Компьютерлік техниканың даму үрдісі

Сынып: 6 «В» Күні:13.10.17ж

Сабақтың тақырыбы: Компьютерлік техниканың даму үрдісі.

Мақсаты: Компьютерлік техниканың даму тарихы жайлы оқушыларға толық мағлұмат беру.

Білімділік: Оқушыларға компьтерлік техниканың даму тарихы жайлы мағлұмат бере отырып, олардың білімдерін дамыту.

Тәрбиелілік:Оқушыларды шапшаңдылыққа, ептілікке, бірін –бірі сыйлауға тәрбиелеу.

Сабақтың түрі: Жаңа сабақты меңгерту.

Сабақтың барысы: I.Ұйымдастыру кезеңі:

1.Сәлемдесу,оқушылардың сабаққа қатысымын тексеру.

2.Топқа бөлу. Тренинг: «Жүректен жүрекке.»

II.Үй тапсырмасы. Өткен тарауды қорытындылау.

III.Жаңа сабақ. Оқушыларға жаңа түсінік бойынша мән мәтін беріліп. Оқушылар сол мәтінмен танысып- жеке,жұптық, топтық талдау жасап,постер қорғау.

Жаңа түсінік:

1. Механикаға дейінгі кезең.

2. Механикалық кезең.

3. Электромеханикалық кезең.

4. Электронды кезең.

5. Компьтерлік кезең.

1. Бұл кезең біздің заманымыздан бұрынғы 50 мыңжылдықтан XVII ғасырға дейінгі кезеңді алады,яғни есептеуіш техникасының дамуы адамзат өркениетінің дамуынан бастау алған.

Есептеу құралдары пайда болмай тұрып, адамдар әртүрлі есептеу жұмыстарын жүргізу мүмкіндіктерін іздеді. Бұл үшін олар қол саусақтарын, тастарды, ағаш таяқшаларды пайдаланды. Сондай-ақ олар есептеу үшін үйілген, қатарлап тізілген тастарды да қолданған. Ең ерте замаңғы және бәрімізге белгілі есептеу құралы есепшот болып табылады. Есепшоттың пайда болған уақытың осы кезге дейін ешкім айта алмайды. Деректерге қарағанда есепшоттың жасы 2000-5000 жылдар шамасында, ал пайда болған жері ертедегі Қытай немесе ертедегі Египет , тіпті ежелгі Греция болуы да мүмкін.бұл санау құралын Гректермен Батыс Еуропалықтар «абак», Қытайлықтар «суанпан», Жапондықтар «серобян», ал Ресейде «есепшот» деп атаған.

2. XVII ғасырда механиканың дамуына сәйкес шықты.Бұл кезеңде есептеудің механикалық элементтері қолданылған есептеу құрылғылары мен құралдары жасала бастады. 1642 жылы француз математигі Блез Паскаль он тоғыз жасында дүние жүзінде бірінші рет қосу машинасы деген атпен белгілі. жетектер мен дөңгелектерден тұратын механикалық есептеу машинасын құрастырды.1694 жылы атақты неміс математигі Лейбниц Паскалдың идеясы дамытып , өзінің механикалық есептеу машинасын арифометрді құрастырды. Дөңгелектің орнында мұнда цифрлар жазылған цилиндр қолданылды. Арифмометр қазір оқушының қолында жүретін калькулятордың негізін салды. Есептеуіш техникасының қарқындап дамуы XIX ғасырдан басталды. Адамның қатысуынсыз есептеулерді орындайтын құрылғының авторы ағылшын оқымыстысы Чарльз Бэббидж еді, сондықтан көптеген адамдар оны қазіргі компьютердің атасы деп атайды.

3. Электромеханикалық есептеуіш құралы сол кезеңнің жаппай есеп жүргізуіне(экономика,статистика, басқару мен жоспарлау) өте қолайлы болды.Электромеханикалық кезеңде Бэббидж идеясымен программалық басқаруға бейімделген әмбебап есептеуіш машинасы жасалып,оның негізінде есептеуіш техиникасының электрондық даму кезеңіне аяқ басты. ХІХ ғасырдың соңында американдық Герман Холлерит есепші-перфорациялық машина құрастырды. Перфокарталар программаны көрсету үшін емес, сандық ақпараттарды сақтау үшін қолданылды.

4. Компьютердің бірінші буыны – 1959 жылға шейін шығарылған электронды лампалық машиналар, жылдамдықтары ондаған мың а/с., разрядтылығы 31-34 бит, жедел жадыларының көлемі 1-4 кб, амалдардың жұмыс ырғағы қатал тізбекті, яғни, келесі орындалатын амал ағымдағы амалдың орындалуы толық біткеннен соң ғана басталады, енгізу/шығару амалдары орындалып тұрғанда орталық процессор тоқтап тұрады.

5. Компьютердің төртінші буыны – 1975 жылдан бастап үлкен немесе өте үлкен интегралды микросхемалар арқылы жасалынған көппроцессорлы суперкомпьютерлер мен микрокомпьютерлер (кейін оларды дербес компьютерлер деп атап кетті).шыға бастады.

IV.Миға арналған жаттығулар.

1)Берілген кестенің вертикаль, горизонталь және диагональ ұяшықтарын қосқанда бірдей сан шығатындай етіп 3,4,5,6,8,9 сандарын орынын тауып орналастырып шығыңдар.

2)Ребустар-3 топқа жеке-жеке.

V.Кері баланыс: «Бес саусақ»

VI.Қорытындылау:Видеоролик көрсету.

Бағалау:

Үй тапсырмасы: Компьютерлік техиканың даму үрдісі.

Эссе. «Компьютердің пайдасы мен зияны»