек, сайыскерлеріміз күз байлығын көрсету мақсатында үйден түрлі күзгі киімдер дайындап келуі тиіс еді. Табиғи материалдар пайдалануына да болады. Әр жұп дайындаған киімдерін киіп мода көрсетеді.
Жүргізуші:
5 – тур: Көрме. Үздік сурет байқауына көшейік. Бұл «Күзгі бал» сайысының ең соңғы қорытынды байқауы!
Жүргізуші:
Жеңістер мен жеңілістен тұратын,
Өмір күрес, жеткізе мұратын.
Жеңбедім, жеңілдім деп ренжімегім,
Қатысу да бір жеңіс, жаң болсаң сен ұғатын.
«Күзгі бал» байқауын қорытындылау үшін әділ қазылар алқасына аз ғана уақыт береміз! Ендігі кезек әділ қазыларда!
Жүргізуші:
Осылайша «Күзгі бал» сайысы өз мәресіне жетті. «Күзгі бал - 2016» байқауының жеңімпаздары «Бас жүлде» Тағыберген Ернұр мен Тулесинова Дананы қошеметпен ортаға шақырамыз. Ең бастысы жоғарыда айтып кеткенімдей біздің бұл байқауға жиналып отырған мақсатымыз бүгінгі «Күзгі бал» сайысының «Ханзадасы» мен «Ханшайымын» іріктеп шығару. Олай болса олар да анықталды.
«Күз ханзадасы»: Тағыберген Ернұр
«Күз ханшайымы»: Тулесинова Дана
1 жүлделі орын: Амиргалиев Саят пен Акмамбетова Айзерек
2 жүлделі орын: Есен Жандос пен Әбутаева Ажар
3 жүлделі орын: Нағашыбаев Әділет пен Сакенқызы Назерке
«Ең үздік жұп» номинациясы Зинадин Ерасыл мен Мухамбетказина Айжан
«Ең өнерлі жұп» номинациясы Байеділ Мирас пен Кадиркулова Зулфия
Жүргізуші:
Тіршілік – арман, бәрімізге де орын бар,
Басады кейде онсыз да қиын жалын бар.
Қуаныш та бар, өкініш те бар жолдарда,
Ұстауым менің, достарым менің
Бәрінде аман болыңдар!
Осымен «Күзгі бал» атты сайысымыз аяқталды! Көріскенше, қош - сау болыңыздар!
