Ашық тәрбие сағаты "ЖІГІТ СҰЛТАНЫ"

                                   «Жігіт сұлтаны»

1-жүргізуші(Б):Армысыздар ағайын,құрбы-құрдас!

                                      Бармысыздар,жанкүйер әз-қауымдас!

                                      Бүгінгі кешсайысты біз бастайық

                                       Сайыста көңілменен қол соғалық.

2-жүргізуші(С):Біздерде ойын-сауық басталды,

                                      Тамаша күй тартылып,ән салады.

                                      Қошеметтеп,құрметтеп отыралық,

                                      Ұмытарсыз күні бойы шаршағанды.

1-жүргізуші(Б):Бағына бақытты елдің туған ұлан,

                                      Бойына бар асылды жиған ұлан,

                                      Қазақтың қасиетті жігіттері,

                                      Жанына нұр дарыған,жыр дарыған.

2-жүргізуші(С):Дария ой,даналардан бата алғандар,

                                       Айнымас алмас қылыш атанғандар.  

                                       Қазақтың қасиетті жігіттері,

                                       Халқына қалқан болған,қаһармандар,-деп Махмұтбай Әмірұлы ағамыз жырлағандай халқымыздың әдет-ғұрыпында отбасына ұл баланың келуі «Ұл туғанда,күн туған»-деп ерекше оны бақыт санаған.Оның себебі,қазақта отбасының жалғасы,шаңырақтың иесі ұл бала болып есептелген.Халқымыз ұл бала тәрбиесіне ерекше көңіл бөлген.Ер баланы адамгершілікке,батылдыққа,ептілікке,имандылыққа баулыған. «Ұлға отыз үйден тыйым,он сан үйден сын»-демекші,ер жігітке айтылар сын көп болғпн,қойылатын талап та жоғары болған.Бүгінгі ХХІ ғасыр білім мен ғылым дамыған заманда жігіттеріміздің үлкен белес асулардан көрінуі елге әкелген бақытпен тең.Олай болса,жігіттеріміздің батырлығын,ептілігін,білімдерін,ақылдығын тамашалайық!

1-жүргізуші(Б):Құрметті,ұстаздар мен оқушылар!Бүгін біз ТХ-18о және ОП-27о оқу топтарының арасында ұйымдастырылып отырған колледжішілік «Жігіт сұлтаны» байқауына жиналып отырмыз.Байқауымызды ашық деп жариялап,жігіттерімізді ортаға шақырайық.

2-жүргізуші(С):Өнер қуған жасынан,

                                       Өнері судай тасыған.

                                       Келесі біздің Бексұлтан,

                                       Көрінген көштің басынан.

1-жүргізуші(Б):Спортпенен білім жағын бір қосқан,

                                        Кем қалмаған талантпенен табысқан.

                                        Қараңыздар Бақдәулетіміз ортада,

                                        Тауды бұзар шын кіріссе намыстан.

2-жүргізуші(С):Біледі ол жақсы менен жаманды,

                                        Өнерімен тамсандырған адамды.

                                        Қошеметтеп шақырайық ортаға,

                                        Ерсұлтандай жігіт болған сабазды.

1-жүргізуші(Б):Еңбексүйгіш,таудай талап бойында,

                                        Барлық істі тыңдау бар ойында.

                                        Сағынбаев Даниярдай жігітті,

                                        Шақырайық қошеметпен ортаға.

2-жүргізуші(С):Енді сайыстың бағдарламасымен таныстырып өтсем:

1)«Таныстырсам өзімді»-таныстыру

2)«Сегіз қырлы,бір сырлы»-өз өнерін көрсету

3)«Ескірмейтін есті сөз»-танымдық сұрақтар

4)«Күш атасын танымас»-кір тасын көтеру

5)«Жұптық би»кезеңі

1-жүргізуші(Б):Бүгінгі байқауға әділ бағасын беріп қазылық ететін,әділ-қазы алқаларымен таныстырып өтейік:

1)Сайдұлла Бауыржан Сайдұллаевич-Директордың тәрбие жұмысы жөніндегі орынбасары

2)Айтуарова Гүлбаршын Бектасқызы-топ жетекшілерінің әдістемелік бірлестігінің төрайымы

3)Сәтбаева Света-колледж психологы

2-жүргізуші(С):Енді сайыскерлеріміз әділ-қазы алқасынан жеребе алсын.Қатысушыларға сәттілік тілейміз!

Ей,тәкәппар дүние,

Маған да бір қарашы.

Танимысың сен мені,

Мен қазақтың баласы,-деп ақын ағаларымыз жырлағандай сайысымыз 1-ші кезеңі «Таныстырсам өзімді»деп аталады.Сонымен бірінші қатысушымыз Нұғман Бексұлтанды шақырамыз.

Екінші қатысушымыз Әбдібек Бақдәулет.

Үшінші қатысушымыз Досмағанбет Ерсұлтан.

Төртінші қатысушымыз Сағынбаев Данияр.

1-жүргізуші(Б):«Еңбек ердің-санаты,білім елдің қанаты»демекші адам ақыл-парасатымен сұлу,ақылды жігіт ата-анасының жанып тұрған шырағы емеспе?Қазақта жігітті былай деп атаған:

«Көсем Жігіт»-ел басқаратын жігіт,

«Шешен Жігіт»-дау шешетін жігіт,

«Батыр Жігіт»-еліне қамқор жігіт,

«Сері Жігіт»-аттың жүйрігін мініп,иттің алғырын ертіп,мың құбылтып ән салып,күмбірлете күй тартатын өнерлі жігіт.Олай болса,сері жігіттеріміздің өнерін тамашалайық.

2-жүргізуші(С):Келесі шартымыз «Сегіз қырлы бір сырлы»деп аталады.Бұл шартта жігіттеріміз өз өнерлерін көрсетеді.Ортада бірінші қатысушымыз ОП-27о оқу тобының студенті Нұғман Бексұлтан.

Екінші қатысушымыз ТХ-18о оқу тобының студенті Әбдібек Бақдәулет.

Үшінші қатысушымыз ТХ-18о оқу тобының студенті Досмағанбет Ерсұлтан.

Төртінші қатысушымыз ОП-27о оқу тобының студенті Сағынбаев Данияр.

1-жүргізуші(Б):Ендеше әділ-қазы алқалары «Таныстырсам өзімді»атты бірінші кезеңімізге әділ бағаларын көрсетсе.

«Сегіз қырлы,бір сырлы»кезеңінің де бағаларын біле кетсек.

2-жүргізуші(С):«Талапты елге нұр жауар»әрине,ол үшін сөзді тыңдай біліп,сөздерді ойға тоқу керек.Сайысымыздың келесі кезеңі «салт-дәстүр» бойынша сұрақтарға жауап беру.Сұрақтарды әділ-қазы алқалары алдынан карточка арқылы ала аласыздар.

2-жүргізуші(С):Ортаға ТХ-18о оқу тобының студенті Аралбаев Нұрасылды «Гүлімсің» атты әнімен ортаға шақырамыз(концерттік бағдарлама)

1-жүргізуші(Б):Ер өнері білінбес,

                                        Қоян қолтық алыспай.

                                        Күш өнері білінбес,

                                        Бәйгеге түсіп жарыспай,-дегендей сайысымыздың соңғы кезеңі «Күш атасын танымас» деп аталады.Бұл кезеңде жігіттеріміз 16кг салмақтағы кір тасын көтереді.Ортаға бірінші қатысушымызды шақырамыз.2-ші.3-ші.4-ші.

1-жүргізуші(Б):_____________________________________________(концерттік бағдарлама)

2-жүргізуші(С):Ендігі кезекте,ортада,қатысушы жігіттеріміздің жұптық биіне назар аударыңыздыр!

2-жүргізуші(С):Әділ қазы алқаларынан «Ескірмейтін есті сөз» және де «Күш атасын танымас»кезеңдерінің бағасын біліп кетсек.Алдыменен «Ескірмейтін есті сөз»кезеңінің бағасын көрсетсеңіздер.Ал енді «Күш атасын танымас»кезеңінің бағаларын білсек.

1-жүргізуші(Б):Әділ-қазы алқалары ойланып болғанша,ОП-26о оқу тобының студенті Төлеу Ілияс пен ТХ-18о оқу тобының студенті Жұмаев Нұрисламды ортаға шақырамыз.(концерттік бағдарлама)

1-жүргізуші(Б):Сайысымыздың соңына да келіп қалыппыз.Жігіттерімізді ортаға щақырсақ.Сайысымызды қорытындылау үшін әділ-қазы алқаларына сөз берсек.