Разработка мероприятия на тему: "Тайны отношении с подростками"

Күні:

30.04.2026ж.

Сыныбы : 5г; 5б

Қатысушылар саны: 46

Қатыспағандардың саны: 0

Ата – аналар жиналысының тақырыбы:

««Жасөспірімдермен қарым-қатынас құпиялары»».

Ұлттық құндылық

Еңбекқорлық пен кәсіби біліктілік.

Мақсаты

Ата-аналардың 5-сынып оқушыларының (бастауыштан жоғары сыныпқа өту және алғашқы жасөспірімдік кезең) психологиялық ерекшеліктері туралы сауаттылығын арттыру, баламен ашық әрі сенімді қарым-қатынас орнатудың практикалық жолдарын көрсету.

Жиналыстың кезеңі

Мұғалімнің іс - әрекеті

Ата – анананың іс - әрекеті

Бағалау

Ресурстар

Жиналыстың басы

Ұйымдастыру кезеңі
І.Негізгі бөлім
«Құрметті ата-аналар! Бүгінгі біздің кездесуіміздің тақырыбы — «Жасөспірімдермен қарым-қатынас құпиялары». Балаларымыз кеше ғана бастауыш сыныптың ерке баласы болса, бүгін міне, өз пікірі бар, ересек болуға талпынған, сезімтал болып өсіп келеді. Осы кезеңде олардың жүрегіне жол табу — үлкен өнер.

Жиналысымыздың ресми бөліміне көшпес бұрын, алдарыңыздағы түрлі-түсті стикерлерге «Баламның бойынан соңғы уақытта байқаған ең басты өзгеріс» (мысалы: тез ренжиді, көп сөйлемейді, өз бөлмесіне тығылады немесе өз бетінше шешім қабылдағысы келеді) деген сұраққа бір сөзбен жауап жазып, тақтадағы «Жасөспірім әлемі» атты жүрекшеге жапсыруыңызды сұраймын».

Ата – аналардың жауаптары.

Ата – аналардың сұрақтары.

Шапалақ

Интерактивті тақта

Жиналыстың ортасы

ІІ. Практикалық бөлім.

Баланың 5-сыныпқа өту кезеңіндегі мінез-құлық өзгерістері мен жас ерекшеліктері туралы қысқаша ақпарат беру.

Психологиялық тренинг: «Сенім жібі»

Ата-аналарды топқа бөліп, бір-біріне шумақ жіпті лақтыру арқылы баламен қарым-қатынастағы ең басты құндылықты (мысалы: сыйластық, тыңдай білу, төзімділік) атауды ұсыну.

Тәрбиелік мәні: Баламен байланыс жіп секілді нәзік, оны үзіп алмай, берік ұстау керек екенін түсіндіру.

Топтық жұмыс (Постер қорғау):Ата-аналарға 3 түрлі жағдаяттық тақырып беріледи:

1-топ: «Жасөспірім баланың бойындағы өзгерістер мен жаңа мінездер» (Неліктен бала өзгерді?).2-топ: «Баламен тіл табысудың алтын ережелері» (Қалай сөйлесу керек?).3-топ: «Отбасындағы кикілжіңдерді (конфликт) шешу жолдары».

Ата-аналарға әдістемелік кеңес:1. Белсенді тыңдау: Баланы айыптамай, соңына дейін тыңдау.

2. Жеке кеңістік: Баланың пікірі мен сезімдеріне құрметпен қарау.3. Қолдау көрсету: Сәтсіздік кезінде ұрыспай, бірге шешім іздеу.

4. Дос болу: Тыйым салу мен бұйрық беруден гөрі, ақылдасу стиліне көшу.

Тренингке белсенді қатысады.

Топпен бірлесіп постер дайындайды және өз тәжірибелерімен бөліседі.

Жасөспіріммен сөйлесу ережелерін талқылайды.

Шапалақ

Интерактивті тақта

Жиналыстың соңы

ІІІ.Қорытынды бөлім.
Жиналысты түйіндеу. Бала тәрбиесіндегі ата-ана мен мектептің бірлескен кәсіби біліктілігінің маңызын айту.

Жиналыс қаулысының жобасын оқу:

1. Ата-аналарға баланың жас ерекшелігін ескере отырып, үйде қолайлы психологиялық ахуал тудыру ұсынылсын.

2. Баламен қарым-қатынаста дөрекілік пен қатал тыйымдардан бас тартып, сенімді серіктестік орнату негізге алынсын.

3. Баланың мінез-құлқында қиындықтар туындаған жағдайда сынып жетекшісімен және мектеп психологымен тығыз байланыс жасалсын.

4. Отбасында баланың еңбекқорлық дағдыларын дамытуға жағдай жасалсын.

Шапалақ

Интерактивті тақта