Сынып жетекшінің жылдық есебі

Ұйғыр ауданының білім бөлімінің

«Ж. Құдайбергенов атындағы орта мектебі мектепке дейінгі

шағын орталығымен» коммуналдық мемлекеттік мекемесі

2016 – 2017 оқу жылындағы 7б сынып жетекшісі О.Тұрбекованың атқарған тәрбие жұмысының есебі

Шонжы 2017 жыл

Ұйғыр ауданының білім бөлімінің «Ж. Құдайбергенов атындағы орта мектебі мектепке дейінгі шағын орталығымен» коммуналдық мемлекеттік мекемесінің 7 б сынып жетекшісі О.Тұрбекованың 2016 – 2017 оқу жылындағы атқарған тәрбие жұмыстарының

Е С Е Б І

Сыныпта тәрбие жұмысы «Ұлттық сана – сезімі мол, рухани деңгейі биік, іскер, еңбекқор, отансүйгіш, табиғи әдепті де ізетті ұрпақ тәрбиелеу» өзекті мәселесін басшылыққа ала отырып және ҚР «Білім туралы » Заңы, ҚР «Бала құқығы туралы» Заңы, «Бала құқығы туралы» Конвенция, ҚР «Тіл туралы» Заңы, ҚР «Мемлекеттік рәміздері туралы» Конституциялық Заңы, т.б. нормативті – құқықтық құжаттардың негізінде 2016 – 2017 оқу жылына арналған жылдық жоспар жасалынып, бекітілді. Жылдық жоспарға сәйкес іс- шаралар өз уақытында өткізіліп отырды. Атап айтқанда, Қазақстандық патриотизм және азаматтық тәрбие, құқықтық тәрбие бағыты бойынша «Алғысымыз шексіз сізге - Ана" атты мерекелік іс- шара, «Ғарышкерлер»тақырыбында конференция сабақ, «Ерлік жыры – елдіктің  ескерткіші» атты тәрбие сағаты, рухани адамгершілік тәрбие бағыты бойынша «Діни экстремизм – бейбітшілік пен тұрақтылыққа төнген қауіп» тақырыбында топтық жұмыс, «Мұқағали Мақатаев - ХХІ ғасыр ақыны» зерттеушілік сабақ, ұлттық тәрбие саласы бойынша «Ата баба дәстүрі-әдептілік негізі» тақырыбында топтық жұмыс, «Нұр себеле, Ұлыстың ұлы күні» тәрбие сағаты, «Атаның сөзі –ақылдың көзі»тақырыбында сабақ, отбасы тәрбиесі саласы бойынша «Отбасы экономикасына менің қосар үлесім....» тақырыбында топтық жұмыс, «Мен және менің отбасым» сабағы, Еңбек, экономикалық және экологиялық тәрбие бойынша «Табиғаттан не алдым, табиғатқа не бердім?» , «Табиғаттың тарылтпайық тынысын» тақырыбында танымдық сабақтар, көпмәдениетті және көркем - эстетикалық бағыты бойынша «Әдептіліктің алтын ережелері» атты тақырыпта танымдық сабақ, зияткерлік тәрбие, ақпараттық мәдениет тәрбиесі бағыты бойынша «ХХІ-ғасыр көшбасшысы» атты тақырыпта сабақ, дене тәрбиесі, салауатты өмір салты бағыты бойынша «Салауаттану – болашағыңды сәулелендіру» тәрбие сағаты, «Салауатты өмір - көтерінкі көңіл» топтық жұмыс өткізілді.

Сыныпта әлеуметтік жағынан қорғалатын оқушыларға көңіл бөлініп отырады. Әлеуметтік мәртебесі бойынша саралағанда, жартылай жетім – 2 оқушы, толық емес отбасы балалары –2, көп балалы отбасы балалары – 2 оқушы, ата –анасы мүгедек оқушы -1 оқушы

Әлеуметтік мәртебесін айғақтайтын құжаттар жинақталып, арнайы папка жасалынды. Осы мәртебедегі оқушылардың іс- шараларға қатынасуы басты назарда ұсталынып отырды. Оқулықпен толық қамтамасыз етіліп, қажетті құжаттар жинақталынды.

Дарынды оқушылармен жұмыс жоспары бойынша дарынды оқушылар іріктеліп алынды.

Халықаралық «Осень 2016» қашықтық олимпиадасында математика пәні бойынша 8 оқушы қатысып,ІІ дәрежелі дипломмен марапатталды. Халықаралық «Ведки» қашықтық олимпиадасында математика пәні бойынша 9 оқушы қатысып, 2 оқушы І дәрежелі дипломмен, 3 оқушы ІІ дәрежелі дипломмен, 4 оқушы ІІІ дәрежелі дипломмен марапатталды.

Сынып оқушылары мектепішілік іс- шараларға да белсене атсалысып отырады. Атап айтқанда, Отбасы күні, сыбайлас жемқорыққа қарсы күрес акциясы, Раушан Койшыбаеваны күтіп ау кезінде, патриоттық айлық барысында, көгалдандыру акциясында флешмоб билеп, мектепішілік гимндер байқауына, Бірлік күніне орай іс – шарада 5 оқушы биге қатысты, аудандық Отан қорғаушылар күніндегі іс – шараға қатысып отырды. Мирлан Сымбат , Аблахатов Ақжол мектепішілік, аудандық сахналадрда үнемі ән орындап келеді. Қожабай Гулназ метепішілік Мұқағали оқуында бас жүлде, ауданда 2 – орын, мектепішілік Абай оқуында бас жүлде, «Үздік оқырман» номинциясы бойынша 2 – орын иеленсе, Берлібай Азиза Махамбет оқуында 2 – орынды, Даулеткеллдиев Досжан еркін күрестен облыстық жарыста 2 – орын, аудандық топаралық жарыста 1,2 – орындарды иеленді. Сондай – ақ мектепішілік «Дарынды оқушылар» слетіне сыныптың 8 оқушысы қатысып, 2 оқушы директордың арнайы грамотасымен марапатталды.

Мектеп кітапханасының тұрақты оқырмандары болып 6 оқушы тіркелген. Сондай – ақ 5 оқушы аудандық кітапхананың оқырманы болып тіркелген. Сыныпта оқушылардың кітап оқуын жүйелеу мақсатында арнайы дәптер басталды.

Сынып оқушыларының оқулықпен қамтылуы 96 % - ды құрайды.

4 оқушы ата – ананың демеушілігімен қамтылды.

Сыныпта өткізілген тәрбие сағаты мен жылдық тәрбие жоспары ұстаздарға арналған «Инфоурок» сайтына жіберілді.

Ата – аналар жиналысы 5 рет өткізіліп, онда ата – аналар комитетінің жаңа құрамын сайлау, тақырыптық баяндама, тоқсандық қорытынды және алдағы міндеттер туралы мәселелер қозғалды. Сондай – ақ ата – аналармен топпен жұмыс түрлері жүргізіліп, ұрпақ тәрбиесіндегі ата – ананың ролі туралы өз ойларын ортаға салды. Ата – аналар оқу жылы ішінде 12 сабаққа қатысып, мектеп пен отбасының тығыз байланыста болуына өз үлестерін қосып отырды.

Медбикемен бірлікте сынып оқушылары ағымдағы медициналық тексеруден өткізілді, сондай – ақ талап еткен құжаттар және анализ қорытындылары беріліп отырды, дәрігерлік кеңес жүргізілді, диктант алынды) (жеке бас гигиенасы және жұқпалы аурулар және олардың алдын алу туралы).

Логопед – психолог сабаққа қатысып, тіл мүкістігі бар балаларды анықтап (3 оқушы тіркелген: Қожабай Гүлім, Оразбаев Мұхтар, Борантаев Бейбіт) , ата- аналарымен бірге жұмыс жасады.

Оқушылардың сабаққа қатысуы бойынша арнайы сүзгі дәптері басталған. Медбикемен бірлікте сабаққа қатыспаған оқушы дер кезінде анықталып отырады. Оқу жылының қорытындысы бойынша 7б сыныбында 23 оқушы (11 ұл, 12 қыз). Оқу үздіктері – 5 оқушы, оқу екпінділері – 7 оқушы; білім сапасы 54 %. Қыздардың білім сапасы 80 %. Ұлдардың білім сапасы 30 %.

Жоғарыда аталған жұмыстарды саралай келе педагог – психологпен және пән мұғалімдерімен жұмысты жандандыру керек деген ұсыныс білдіремін.

Сынып жетекшісі Тұрбекова О.Т