"Ұстаз ұлы тұлға" тәрбие сағаты

Күні:

02.10.17.

Сыныбы:

10

Тақырыбы:

Ұстаз ұлы тұлға.

Мақсаты:

Оқушыларды ұстазды құрметтеуге, сыйлауға үйрету, ұстаз мамандығының қыры мен сырларын түсіну. Ұстаз еңбегін әрқашан бағалай білуге үйрену, Оқушылардың бойына дамыту әрі дарыту.

Кешенді міндеттері:

• білім алушылардың жаңа білімді, ақпараттық ресурстарға сүйене отырып, зияткерлік қажеттіліктерін меңгеруін қамтамасыз ету:

• білім алушылардың шығармашылық, коммуникативтік құзыреттіліктерін дамыту:

• балалардың бойында ұстазға деген құрметті қалыптастыру:

Ресімдеу:

Еліміздің дамуына үлес қосқан атақты ұстаздардың суреттері, слайд бершелері және т.б.

Музыкалық және бейне көркемдеу.

«Ұстазым!», «Ұстаз» және ұстаз туралы әндердің аудиожазбалары.

Сабақтың техникалық құрал-жабдықтары:

Бейнепроектор, компьютер

Үлестірмелі материалдар:

Ұстаз туралы өлеңдер мен нақыл сөздер, білім, мектеп және ұстаз туралы мақал-мәтелдер және т.б.

Эпиграфтар:

«Ұстаздық еткен жалықпас үйретуден балаға »

Абай

Тақырыптық көрметер мен ақпараттық стендтер:

«Ұстаздық еткен жалықпас үйретуден балаға »

«Бір әріп үйреткенге 1000 жыл сәлем!»

«Ұстазы жақсының ұстанымы жақсы»

Дайындыққа арналған әдебиет:

1. http//www.Ustaz.KZ/event.bagdar-rukhani zhangyru-ustaz-makala.

2. http//www.Kazakhstan mektebi/-ustaz-asyl makala

Сабақтың барысы:

I Ұйымдастыру кезеңі

II Инетер белсенді тақтадан оқушылардың бойында патриоттық сезімді оятатын әр түрлі слайдтар, мемлекет рәміздерін көрсету.

III Негізгі бөлім

1 жүрг. Армысыздар, бармысыздар, Қош келдіңіздер, Құрметті де аяулы ұстаздар!

2 жүрг. Ұстаз деген – жарық күні ғаламның,

Ұстаз деген – анасы ол адамның.

Бүкіл әлем мойындайды еңбегін,

Сен де одан адам болып жаралдың.

Ұстазыңды түсінген сен тереңнен,

Бар әлемге еңбегімен еленген.

Сенің бағың өрге қарай өрлесе,

Ол да бірге қуанышқа кенелген.

Сол арқылы сен де өміріңді жалғадың,

Ізгі іс қой, ұстаз тілін алғаның.

Мақтау алсаң ұстаздардың алдында,

Ол өзіңнің орындалған арманың.

Ұстаз сөзін айтып жүрдік ән қылып,

Одан басқа жүрген кім бар жанды ұғып.

Ұстаз деген – ұлылардың ұлысы.

Қасиеті бас иелік мәігілік!

1-жүрг. Асел, Бүгін бізде үлкен мереке. Бүгін ұстаздар қауымының төл мерекесі. Олай болса бүгінгі күн ұстаздарға арналмақ. Ұстаз – ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді.

Ақырын жүріп анық бас.

Еңбегің кетпес далаға.

Ұстаздық еткен жалықпас,

Үйретуден балаға – деп Абай атамыз айтқандай, шәкірттерінің өзінен озғанын қалаған ұстаздар қауымы, мерекелеріңіз құтты болсын.

II жүрг. Денсаулықтарыңыз мықты болсын, шаңырақтарыңыз шаттыққа толсын, біздей шәкірттеріңіз көп болсын!

БІРГЕ: Мерекелеріңіз құтты болсын!

Ән ұстазым. Дана мен Қаналы

1-жүрг. Сен қалай ойлайсың Дана? Менің ойымша, кез-келген адам мұғалім бола алмайды. Себебі ұстаздық-өнер, тағылымды өнер. Ал өнерлі болу кез-келген адамға қона бермейді. Олай болса, шын ұстаз болу үшін табиғи дарын ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген сөз тегін айтылмаса керек.

II-жүрг.Әдемі, мен осы сөзің дәлелді бола түсу үшін мына жер шумақтарын қосайын.

Ұстаз болу – жүректің батырлығы,

Ұстаз болу – сезімнің ақындығы,

Ұстаз болу – мінездің күн шуағы,

Азбайтұғын адамның алтындығы – деп ақын Ғафу Қайырбеков ағамыз жырлағандай, біздің мектебімізде сөзі маржан, үні ән ұстаздардың бар болғанын мақтаныш етемін. Әрине, ұстаз жүгі-ауыр жүк. Адамның жан дүниесін түсініп, ренжітпей, қателігін сездіре білу – бұл нағыз шеберлік емес пе?

1-жүрг. Ендеше, ұрпақпен өмір жолы жалғанады,

Көңілді күндер тусын алдан әлі,

Ән шашу, әсем әуен, түрлі өнер,

Бүгінгі күн сіздерге арналады.

Ұстаз туралы ән сіздерге арналады, аяулы ұстаздар, қабыл алыңыздар.

Алдарыңызда ұстазым менің әнімен

2-жүрг. Күллі өмірін жеткіншекке арнаған

Мұғалімді ардақтайды барша жан

Ол мектептен шықпасада қыс-жазы,

Жемісі оның жердің жүзін шарлаған.

Бала десе ойламайды өз қамын,

Көрсем дейді күнге де қол созғанын.

Шәкірттерін өзінен де озғанын.

1-жүрг.Ұстаздар! Қандай ғажап халықсыздар

Шәкіртке шыдай биік алыпсыздар,

Жан біткен жанарына нұр сыйлаған.

Күндей боп күлімдеген жарықсыздар.

2-жүрг. Дана, екеуміз ұстаздар туралы нақыл сөздер айтып жарысып көрсек қайтеді?

1-жүрг. Ал ендеше баста.

2-жүрг. «Ұстаз болу өз уақытын аямау, өзгенің уақытын аялау»

1-жүрг. «Ұстазға қарап, шәкірт өседі»

2-жүрг. «Аспаз көрген ат таныр, ұстаз көрген хат таныр»

1-жүрг. «Ұстазға қарап шәкірт өседі»

2-жүрг. «Ұстазыңды ұлы әкеңдей сыйла»

1-жүрг. «Ұстазы жақсының – ұстанымы жақсы»

2-жүрг. Дана, екеуміз ұстаз туралы қанша мақтау айтсақ та тауысы алмаспыз. Ендеше, қымбатты ұстаздар, шәкірттеріңіздің өздеріңізге арналған өлең шумақтарына кезек берелік.

Меруерт: Әр сабағаң өтіп жатыр білінбей,

Перне басқан оркестрдің үніндей.

Әр баланың жүрегіне жол тауып,

Тұрасың сен дерижер боп күлімдей.

Әр сабаққа кіресің сен сыйынып,

Жыр оқисың нөсер болып, құйылып,

Қас-қабағын қалт жібермей шәкірттің,

Қарайсың-ау нұр жүзіне сүйсініп.

Жалын атып, от боп бірге жанасың,

Білім беріп, содан бақыт табасың.

Бар өмірің өрнектеліп баламен,

Жасарып бір, мәңгі жас боп қаласың.

Батырхан: Мұғалімді анамдай жақсы көремін,

Қиналамын қымбат теңеу таба алмай,

Өз баласын тастап кетіп үйіне,

Ел баласын оқытады ой Алла-ай.

Мұғалімді жақсы көрем сезімтал,

Үлгі етемін өнегелі сөзін бал.

Мұғалімнің мұғалімін танимын.

Көкіректе көретұғын көзім бар.

Дана: Ұстаздарға мың алғыс

Алғыстарым көп менің

Асыл анам мектебім.

Үйреткені адалдық.

Ұсынғаны адамдық

Текті мінез даналық.

Бар ұстазға тілейміз: Бақыт, табыс, амандық!

2-жүрг. Асыға сәлем жолдап жүректен біз,

Бірге өсіп, ен жайлаған ұл менен қыз.

Тәтті күй, асқақ ән мен әсем биді

Сіздерге тарту етіп ұсынамыз.

ӨЗБЕК БИІ

1-жүрг. Менің ең сүйікті мақалым: Оқу күрекпен құдық қазғандай/инемен

Мен шамасы дұрыс айтпады ау деймін,

Әріптер де, сөздер де бытырап, біртүрлі шашырап кетті ме қалай?

Ендеше мен сендерді көмекке шақырамын. Мен айтқан мақал-мәтелдерді түзетуге көмектесіңдер.

1 Қына басқа бітеді/тасқа

Білім шашқа бітеді/басқа

2 Біліп тұрсаң да сұрама/сұрап ал

3 Аз біл көп сөйле/көп біл аз сөйле

4 Көрмес шошқаны да көрмес/түйені

5 Өнер алды ұзын тіл/қызыл тіл.

6 Жығылып жатып, жығылғанға күлме/сүрінгенге

Қорытынды:

2-жүрг: Қадіріңді кезінде

Білмепті ғой ұланың

Қазір әр бір сөзіңе

Елеңдейді құрағым

Бірдей етіп ұстадың

Демей бізге бөтенсің

Кейде ақылын ұстаздың

Сағынады екенсің.

Сол ұстазға жаны нұр

Демек үлкен адаммын.

Есейсекте бәрі бір,

Баяғы шәкірт балаңмын-деп қанша есейіп кетсекте біз сендерді ешқашан ұмытпаймыз.

Рефлексия:

Ұстаз - ............................ .