Компьютерлік желілер және олардың жіктелуі

Ұзақ мерзімді жоспардың тарауы: 7.1B-тарау: Желі және қауіпсіздік

Мектеп: № 273 орта мектеп

Күні: 29. 06. 2018ж.

Мұғалімнің аты-жөні: Сатлабаев Маханбет Абдрайымович

Сынып: 7 «А, Ә, Б, В»

Қатысқандар:

Қатыспағандар:

Сабақтың тақырыбы

Компьютерлік желілер және олардың жіктелуі

Осы сабақта қол жеткізілетін оқу мақсаттары (оқу бағдарламасына сілтеме)

7.1.3.1- компьютерлік желілерді топтастыру

Сабақтың мақсаты

Барлық оқушылар: компьютерлік желілерді топтастырады.

Оқушылардың басым көпшілігі: мекемелердегі топология түрін анықтай отырып, сызбасын сызады

Кейбір оқушылар: Желіні бағалау өлшеміне сәйкес топология түрін анықтайды

Бағалау критерийі

компьютерлік желілердің қызметін анықтайды.

Тілдік мақсаттар

Желілердің түрлерін, топологиясын, аппараттық құралдарын сипаттауда термин сөздерді тиімді әрі дұрыс пайдалануға баулу.

Пәнге қатысты сөздік қор мен терминдер:

LAN, Соmрutеr netwоrks, Wi Fi, Li Fi, WiMAX, Bluetooth, Hub, D-link (байланысты біріктіретін құрылғы), ADSL (технологиясы қазіргі абоненттік телефонды сызықты абоненттерді кең жиекті тарату қызметтерімен қамтамасыз ету идеясында негізделеді.)

Диалогтер мен жазу үшін қолданылатын тіркестер:

1. Сервер дегеніміз.....

2. Желіге тұрақты түрде қосылмаған компьютерді ..... деп аталады.

3. Жергілікті есептеуіш желінің ....... сияқты физикалық топологиясы кеңінен тараған.

Құндылықтарға баулу

Шығармашылық және сын тұрғысынан ойлау, қарым-қатынас жасау қабілеті, жауапкершілік, денсаулық, достық және айналадағыларға қамқорлық көрсету, өмір бойы оқуға дайын болу.

«Мәңгілік Ел» жолдауындағы құндылық: Тарихтың, мәдениет пен тілдің біртұтастығы (Үй тапсырмасын сұрау мақсатында жүзеге асырамын)

Пәнаралық байланыс

5-сынып, көркем еңбек пәні, тақырыптары: «Сурет салуды меңгеру», «Сызықтық перспективасы».

6-сынып, Математика пәні, тақырыптары: «Шеңбердің ұзындығы. Дөңгелектің ауданы. Шар. Сфера», «Графиктер». (Сабақты ашу мақсатында жүзеге асырамын)

Тақырып бойынша алдыңғы білім

компьютерлік желілер ұғымын біледі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

Ұйымдастыру кезеңі

а) Сәлемдесу, түгендеу, окушылар назарын сабакка аудару.

ә) Психологиялық ахуал туғызу.

Үй тапсырмасын сұрау

«Ханталапай» әдісі арқылы өтілген тақырып бойынша сұрақ-жауап алу.

1. Ханталапай ойыны- қазақ халқының ұлттық ойыны екендігін оқушыларға түсіндіре отырып оның құндылығына тоқталып. Елбасының жолдауындағы «Мәңгілік Ел» туралы жалпы ұлттық идеясының маңыздылығы мен 7 құндылығына тоқтала кетіп оның ішіндегі «Тарихтың, мәдениет пен тілдің біртұтастығы» жататынын жайлы айта кетемін.

«Ханталапай» әдісінің шарттары:

1. Оқушыларды шеңберге тұрғызып ортасына сұрағы бар асықты шашып тастаймыз.

2. Оқушылар қанша асық жинаса сонша сұраққа жауап бере отырып балл жинап білімін көрсете алады.

3. Егер оқушыға білмейтін сұрақ туындаса ол өзінің сыныптастарынан сұрап өз ойын толықтырып айта алады немесе ортада талқыланады.

Бұл тапсырманы «Смайлик» арқылы бағалау. Кері байланыс беру

Кәмпит арқылы топқа бөлу. «Сақина», «Жұлдыз».

Шарты: Қорапшаның ішіне бірдей түсті кәмпиттің сыртына топтың аты фигураға жазылып скотчпен жабыстырылып салынады. Сол бойынша екі топқа бөлінеді.

Жаңа тақырыпты ашу

Жаңа тақырыпты ашу үшін кәмпиттің сыртына топтың аты жазылған фигураның екінші бетінде бүгінгі сабақтың тақырыбы буындалып көрсетілген. «Адасқан буындар» әдісін пайдаланып жаңа сабақтың тақырыбын және мақсатын айқындаймыз.

Презентация

Интерактивті тақта,

асықтар,

оқулық Информатика 7 сынып

Авторы: Махамбетжанов С.Т.

Сербин В.В

Исабаева Д

«Смайлик» арқылы бағалау

Кәмпит

арқылы

топқа бөлу

Сабақтың ортасы

Жаңа сабақ

«Стоп кадр» әдісін қолдану.

Оқушыларға жаңа сабаққа қатысты АКТ – дан бейнесабақ көрсетемін және «Стоп кадр» әдісі арқылы бейне сабақты тоқтатып отырып, түрткі сұрақтармен ойларында бекітемін.

1. Бейнероликте қандай материалдар көрдік?

2. Компьютерлік желі туралы қандай мағлұматтар алдық және қалай қолдандық?

3. Желілік топологияның түрлері бүгінгі біздің топқа бөлу барысында кездескен термин сөздерге байланысы бар ма?

Бұл тапсырманы «Смайлик» арқылы бағалау. Кері байланыс беру

Топтық тапсырма.

«Бірі бәрі үшін, бәрі бірі үшін» әдісін қолдану.

1. Ұялы телефоның модемі арқылы 5 ноутбуктің Wi Fi желісін қолдана отырып интернет жүйесін ноутбукке қосу және жергілікті желінің топтық жіктелуін анықтау. (Ұялы сымсыз байланыс топологиясы).

2. Желілік сымын, модем, коммутатор, принтер құрылғыларын пайдалана отырып бес ноутбукке интернет желісін қосып және принтер құрылғысын іске қосу және жергілікті желінің топтық жіктелуін анықтау. (жұлдыз тәрізді топологиясы).

3. Желілік сымын пайдалана отырып 5 ноутбукті бір- біріне (мост арқылы) қосып және жергілікті желінің топтық жіктелуін анықтау. (сақина тәрізді топологиясы)

Бұл тапсырманы «Смайлик» арқылы бағалаймын. Кері байланыс беру

Жұптық тапсырма. «Ойлан, жұптас, бөліс» әдісі

Шағын зерттеу жүргізіңдер. Әуежайда, ірі супермаркеттерде, үйде немесе сыныпта желілердің қандай топологиясын қолдануға болатынын анықтап сызбасын сызындар.

Бұл тапсырманы «Смайлик» арқылы жұптар бірін- бірі бағалайды. Кері байланыс беру

Жеке тапсырма. «Ой қозғау» әдісі

Желіні бағалау өлшеміне сәйкес топология түрін анықтаңыз

Бұл тапсырманы «Смайлик» арқылы әр оқушы өзін-өзі бағалайды. Кері байланыс беру

АКТ, Интернет ресурсы

бейнесабақ

Компьютермен жұмыс

Интерактивті тақта,

дәптермен жұмыс,

оқулық Информатика 7 сынып

Авторы: Махамбетжанов С.Т.

Сербин В.В

Исабаева Д

Сабақтың соңы

Сабақты қорытындылау кезінде оқушыға жеке тапсырма беремін.

Ойлау дағдыларының деңгейі Қолдану

Бағалау критерийі Компьютерлік желілердің қызметін анықтайды.

Желілік топология түрлерін жазыңыз.

Дескриптор: Білім алушы

• А нұсқасындағы желінің атауын жазады;

• B нұсқасындағы желінің атауын жазады;

• C нұсқасындағы желінің атауын жазады;

• D нұсқасындағы желінің атауын жазады;

• E нұсқасындағы желінің атауын жазады;

• F нұсқасындағы желінің атауын жазады;

• G нұсқасындағы желінің атауын жазады;

Әр оқушыға дескрипторы арқылы тексере отырып ауызша кері байланыс беремін.

Сабақты қорытындылау:

Оқушыларға әр тапсырма соңында жинаған смайликтеріне қарай рефлексия беремін. Көбірек күліп тұрған смайликтерді жинаған оқушыны ерекше мадақтап, қалғандарына сондай нәтиже күтетінің түсіндіремін.

«Көңіл күй» баспалдағы

Оқушылар бүгінгі сабақтан алған білімдерін қаншалықты меңгергенін стикерге жазып, «Көңіл күй» баспалдағына жабыстырады

Үйге тапсырма: Компьютерлік желілерді топтастыру тақырыбын оқып келу. Мектепке тиімді желілердің топтамасының сызбасын құрып келу.

Интерактивті тақта,

дәптермен жұмыс,

оқулық Информатика 7 сынып

Авторы: Махамбетжанов С.Т.

Сербин В.В

Исабаева Д

Саралау – Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?

Бағалау – Сіз оқушылардың материалды игеру деңгейін қалай тексеруді жоспарлап отырсыз?

Денсаулық және қауіпсіздік техникасын сақтау

• Жалпы тапсырмалар беру кезінде сабақтың мазмұнын оқушылардың білім деңгейлеріне қарай жоспарлаймын.

• Оқушыларға қосымша ресурстарын қағаз және интернет желісі түрінде ұсынамын.

• Оқушылардың қажеттіліктеріне қарай жеке, жұптық, топтық тапсырмаларды орындау кезінде диалог арқылы қолдау көрсету және жылдамдығы жоғары оқушыға қосымша тапсырма беремін.

• әрбір тапсырмадан соң оқушы жұмыстары бағаланып отырады.

Сабақтың ортасының соңында қалыптастырушы бағалау (ҚБ) жүргізіледі.

Сабақ барысында

Үй тапсырмасын сұрау кезінде «Ханталапай» әдісі бойынша смайлик арқылы бағаланады.

Жаңа сабақ түсіндіру барысында «Стоп кадр» әдісі бойынша смайлик арқылы бағаланады.

Топтық тапсырмада

«Бірі бәрі үшін, бәрі бірі үшін» әдісі смайлик арқылы бағаланады.

Жұптық тапсырмада «Ойлан, жұптас, бөліс» әдісі арқылы жұптар бірін- бірі смайлик арқылы бағалайды.

Жеке тапсырмада «Ой қозғау» әдісі смайлик арқылы бағаланады.

Сабақты қорытындылау кезінде әр оқушыға дескрипторы арқылы тексере отырып ауызша кері байланыс беремін.

«Көңіл күй» баспалдағы

оқушылар бүгінгі сабақтан алған білімдерін қаншалықты меңгергенін стикерге жазып, «Көңіл күй» баспалдағына жабыстырады

Осы сабақта қолданылатын қауіпсіздік техника ережесін, белсенді оқу әдістерін қолдану барысында бірін- бірі топта тыңдауын, кедергі келтірмеуін оқушыларға айту.

Сабақ бойынша рефлексия

Сабақ мақсаттары немесе оқу мақсаттары шынайы, қолжетімді болды ма?

Барлық оқушылар оқу мақсатына қол жеткізді ме? Егер оқушылар оқу мақсатына жетпеген болса, неліктен деп ойлайсыз? Сабақта саралау дұрыс жүргізілді ме?

Сабақ кезеңдерінде уақытты тиімді пайдаландыңыз ба? Сабақ жоспарынан ауытқулар болды ма және неліктен?

Бұл тарауды сабақ туралы рефлексия жасау үшін пайдаланыңыз. Сол бағандағы өзіңіз маңызды деп санайтын сұрақтарға жауап беріңіз.

Жалпы бағалау

Сабақта ең жақсы өткен екі нәрсе (оқыту мен оқуға қатысты)?

1:

2:

Сабақтың бұдан да жақсы өтуіне не оң ықпал етер еді (оқыту мен оқуға қатысты)?

1:

2:

Осы сабақтың барысында мен сынып туралы немесе жекелеген оқушылардың жетістіктері/ қиыншылықтары туралы нені анықтадым, келесі сабақтарда не нәрсеге назар аудару қажет?