Независимый Казахстан

Сабақтың тақырыбы: « Тәуелсіз елім Қазақстаным».

Сабақтың мақсаты:

1.Білімділік: Тәуелсіздік ұғымын түсіндіру.

2.Дамытушылық: Оқушының тіл байлығын дамыту, есте сақтау қабілетін шыңдау, мәнерлеп оқуға баулу, ой-өрісін кеңейту.

3.Тәрбиелік: Тәуелсіздікті бағалай білуге, ұлтжанды, елжанды болуға тәрбиелеу.

Сабақтың әдіс тәсілі: баяндау, сұрақ-жауап, өлең айту, өлең оқу, сөзжұмбақ

Сабақтың көрнекілігі: қанатты сөздер, рәміздер, Елбасы суреті, плакаттар.

Сабақтың барысы: Кіріспе Мұғалім сөзі:

Қайырлы күн құрметті ұстаздар мен оқушылар!

Бүгінгі біздің тәрбие сағатымыз Қазақстан Республикасының Тәуелсіздік мерекесіне арналып отыр. Тәрбие сағатымыздың тақырыбы :

«Тәуелсіз менің Қазақстаным».

Құтты болсын тәуелсіздік мейрамы,

Ол әркімге бейбіт өмір сыйлады.

Аңсаған сан ғасырлық арман болып,

Қол жеткізген шындық жырын жырлады.

Қуаныштан қалай кеуде кермесін,

Бұл күнімді бір ғасырға бермеспін.

Ақ түйенің қарны бүгін жарылды,

Тәуелсізбін, егеменмін, дербеспін.

-Балалар , біздің сүйікті Отанымыз, қасиетті мекеніміз қай Республика? (Қазақстан)

-Қазақстан Республикасының Президенті кім? (Н.Ә Назарбаев)

-Еліміздің астанасы қай қала? ( Астана)

-Қазақстанның бұрынғы астаналары қалай аталады ? (Орынбор, Қызылорда, Астана)

-Қазақстан қандай мемлекет? Тірек сызбаны толтыру

Демократиялы Тәуелсіз Егеменді

Әлеуметті

Құқықты

Көпұлтты Қазақстан қандай мемлекет? Біртұтас

Бейбіт

Зайырлы Тату

1-оқушы: Қазақстан Республикасы –біздің туып өскен жеріміз, біздің Отанымыз. Бұл жерде қазақ халқы ертеден тұрып келеді.

Қазақтар мал өсіріп, жер игеріп, өз Отанын жаудан қорғаған, жерін болашақ ұрпағына мұра етіп қалдырған.

Қазақстан дейтін менің бар елім,

Жатыр алып жарты дүние әлемін!

Бұл даланы анам жаспен суарған,

Бұл далада атам қолға ту алған

Бұл далада өскен жанда жоқ арман.

2-оқушы: Қазақ халқы еркіндікке жету үшін қаншама қиын-қыстау кезеңдерді бастан кешірді. Мыңдаған жылдық тарихы бар, Қазақстан өз тәуелсіздігін алды.

3-оқушы:Тәуелсіздік –менің байтақ Отаным,

Бір өзіңсің Мұхтар, Абай, Шоқаным.

Тәуелсіздік-сәбилердің шаттығы,

Тәуелсіздік – ақ батасы атаның.

Тәуелсіздік,Тәуелсіздік –жыр әнім,

Көк байрағым, Елтаңба, Әнұраным.

Атыңнан айналайын Тәуелсіздік,

Қолда елімді қасиетті Құраным!

4-оқушы:Желтоқсан жас арудың жанарында,

Желтоқсан қанды ғасыр табанында,

Желтоқсан жаңа ғұмыр бастаған да,

Бүгінгі жас буынның санасында.

Отаным Қазақстан –алтын бесік,

Мінекей ұлы жолға түсті келіп.

Ағайын , бар тілерім бір алладан,

Тұғыры мықты болсын Тәуелсіздік.

5- оқушы:Тәуелсіз боп артты халқым сенімі,

Мұз боп қатқан қайғы –мұңым еріді.

Ақ шыңдары тауларымның биіктеп,

Кең тыныстап ұлы далам кеңіді.

Тауымыз бар таңырқатқан шыңымен,

Ұл-қызым бар ,даламыз бар ұлы кең,

Алдарыңа басымды иіп , өр халқым,

Құттықтаймын тәуелсіздік күніңмен!

6-оқушы:Ел жоқ білем аңсамаған теңдікті,

Еркін жүріп көксемеген кеңдікті.

22 жыл тәуелсіздік алдық біз,

Жалғастырып баба жолын елдікті

Әнұран бар ұрпаққа өсиет ашқандай,

Теңгеміз бар тайға таңба басқандай.

Көк байрағым көкте биік желбіреп,

Бірлікке шақырып бізді жатқандай.

7- оқушы:Халқым айтқан: жер көгерер ер даңқын,

Елім айтқан: ер көтерер жер даңқын.

Президентім аман болғай Елбасы,

Мәңгі жаса, мәңгі жаса өр халқым.

Елорданы көшіріп Ақмолаға,

Астана деп ат қойды жас қалаға .

15 жыл толған бүгінгі Елордаға,

Еңселі екен алыстан қарағанда.

Туындай қанат керген желді күнгі,

Танытты кең әлемге кеңдігіңді.

Тұрғанда « Бәйтерегің» көкке шырқап ,

Ұстай біл асқақтатып елдігіңді.

Ән: Видайко Юляның орындауында «Қазақстан»

8-оқушы: Тәуелсіздік шежіресі.

1991 ж.1 желтоқсан Қазақ КСР-нің алғашқы Президенті Н.Ә Назарбаев сайланды. 16 желтоқсан Қазақстан Республикасының Тәуелсіздік туралы Заңы қабылданды. 21 желтоқсанда ТМД құрылды.

1992 ж. Мемлекеттік Рәміздер бекітілді. Қазан айында тұңғыш ғрышкер Т. Әубәкіров ғарышқа самғады.

1993 ж. Тұңғыш Конституция қабылданды.12 қарашада төл теңге дүниеге келді.

1994 ж. Мемлекеттің тұңғыш ордендері мен медальдары дүниеге келді. 30 маусымда ұшқыш Талғат Мұсабаев аспан көгіне көтерілді.

1995 ж. 30 тамыз жаңа Ата Заң қабылданды.

1996 ж. Алматыда тәуелсіздік ескерткіші ашылды.

1997 ж. Елорда Астанаға көшірілді. Қазақстан -2030 Жолдауының шығуы. Жалпы ұлттар татулық пен қуғын –сүргендерді еске алу жылы.

1998 ж. Халықтар тұтастығы мен тарих жылы.

1999 ж. Ұрпақтар бірлігі мен сабақтастығы жылы.

2000 ж. Мәдениет қолдау жылы.

2001 ж. Қазақстандағы Ресей жылы.

2002 ж. Денсаулық жылы.

2003-2005 ж .Ауыл жылдары.

2010 ж.Астана Саммиті- адамзат тарихының ұлы оқиғасы.

2011ж. Қазақстан Республикасының Тәуелсіздігіне 20 жыл. Қазақстанда ІІV «Азия ойындары» өтілді. Қазақстан 47 медальға ие болды. Соның ішінде 18 алтын медаль, 17 күміс медаль,12 қола медаль.

2012 ж. 1 желтоқсан 1- Президент күні.

Мұғалім: Бүгін әрбір мемлекеттің ғасырлық тарихына байланысты рәміздер бар. Мемлекеттік рәміздер- Ту, Елтаңба, Әнұран. Бұл халық бірлігінің белгілері. Қазақстан Республикасының да өз рәміздері бар. Мемлекеттік рәміздерді құрметтеу –әрбір азаматтың міндеті.

Мемлекеттік рәміздер дегеніміз не?

9-оқушы: Мемлекеттік рәміздер белгілі бір елдің өзіндік өмір салтын , бүкіл болмыс ерекшелігін, айрықша арман-аңсарын, басқалармен байланыс мұраттарын білдіреді.

Рәміздерім-елдігімнің белгісі,

Білу керек баладағы ең кіші.

Рәміздерім-Әнұран, Ту, Елтаңба,

Рәміздерді жатқа білген –жөн кісі.

10-оқушы: Мемлекеттік Әнұранды алғашқы жолы ақындарымыз М. Әлімбаев, Қ. Мырзалиев, Т. Молдағалиев және ақын қызымыз Ж. Дәрібаева жазған. 2006 жылы Қаңтарда Қазақстан Республикасының жаңа гимні қабылданды. Гимн авторлары: сөзі Ж. Нәжімеденов, Н.Ә. Назарбаев музыкасын жазған Ш. Қалдаяқов. Әнұраным

Әйгілісін іуенімен әлемге,

Әнұраным, пәктігіңді дәлелде.

Қазағыма қайсар шабыт бергендей,

Ұран болып айтыла берер елінде.

Жүргінен орын алып елімнің,

Шартараптан шарықтаумен көріндің.

Әсем әнді әуенімен тербеткен,

Белгісісің кең жазира жерімнің.

Әрлі әуенімен шартарапты шайқады,

Күштілігін бүкіл халық байқады.

Шабыт берген Әнұранды әрқашан,

Маңғаз елім мақтанумен айтады.

11-оқушы :Елтаңба авторлары: Жандарбек Мәлібекұлы, Шотан Уәлиханов.

Шаңырақ –Отан отбасынан басталады. Ортақ шаңырақ биік , босаға берік болсын деген мағынаны , ал уықтар –үлкен үйдің уықтарын шын ниеттерімен қосыла танытқан елшілес ел жұртқа да бай , қуатты тілеймін дегенді білдіреді. Ай мүйізді, алтын қанатты қос пырақ- Арыстанның жүректілігін, қыранның қырағылығын,өгіздің қара күшін, еліктің шапшандығын, қырмызы қызыл түлкінің жауын жер соқтырар айлакерлігін білдіреді. Бес бұрышты жұлдыз «Бағымыз ашылып, жұлдызымыз жарқырай берсін» деген асыл арманды арқалап тұр.

12-оқушы: Елтаңбасы елімнің

Неткен әйбәт әдемі.

Тұнығындай көңілдің,

Ортада аспан әлемі.

Құт береке-шаңырақ,

Орын алған ол төрден.

Қанатты қос арғымақ,

Екі жақтан көмкерген.

Тәуелсіздік жолында,

Талай-талай тер тамған,

Билігім өз қолымда,

Еркіндігім –Елтаңбам.

13-оқушы: Мемлекеттік ту -1992 жылы 4 маусымда қабылданып, 6- маусымда күшіне енді. Тудың ортасында шұғылалы күн, оның астында қалықтап ұшқан қыран бейнеленген, ішкі бұрышты көгілдір матаның сол жағында қызыл өрнегі бар. Жалаудың ұзындығы-2 метр, ені 1 метр. Жалаудың жобасын жасаған –Суретші Шәкен Ниязбеков.

14-оқушы:

Жарасқан байрақтың мәні бар,

Көк аспан , күн қыран –сәні бар.

Көк байрақ –ашық көк кең ісім,

Алтын күн-белгісі жеңістің.

Алтын күн көтерген ел құсы,

Халқымның батырлық белгісі!

Киелі көк байрақ астында,

Иелі ұқсас тасқанға.

Көк байрақ күш беріп ір істе,

Ерлерді жеткізген жеңіске.

Желбіреп тұр байтақ аймақта,

Елжірей қераймыз байраққа.

Киелі байрақта аруақ, бақ,

Иеді басын ел ардақтап.

Көк туды қастерлеп, сүйіп те,

Көтеріп ұстаймыз биікте.

Ән: Семейхан Мараттың орындауында «Көк туым».

Мұғалім: Қазақ халқында көптеген туған жерге ,еліне арналған мақал-мәтелдер бар .Сол мақал –мәтелдерді ортаға салайық.

1. Отан- отбасынан басталады.

2. Жері байдың елі бай.

3.Отан үшін отқа түс күймейсің.

4.Отан –оттан да ыстық.

5.Отан қуат,Отан шуақ.

6.Отансыз адам,Ормансыз бұлбұл.

7.Өз елім-өлең төсегім.

8.Елінен безген оңбайды, көлінен безген қонбайды.

9.Туған жердің түтіні де тәтті.

10.Өз елің –алтын бесік.

Сұрақтар.

1.Қазастан Республикасының тәуелсіздігі қашан жарияланды?( 16.12.1991 ж)

2.Қазақстан Республикасының мемлекеттік тілі (қазақ тілі)

3.Қазақстан Респупликасының тұңғыш ғарышкері кім?( Тоқтар Әубәкіров.)

4.Қазақстан Республикасының егемен ел болу үшін қандай ұлттық белгілер болу керек?( Елтаңба, Әнұран, Ту,Мемлекеттік шекара, Әскер, Мемлекеттік тіл, мемлекеттік заң )

5.Қазақстан Республикасында неше облыс бар?(14)

6.Қазақстан Республикасының премьер министрі кім?( Серік Ахметов)

7.Қазақстан Республикасының ең биік шың?(Хан Тәңірі)

8.Қай жылы Семей полигоны жабылды?(1991ж 29 тамызда.)

9.Қазақстан Республикасының Конституция күні қашан?(30 тамыз)

10. Қазақстан Республикасының қорғаныс министірі кім?( Әділбек Жақсыбеков)

Балалар, сендер «Отан», «Тәуелсіздік» сөздерін естігенде көз алдарыңа нені елестетесіңдер? Тірек сызбаны толтыру

Отан Тәуелсіздік

Сөзжұмбақ

н

ұ

Р

а

к

Ә

с

і

п

т

і

к

А

қ

М

о

л

а

Е

р

т

І

с

н

а

у

р

ы

З

п

р

е

з

и

Д

е

н

т

б

Е

с

Д

о

м

б

ы

Р

а

1.1830 жылы орыс әскері бірінші қай өзеннің бойына тоқтады?

2.Мемлекеттік мереке және қандай мереке бар?

3.1997жылға дейін Астана қаласы қалай аталды?

4. Семей және Өскемен қалаларынан ағып өтетін өзен?

5. Ұлттық мереке

6.Нұрсұлтан Әбішұлы Назарбаев кім?

7.Қазақстан неше елмен шектеседі?

8. Музыкалық аспап. Қорытындылау: Мұғалім

Міне егемендігімізді алып , Елбасымыздың салиқалы саясатының арқасында Қазақстан жылдан-жылға көркейіп, небір қиындықтарды тастап жаңа экономикалық өрлеу үстінде.

Ел болдық ерік алдық астаналы,

Енді кімнен қазағым жасқанады.

Тәуелсіз мемлекеттің шежіресі,

Нұрсұлтанның атымен басталады.